એરટેલ પછી, હવે દેશની સૌથી મોટી ટેલિકોમ સેવા પ્રોવાઈડર રિલાયન્સ જિયોએ પણ ઈલોન મસ્કની કંપની સ્ટારલિંક સાથે સેટેલાઇટ ઇન્ટરનેટ પ્રોવાઈડ કરવા માટે કરાર કર્યા છે. ગઈકાલે એટલે કે મંગળવારે (11 માર્ચ) ટેલિકોમ કંપની ભારતી એરટેલે અમેરિકન કંપની સાથે કરાર કર્યો હતો. મંગળવારે (11 માર્ચ)ના રોજ સ્ટોક એક્સચેન્જ ફાઇલિંગમાં એરટેલે આ માહિતી આપી હતી. આ કરાર હેઠળ, સ્પેસએક્સ અને એરટેલ બિઝનેસેસ, શૈક્ષણિક સંસ્થાઓ, આરોગ્યસંભાળ કેન્દ્રો અને દૂરના વિસ્તારોમાં સ્ટારલિંક સેવાઓ પહોંચાડવા માટે સાથે મળીને કામ કરશે. એરટેલના હાલના નેટવર્ક ઈન્ફ્રાસ્ટ્રક્ચરમાં સ્ટારલિંક ટેક્નોલોજીને ઈન્ટિગ્રેટ કરવાની શક્યતાઓ શોધવામાં આવશે. સ્ટારલિંક વિશ્વભરના યુઝર્સને હાઇ-સ્પીડ ઇન્ટરનેટ આપે છે. તેની પાસે પૃથ્વીની

નીચી ભ્રમણકક્ષામાં 7 હજારથી વધુ સેટેલાઈટનું વિશ્વનું સૌથી મોટું સેટેલાઈટ નેટવર્ક છે. સ્ટારલિંક ઇન્ટરનેટ દ્વારા સ્ટ્રીમિંગ, ઓનલાઈન ગેમિંગ, વીડિયો કોલ સરળતાથી કરી શકાય છે. સ્ટારલિંક દૂરના વિસ્તારોમાં પણ ઝડપી ઇન્ટરનેટ પ્રદાન કરે છે સ્ટારલિંકનું કામ સેટેલાઇટ દ્વારા દૂરના વિસ્તારોને પણ ઝડપી ઇન્ટરનેટથી જોડવાનું છે. આમાં, કંપની એક કિટ પૂરી પાડે છે જેમાં રાઉટર, પાવર સપ્લાય, કેબલ અને માઉન્ટિંગ ટ્રાઇપોડનો સમાવેશ થાય છે. હાઇ-સ્પીડ ઇન્ટરનેટ માટે આ ડિશ ખુલ્લા આકાશ નીચે મૂકવામાં આવી છે. સ્ટારલિંકની એપ iOS અને Android પર ઉપલબ્ધ છે, જે સેટઅપથી લઈને મોનિટરિંગ સુધી બધું જ કરે છે. સેટેલાઈટ્સ દ્વારા ઇન્ટરનેટ તમારા સુધી કેવી

રીતે પહોંચે છે? સેટેલાઈટ્સ ધરતીના કોઈપણ ભાગથી ઇન્ટરનેટ કવરેજને શક્ય બનાવે છે. સેટેલાઈટ્સનું નેટવર્ક યુઝર્સને હાઇ-સ્પીડ, લો-લેટન્સી ઇન્ટરનેટ કવરેજ પૂરું પાડે છે. લેટન્સી એ ડેટાને એક બિંદુથી બીજા બિંદુ સુધી પહોંચવામાં લાગતો સમય દર્શાવે છે. સ્ટારલિંક સાધનો એરટેલ રિટેલ સ્ટોર્સ પર ઉપલબ્ધ થશે 46 કરોડ ગ્રાહકો સાથે જિયો સૌથી મોટી ઓપરેટર રિલાયન્સ ઈન્ડસ્ટ્રીઝે ટેલિકોમ, ઈન્ટરનેટ અને ડિજિટલ બિઝનેસ માટે 5 વર્ષમાં લગભગ 26 હજાર કરોડ રૂપિયા ખર્ચ્યા છે. રિલાયન્સ જિયો દેશની સૌથી મોટી ટેલિકોમ ઓપરેટર છે,જેના ઓક્ટોબરના અંતમાં 47 કરોડ વાયરલેસ ગ્રાહકો છે. ગયા વર્ષે જૂનમાં ટેરિફમાં વધારાને કારણે સપ્ટેમ્બર ક્વાર્ટરમાં તેના નફામાં ઉછાળો આવ્યો હતો.