મહેસાણાના ગોડલી પેલેસમાં બ્રહ્માકુમારીઝ દ્વારા બે દિવસીય રાજયોગ થોટ લેબ ટ્રેનિંગનું આયોજન કરવામાં આવ્યું. આ ટ્રેનિંગમાં મહેસાણા સબઝોનની 75 બ્રહ્માકુમારી બહેનોએ એડવાન્સ રાજયોગ મેડિટેશન કોર્સ પૂર્ણ કર્યો. 10-11 મે 2025ના રોજ સવારે 9થી સાંજે 7:30 સુધી યોજાયેલા આ કાર્યક્રમમાં સાંકળચંદ પટેલ યુનિવર્સિટી, વિસનગરના ચેરમેન પ્રકાશભાઈ પટેલે વિશેષ અતિથિ

તરીકે હાજરી આપી. તેમણે યુનિવર્સિટી કેમ્પસમાં થોટ લેબ શરૂ કરવાનું આમંત્રણ આપ્યું. તેમણે NEP 2020માં ભારતીય જ્ઞાન પરંપરામાં બ્રહ્માકુમારીઝના મૂલ્ય શિક્ષણને સ્થાન આપવાની વાત કરી. આર.જે. ઇન્ટરનેશનલ સ્કૂલના ચેરમેન યોગેશભાઈ પટેલે વિદ્યાર્થીઓના તણાવ ઘટાડવા માટે શાળાઓમાં આધ્યાત્મિક શિક્ષણની આવશ્યકતા પર ભાર મૂક્યો. મહેસાણાના રાજયોગિની બ્રહ્માકુમારી સરલા દીદીએ શિક્ષણ

પ્રભાગની વિવિધ પહેલો વિશે માહિતી આપી. જયપુરથી આવેલા ટ્રેનર્સ બ્રહ્માકુમાર મુકેશભાઈ અને ચિત્રાબેન તેમજ માઉન્ટ આબુથી આવેલા બ્રહ્માકુમારી સુપ્રિયાબેને પ્રેક્ટિકલ સેશન્સ કરાવ્યા. કાર્યક્રમની શરૂઆતમાં બહેનોનું પુષ્પોથી સ્વાગત કરવામાં આવ્યું. વરિષ્ઠ રાજયોગ શિક્ષિકા બ્રહ્માકુમારી કુસુમબેને સ્વાગત પ્રવચન આપ્યું અને અમદાવાદ વિવેકાનંદ કોલેજ ઓફ આર્ટ્સના આચાર્ય બ્રહ્માકુમારી મમતાબેને કાર્યક્રમનું સંચાલન કર્યું.