અદાણી ગ્રુપની કંપની અદાણી પાવર લિમિટેડની ચોથા ક્વાર્ટરમાં કુલ આવક 14,536 કરોડ રૂપિયા રહી હતી. આ ગયા વર્ષ કરતાં 4.7% વધુ છે. કંપનીની આ કમાણીમાં, ઓપરેશનમાંથી આવક રૂ. 14,237 કરોડ રહી. જાન્યુઆરીથી માર્ચ ક્વાર્ટરમાં, કંપનીનો કુલ ખર્ચ રૂ. 11,274 કરોડ હતો અને કુલ ટેક્સ રૂ. 662 કરોડ હતો. જો કુલ આવકમાંથી ખર્ચ, ટેક્સ અને અન્ય ખર્ચ બાદ કરવામાં આવે તો, કંપનીએ ચોથા ક્વાર્ટરમાં રૂ. 2,637 કરોડનો કોન્સોલિડેટેડ નેટ પ્રોફિટ થયો છે. ગયા વર્ષની સરખામણીમાં આ 4% નો ઘટાડો છે. અદાણી પાવરે બુધવારે (30 એપ્રિલ) તેના જાન્યુઆરી-માર્ચ ક્વાર્ટર (Q4FY25, ચોથા ક્વાર્ટર)ના પરિણામો જાહેર કર્યા છે. શું કંપનીના પરિણામો અપેક્ષા કરતાં

સારા છે? બજાર નિષ્ણાતોએ નાણાકીય વર્ષ 2024-25 ના ચોથા ક્વાર્ટરમાં અદાણી પાવરની આવક રૂ. 13,839 કરોડ રહેવાની અપેક્ષા રાખી હતી. જો આ રીતે જોવામાં આવે તો, કંપનીએ બજાર વિશ્લેષકોની અપેક્ષાઓ કરતાં વધુ સારું પ્રદર્શન કર્યું છે. આ વર્ષે અત્યાર સુધી સ્ટોકનું પ્રદર્શન કેવું રહ્યું છે? અદાણી પાવરના શેર આજે 3.49%

ઘટીને રૂ. 529.50 પર બંધ થયા. છેલ્લા 5 દિવસમાં કંપનીનો શેર 9% ઘટ્યો છે. 1 મહિનામાં શેર 5% વધ્યો છે. જ્યારે 6 મહિનામાં તેમાં 11%નો ઘટાડો થયો છે. એક વર્ષમાં કંપનીનો હિસ્સો લગભગ 14% ઘટ્યો છે. કંપનીનું બજાર મૂલ્ય 2.05 લાખ કરોડ રૂપિયા છે. કોન્સોલિડેટેડ નફો એટલે સમગ્ર ગ્રુપનું પ્રદર્શન

કંપનીઓના પરિણામો બે ભાગમાં આવે છે - સ્ટેન્ડઅલોન અને કોન્સોલિડેટેડ. સ્ટેન્ડઅલોન ફક્ત એક જ એકમની નાણાકીય કામગીરી દર્શાવે છે. જ્યારે કોન્સોલિડેટેડ સમગ્ર કંપનીના રિપોર્ટ આપે છે અદાણી પાવરની શરૂઆત 1996માં થઈ હતી અદાણી પાવર લિમિટેડ (APL) ની સ્થાપના 22 ઓગસ્ટ 1996ના રોજ થઈ હતી. તે દેશની સૌથી મોટી ખાનગી ક્ષેત્રની

થર્મલ પાવર ઉત્પાદક કંપની છે. કંપનીની વીજ ઉત્પાદન ક્ષમતા 15,250 મેગાવોટ છે. તેના થર્મલ પ્લાન્ટ ગુજરાત, મહારાષ્ટ્ર, કર્ણાટક, રાજસ્થાન, છત્તીસગઢ, મધ્યપ્રદેશ અને ઝારખંડમાં છે. તેમજ, ગુજરાતમાં 40 મેગાવોટ ક્ષમતાનો સૌર પ્લાન્ટ છે. તે ક્યોટો પ્રોટોકોલના ક્લીન ડેવલપમેન્ટ મિશન (CDM) હેઠળ નોંધાયેલ કોલસા આધારિત સુપરક્રિટિકલ થર્મલ પાવર પ્રોજેક્ટ્સ બનાવતી કંપની છે.