બાબા વેંગાની આગાહીઓ આજે પણ લોકોને વિચારવા માટે મજબૂર કરી દે છે, તેમણે વર્ષો પહેલા એક એવી ટેકનોલોજી વિશે પણ ચેતવણી આપી હતી, જે આજે દરેક વ્યક્તિના ખિસ્સામાં છે અને તે છે મોબાઈલ ફોન. તેમણે કહ્યું હતું કે એક સમય આવશે જ્યારે લોકો નાના ઈલેક્ટ્રોનિક ઉપકરણો પર એટલા નિર્ભર બની જશે કે તે માનવ વર્તન, વિચારવાની ક્ષમતા અને માનસિક સ્વાસ્થ્ય પર મોટી અસર કરશે. ઉલ્લેખનીય છે કે આજે જ્યારે આપણે આપણી આસપાસ નજર કરીએ છીએ, ત્યારે સ્પષ્ટ થાય છે કે તેમના શબ્દોમાં કેટલું સત્ય હતું. ખાસ કરીને બાળકો અને કિશોરોના જીવનમાં, મોબાઈલ ફોન જરૂરિયાત નહીં પણ આદત બની ગયો છે.

બાળકોની ઊંઘ પર પડે છે અસર

ભારતના રાષ્ટ્રીય બાળ અધિકાર સંરક્ષણ આયોગ દ્વારા હાથ ધરવામાં આવેલા તાજેતરના અભ્યાસમાં જાણવા મળ્યું છે કે લગભગ 24% બાળકો સૂતા પહેલા મોબાઈલ ફોનનો ઉપયોગ કરે છે. આની સીધી અસર તેમની ઊંઘ પર પડી રહી છે. ઊંઘના અભાવે, બાળકો દિવસભર થાક, ચીડિયાપણું અને એકાગ્રતાના અભાવથી પીડાય છે.

ચિંતા અને ઉદાસીનતામાં વધારો

મોબાઈલ ફોનનું વ્યસન માત્ર ઊંઘ પર અસર કરી રહ્યું નથી, પરંતુ બાળકોમાં માનસિક સમસ્યાઓ પણ વધારી રહ્યું છે. સ્ક્રીન પર કલાકો વિતાવવાથી માત્ર આંખો અને શરીરને જ નુકસાન થતું નથી, પરંતુ તે બાળકોમાં ચિંતા, હતાશા અને એકલતાની લાગણીઓ પણ વધારે છે. આ સિવાય બાબા વેંગાએ જે ભય વિશે વાત કરી હતી તે હવે આપણી સામે આવીને ઉભો છે. બાળકોનું ધ્યાન વારંવાર ભટકાય છે, તેઓ કોઈપણ એક કામ પર ધ્યાન કેન્દ્રિત કરી શકતા નથી. આનાથી માત્ર અભ્યાસમાં સમસ્યાઓ જ થતી નથી પણ તેમની સમસ્યા ઉકેલવાની ક્ષમતા પણ નબળી પડે છે.

ટેકનોલોજી વરદાન છે કે અભિશાપ?

મોબાઈલ ફોન માનવજાતે પોતાની સુવિધા માટે બનાવ્યો છે. પરંતુ આજે એ જ ઉપકરણ એક વ્યસન બની ગયું છે, જે ધીમે ધીમે તમામ ઉંમરના લોકોને માનસિક, શારીરિક અને સામાજિક રીતે નબળા બનાવી રહ્યું છે. બાબા વાંગાની આગાહી એક ચેતવણી હતી, જેને હવે અવગણવી મુશ્કેલ બની રહી છે. જો આપણે સમયસર તેનો સંતુલિત ઉપયોગ નહીં શીખીએ તો આવનારી પેઢીઓને તેની કિંમત ચૂકવવી પડશે.

નોંધ- અહીં આપવામાં આવેલી માહિતી માત્ર બાબા વેંગા દ્વારા કરવામાં આવેલી ભવિષ્યવાણીને આધારે લખવામાં આવી છે, સંદેશ ન્યૂઝ તેની પુષ્ટિ કરતું નથી