ફિલ્મ પ્રોડ્યુસર અનુરાગ કશ્યપ ઘણીવાર પોતાનાં નિવેદનોને કારણે સમાચારમાં રહે છે. તાજેતરમાં, તેણે ફિલ્મોમાં પાત્રોને ડ્રગ્સનું સેવન કરતા બતાવવા માટે સ્ક્રીન પર દર્શાવવામાં આવતી સ્મોકિંગ વોર્નિંગ સામે વાંધો ઉઠાવ્યો છે. તેમનું કહેવું છે કે આવી ચેતવણીઓ દર્શકોને પરેશાન કરે છે. ઈન્ડીવાયર સાથે વાત કરતા, અનુરાગ કશ્યપે કહ્યું, “સિનર્સ જેવી મૂડ-ડ્રિવન ફિલ્મોમાં, ધૂમ્રપાન અને દારૂ પીવા સામે

તે ક્ષણે દર્શાવાતી સ્મોકિંગ વોર્નિંગ દર્શકોને એ ઊંડો અનુભવ થવા દેતી નથી જેના માટે ફિલ્મ નિર્માતાએ ખૂબ મહેનત કરી હોય છે. તે (સ્મોકિંગ વોર્નિંગ) ફિલ્મના મૂડ અને બિલ્ડ-અપ પ્રક્રિયાને બગાડે છે. એટલું જ નહીં, X પ્લેટફોર્મ પર દર્શકોએ પણ આવી જ લાગણીઓ શેર કરી છે.' આ પહેલી વાર નથી જ્યારે કશ્યપે સીબીએફસી સમક્ષ ધૂમ્રપાન અંગેના

ડિસ્ક્લેમર સામે વાંધો ઉઠાવ્યો હોય. અગાઉ 2013 માં, તેમણે તેમની ફિલ્મ 'અગ્લી'માં આવા ડિસ્ક્લેમરનો સમાવેશ કરવાની બોર્ડની માગ સામે વાંધો ઉઠાવ્યો હતો. આ મામલો કોર્ટમાં લઈ જવા છતાં, કેસ લંબાયો, ફિલ્મ લીક થઈ ગઈ અને અંતે તેને તે ડિસ્ક્લેમર સાથે ફિલ્મ રિલીઝ કરવી પડી. અનુરાગ કશ્યપે કહ્યું, 'મેં મારી 2013ની ફિલ્મ 'અગ્લી'માં આ ડિસ્ક્લેમરના વિરોધમાં સેન્સર

બોર્ડ સામે કેસ દાખલ કર્યો હતો. મેં દલીલ કરી હતી કે આવી ચેતવણીઓ કલાત્મક અભિવ્યક્તિ સામે એક મૂળભૂત ખતરો છે. આ મામલો લાંબા સમય સુધી ચાલ્યો અને આખરે અમારે તે લડાઈ છોડી દેવી પડી અને ફિલ્મને તેના પાઇરેટેડ વર્ઝન પછી રિલીઝ કરવી પડી.' તે કહે છે કે, 'એક ફિલ્મ નિર્માતા દર્શકોને ફિલ્મ સાથે જોડવા માટે

ઘણા પ્રયત્નો કરે છે. આમાં દ્રશ્યો, ગીતો અને અન્ય વિગતોનો ઉપયોગ કરવામાં આવે છે. પરંતુ દર્શકોને તે અનુભવ કરવાની તક મળે તે પહેલાં, ફિલ્મમાં એક આઘાતજનક જાહેરાત આવી જાય છે જે દર્શકોના અનુભવને બગાડે છે.' અનુરાગ કશ્યપે બ્રાહ્મણો પર અપમાનજનક ટિપ્પણી કરી હતી નોંધનીય છે કે, તાજેતરમાં સમાજ સુધારક જ્યોતિબા ફુલે પર બનેલી ફિલ્મ સાથે જોડાયેલા

વિવાદમાં અનુરાગ કશ્યપે બ્રાહ્મણો વિશે અપમાનજનક વાતો કહી હતી. તેણે કહ્યું હતું કે હું બ્રાહ્મણો પર પેશાબ કરીશ, કોઈ સમસ્યા છે? આ ટિપ્પણીનો સ્ક્રીનશોટ વાયરલ થતાં જ ફિલ્મ નિર્માતા અનુરાગ કશ્યપ વિવાદોમાં ઘેરાઈ ગયા. મુંબઈ અને ઈન્દોર સહિત ઘણી જગ્યાએ તેમની વિરુદ્ધ ફરિયાદો દાખલ કરવામાં આવી હતી. જોકે, બાદમાં તેમણે માફી પણ માંગી લીધી હતી.