મનોજ કુમારના નિધનના શોકમાંથી ફિલ્મ ઈન્ડસ્ટ્રી હજુ બહાર નથી આવી ત્યાં વધુ એક ખરાબ સમાચાર સામે આવી રહ્યા છે. બોલિવૂડ એક્ટ્રેસ જેકલીન ફર્નાન્ડીઝ પર દુ:ખનો પહાડ તૂટી પડ્યો છે. એક્ટ્રેસની માતા કિમ ફર્નાન્ડીઝનું આજે સવારે નિધન થયું. તેમની માતા છેલ્લા ઘણા દિવસોથી મુંબઈની લીલાવતી હોસ્પિટલમાં દાખલ હતા. માતાનાં મૃત્યુ પછી, એક્ટ્રેસના પિતા પાર્થિવ શરીર લેવા માટે

હોસ્પિટલ પહોંચ્યા હતા. આ પછી તેમની દફન વિધિ કરવામાં આવી હતી. આ કારણે એક્ટ્રેસે થોડા દિવસો માટે કામમાંથી વિરામ લીધો હતો અને સતત હોસ્પિટલની મુલાકાત લેતી હતી. 26 માર્ચે તે ગુવાહાટીમાં રાજસ્થાન રોયલ્સ અને કોલકાતા નાઈટ રાઈડર્સ વચ્ચેની IPL મેચમાં પરફોર્મ કરવાની હતી, પરંતુ એવું કહેવામાં આવી રહ્યું છે કે તેની માતાની તબિયત ખરાબ હોવાથી એક્ટ્રેસે

આ ઇવેન્ટમાં પરફોર્મ કર્યું ન હતું. સલમાન ખાન જેકલીનની માતાને મળવા હોસ્પિટલ પહોંચ્યો હતો એક અઠવાડિયા પહેલા, સલમાન ખાન પણ જેકલીન ફર્નાન્ડીઝની માતા કિમને મળવા લીલાવતી હોસ્પિટલ પહોંચ્યો હતો. આ બંને ટૂંક સમયમાં 'કિક 2'માં સાથે જોવા મળશે. 2022થી તેમની તબિયત બગડતી ગઈ જેકલીન ફર્નાન્ડીઝની માતાને વર્ષ 2022માં પણ હાર્ટએટેક આવ્યો હતો. તે સમયે તેમની સારવાર બહેરીનમાં ચાલી

રહી હતી. કિમ ફર્નાન્ડિસ પહેલા મનામામાં રહેતાં હતાં, જ્યારે જેકલીન કામના કારણે ભારતમાં રહે છે. થોડા સમય પહેલા ન્યુ ગુજરાતને આપેલા ઇન્ટરવ્યૂમાં જેકલીન ફર્નાન્ડીઝે તેની માતા વિશે વાત કરી હતી. તેણે કહ્યું, 'હું જે કંઈ કરું છું તેમાં હંમેશા મારી માતાનો ખૂબ જ સપોર્ટ રહ્યો છે. જ્યારે પણ હું ટ્રેક પરથી ઉતરી જાતી, ત્યારે તે એક

જ એવી વ્યક્તિ હતી જે મને સંભાળતી હતી. 'પિતા સાથે જ્યારે બોલચાલ થતી ત્યારે મારી માતા તેમને સમજાવતી' જેક્લીને ઇન્ટરવ્યૂમાં કહ્યું કે- જ્યારે મારી અને પપ્પાની કોઈ બાબતે તકરાર થતી, તો ઘણીવાર મારી માતા તેમને સમજાવતી કારણ કે તેમની વાતચીત કરવાની સ્ટાઈલ અદ્ભુત છે. જો હું મારી માતા પર પુસ્તક લખું તો તેનું ટાઈટલ હશે 'થ્રુ હર

આઇઝ'. મારી માતાને ભારતીય કુર્તી ખૂબ ગમે છે. હું તેના માટે ભારતથી કુર્તી લઈ જાઉં છું, તેને તે ખૂબ જ ગમે છે. જેકલીનની માતા કિમ એર હોસ્ટેસ હતા જેકલીનની માતા કિમ ફર્નાન્ડીઝ મલેશિયન નાગરિક હતાં. તે એર હોસ્ટેસ રહી ચૂક્યાં છે. કિમના લગ્ન શ્રીલંકાના બિઝનેસ મેન એલરોય ફર્નાન્ડીઝ સાથે થયા છે. જેકલીન સહિત તેમના 4 બાળકો છે.