ટ્રમ્પ દ્વારા એપલને આપવામાં આવેલી ધમકી છતાં, અમેરિકામાં વેચાતા લગભગ તમામ આઇફોન ભારતમાં બનાવવામાં આવી રહ્યા છે. રોઇટર્સના અહેવાલ મુજબ, માર્ચ અને મે 2025 દરમિયાન ભારતમાંથી એપલ દ્વારા નિકાસ કરાયેલા તમામ આઇફોનમાંથી 97% યુએસ મોકલવામાં આવ્યા છે. તેમની કિંમત $3.2 બિલિયન (રૂ. 27,000 કરોડ) હતી. ફક્ત મે મહિનામાં જ, લગભગ $1 બિલિયન એટલે કે

રૂ. 8,600 કરોડના આઇફોન ભારતમાંથી યુએસ મોકલવામાં આવ્યા હતા. આનો અર્થ એ થયો કે એપલ હવે ફક્ત યુએસ બજાર માટે ભારતમાં આઇફોનનું ઉત્પાદન કરી રહી છે. જાન્યુઆરીથી મે 2025 સુધીમાં, ભારતમાંથી અમેરિકામાં $4.4 બિલિયન (₹37 હજાર કરોડ)ના મૂલ્યના iPhones નિકાસ કરવામાં આવ્યા છે. આ આંકડો 2024ની 3.7 બિલિયન નિકાસ કરતા વધુ છે. 2024

સુધીમાં, અમેરિકામાં વેચાતા 50% iPhones ભારતમાં બનાવવામાં આવ્યા હતા. ટ્રમ્પે એપલ પર 25% ટેરિફ લાદવાની ધમકી આપી ડોનાલ્ડ ટ્રમ્પે 23 મેના રોજ કહ્યું હતું કે અમેરિકામાં વેચાતા આઇફોનનું ઉત્પાદન ભારત કે અન્ય કોઈ દેશમાં નહીં પણ અમેરિકામાં થવું જોઈએ. તેમણે એપલના સીઈઓ ટિમ કૂકને કહ્યું છે કે જો એપલ અમેરિકામાં આઇફોનનું ઉત્પાદન નહીં કરે

તો કંપની પર ઓછામાં ઓછો 25% ટેરિફ લાદવામાં આવશે. ટ્રમ્પે સોશિયલ મીડિયા પ્લેટફોર્મ ટ્રુથ સોશિયલ પર લખ્યું, મેં ઘણા સમય પહેલા એપલના ટિમ કૂકને જાણ કરી હતી કે અમેરિકામાં વેચાતા આઈફોનનું ઉત્પાદન ભારતમાં કે બીજે ક્યાંય નહીં, પણ અમેરિકામાં જ થવું જોઈએ. જો આવું ન થાય, તો એપલને ઓછામાં ઓછો 25% ટેરિફ ચૂકવવો

પડશે. ટ્રમ્પ નથી ઇચ્છતા કે એપલના ઉત્પાદનો ભારતમાં બને અમેરિકાના રાષ્ટ્રપતિ ડોનાલ્ડ ટ્રમ્પ નથી ઇચ્છતા કે એપલના ઉત્પાદનો ભારતમાં બને. ગયા અઠવાડિયે ટ્રમ્પે કંપનીના સીઈઓ ટિમ કૂકને કહ્યું હતું કે ભારતમાં ફેક્ટરીઓ સ્થાપવાની કોઈ જરૂર નથી. ભારત પોતાનું ધ્યાન રાખી શકે છે. ટ્રમ્પે ગુરુવારે (15 મે) કતારની રાજધાની દોહામાં બિઝનેસ લીડર્સ સાથેના એક કાર્યક્રમમાં

એપલના સીઈઓ સાથેની આ વાતચીત વિશે માહિતી આપી હતી. તેમણે કહ્યું કે એપલે હવે અમેરિકામાં ઉત્પાદન વધારવું પડશે. આમ છતાં, એપલની સૌથી મોટી કોન્ટ્રાક્ટ ઉત્પાદક ફોક્સકોને ભારતમાં $1.49 બિલિયન (લગભગ ₹12,700 કરોડ)નું રોકાણ કર્યું છે. ફોક્સકોને છેલ્લા 5 દિવસમાં તેના સિંગાપોર યુનિટ દ્વારા તમિલનાડુની યુઝાન ટેકનોલોજી (ઇન્ડિયા) પ્રાઇવેટ લિમિટેડમાં આ રોકાણ કર્યું છે.