આમિર ખાનની ફિલ્મ 'સિતારે ઝમીન પર' 20 જૂને રિલીઝ થઈ છે. આ ફિલ્મ મારફતે તેમણે ડાઉન સિન્ડ્રોમ અને ન્યુરો ડાયવર્જન્સ જેવા સંવેદનશીલ અને જટિલ વિષય પર પ્રકાશ પાડ્યો છે, જેમના વિશે સામાન્ય રીતે ગેરમાન્યતા હોય છે. આ ફિલ્મ જોયા પછી, એક પરિવારે આમિર ખાન અને તેના પ્રોડક્શન હાઉસની પ્રશંસા કરી અને તેમનો આભાર માન્યો અને એક

ભાવનાત્મક નોટ પણ લખી છે, જેમાં તેમણે જણાવ્યું કે, આ ફિલ્મે તેમના પરિવારના દુ:ખ અને પ્રેમને પડદા પર ખૂબ સારી રીતે દર્શાવ્યો છે. તેનાથી તેમને જીવન પ્રત્યે એક નવો દૃષ્ટિકોણ પણ મળ્યો. એક વ્યક્તિએ કહ્યું કે, તેનો ભાઈ ઋષભ, જેને સેરેબ્રલ પાલ્સી છે, તે ફિલ્મ જોતી વખતે ખૂબ જ ભાવુક થઈ ગયો. તેની આંખોમાં આંસુ આવી

ગયા અને તેણે કહ્યું, 'આ લોકો બિલકુલ અમારા જેવા જ છે ને?' આ નોટમાં પરિવારે ફિલ્મના કેટલાક ખાસ દૃશ્યોનો પણ ઉલ્લેખ કર્યો છે, જેમાં દિવ્યાંગતાને બીમારી તરીકે નહીં પરંતુ એક અલગ અનુભવ તરીકે દર્શાવવામાં આવી છે. તેમણે એમ પણ કહ્યું કે ફિલ્મમાં પરિવારોના સંઘર્ષ, પ્રેમ અને આશાઓને વાસ્તવિકતા સાથે પડદા પર દર્શાવવામાં આવી છે. આખી ફિલ્મ દરેક

પાસામાં અદ્ભુત હતી. ફિલ્મના દરેક દૃશ્ય અને સંવાદોમાં એવું લાગતા હતા કે, તે ફક્ત એક્ટિંગ જ નહીં, પણ જીવવામાં આવ્યા હોય. પરંતુ ફિલ્મનો એક સંવાદ ખરેખર અમારા હૃદયને સ્પર્શી ગયો. જ્યારે કરતાર સિંહ કહે છે- આ પરિવારોમાં સમસ્યાઓ હોય છે પરંતુ આ ઘરો ક્યારેય વૃદ્ધ થતા નથી, કારણ કે આ બાળકો હંમેશા તેમનું બાળપણ ભરી દે

છે. તેમના પરિવારનો જીવ વસે છે તેમાં. ​​​​​ તેમણે લખ્યું, 'તમારી ફિલ્મે લોકોનો દૃષ્ટિકોણ બદલી નાખ્યો છે. દિવ્યાંગતા તેમના માટે નબળાઈ નહીં, પણ એક નવી તાકાત બનશે. એટલું જ નહીં, આ સમયે ભારતભરના ઘરોમાં તમારી ફિલ્મની ચર્ચા થઈ રહી છે. માતા-પિતાએ હવે તેમના દિવ્યાંગ બાળકોને એક નવા દૃષ્ટિકોણથી જોવાનું શરૂ કર્યું છે. ભાઈ-બહેનની તે લાગણીઓ વ્યક્ત કરી

રહ્યા છે. શિક્ષકો તેમની શિક્ષણ પદ્ધતિઓ વિશે વિચારી રહ્યા છે. સમાજ પણ તેની ખોટી વિચારસરણી સામે લડી રહ્યો છે.' પત્રમાં આગળ જણાવાયું હતું કે, તેનો ભાઈ ઋષભ આમિર ખાનનો મોટો ચાહક છે. આ શુક્રવારે, 27 જૂને, તે તેનો 33મો જન્મદિવસ ઉજવવા જઈ રહ્યો છે અને તેને આશા છે કે કોઈ દિવસ તે આમિર ખાનને મળી શકશે.