પાકિસ્તાનમાં બલૂચ લિબરેશન આર્મી (BLA) એ એક પેસેન્જર ટ્રેનનું હાઇજેક કરવાનો દાવો કર્યો છે. BLAએ મંગળવારે કહ્યું કે તેમની સેનાએ જાફર એક્સપ્રેસને હાઇજેક કરી અને 120 મુસાફરોને બંધક બનાવ્યા હતા. અહેવાલો અનુસાર, આ ટ્રેનમાં 500 લોકો સવાર છે. BLAએ ટ્રેનમાં હાજર 6 સૈનિકોને પણ મારી નાખ્યા. BLAએ ચેતવણી આપી છે કે જો તેમની સામે કોઈ કાર્યવાહી કરવામાં આવશે તો તેઓ 120 બંધકોને મારી નાખશે. પાકિસ્તાની મીડિયા રિપોર્ટ્સ અનુસાર, BLA આતંકવાદીઓએ જાફર એક્સપ્રેસ ટ્રેન પર હુમલો કર્યો હતો

જેમાં ટ્રેન ડ્રાઈવર ઘાયલ થયો હતો. આ હુમલા બાદ વિસ્તારની તમામ હોસ્પિટલોમાં કટોકટી જાહેર કરવામાં આવી છે. BLAએ નિવેદન બહાર કર્યું- પાટા ઉડાવી દેવામાં આવ્યા એક નિવેદનમાં, BLA એ જણાવ્યું હતું કે અમારા લડવૈયાઓએ મશ્કાફ, ધાદર અને બોલાનમાં આ ઓપરેશનની યોજના બનાવી છે. રેલવે ટ્રેક ઉડાવી દેવામાં આવ્યો છે, જેના કારણે જાફર એક્સપ્રેસ રોકાઈ ગઈ છે. આ પછી અમારા લડવૈયાઓએ આ ટ્રેન કબજે કરી અને મુસાફરોને બંધક બનાવી લીધા. જો અમારા વિરુદ્ધ કોઈ લશ્કરી કાર્યવાહીનો પ્રયાસ કરવામાં

આવશે, તો અમે બધા બંધકોને મારી નાખીશું. આ હત્યાકાંડ માટે પાકિસ્તાની સેના જવાબદાર રહેશે. બે વર્ષ પહેલા જાફર એક્સપ્રેસમાં વિસ્ફોટ થયો હતો 16 ફેબ્રુઆરી 2023ના રોજ પણ પેશાવરથી ક્વેટા જતી જાફર એક્સપ્રેસમાં વિસ્ફોટ થયો હતો, જેમાં 2 લોકોના મોત થયા હતા. ટ્રેન ચિચાવતની રેલવે સ્ટેશન પાર કરી રહી હતી ત્યારે વિસ્ફોટ થયો. આ હુમલાની જવાબદારી તહરીક-એ-તાલિબાન પાકિસ્તાન (TTP)એ સ્વીકારી હતી. જાફર એક્સપ્રેસ ક્વેટા અને પેશાવર વચ્ચે દોડે છે. 25 અને 26 ઑગસ્ટ 2024ની રાત્રે, બલૂચ લિબરેશન આર્મી (BLA)એ

કોલપુર અને માખ વચ્ચેના પુલને ઉડાવી દીધો. જે બાદ ટ્રેન સેવા બંધ કરી દેવામાં આવી હતી. 11 ઓક્ટોબર 2024થી ટ્રેન સેવા ફરી શરૂ થઈ. બલુચિસ્તાન લિબરેશન આર્મી શું છે? બલુચિસ્તાનના ઘણા લોકો માને છે કે ભારત-પાકિસ્તાનના ભાગલા પછી, તેઓ એક સ્વતંત્ર દેશ તરીકે રહેવા માંગતા હતા. પરંતુ તેમની સંમતિ વિના તેમને પાકિસ્તાનમાં સામેલ કરવામાં આવ્યા. સ્વતંત્ર દેશ બન્યો નહીં અને તેથી બલુચિસ્તાનમાં સેના અને લોકો વચ્ચેનો સંઘર્ષ આજે પણ ચાલુ છે. BBCના મતે, બલુચિસ્તાનમાં આઝાદીની માંગણી કરતા ઘણા

સંગઠનો છે પરંતુ બલુચિસ્તાન લિબરેશન આર્મી (BLA) સૌથી શક્તિશાળી સંગઠન છે. આ સંગઠન 70ના દાયકામાં અસ્તિત્વમાં આવ્યું હતું પરંતુ 21મી સદીમાં તેનો પ્રભાવ વધ્યો છે. BLA બલુચિસ્તાનને પાકિસ્તાની સરકાર અને ચીનથી મુક્ત કરાવવા માગે છે. તેઓ માને છે કે બલુચિસ્તાનના સંસાધનો પર તેમનો અધિકાર છે. પાકિસ્તાન સરકારે 2007માં બલુચિસ્તાન લિબરેશન આર્મીને આતંકવાદી સંગઠન તરીકે સૂચિબદ્ધ કર્યું હતું. ગ્લોબલ ટેરરિઝમ ઇન્ડેક્સમાં પાકિસ્તાન બીજા ક્રમે સિડની સ્થિત ઇન્સ્ટિટ્યૂટ ફોર ઇકોનોમિક્સ એન્ડ પીસ દ્વારા બહાર પાડવામાં આવેલા ગ્લોબલ ટેરરિઝમ ઇન્ડેક્સ (GTI)

રિપોર્ટ 2025માં, પાકિસ્તાનને વિશ્વમાં બીજા ક્રમનો સૌથી વધુ આતંકવાદથી પ્રભાવિત દેશ તરીકે વર્ણવવામાં આવ્યો છે. રિપોર્ટ અનુસાર, પાકિસ્તાનના ખૈબર પખ્તુનખ્વા અને બલુચિસ્તાન સૌથી વધુ આતંકવાદથી પ્રભાવિત વિસ્તારો છે. દેશભરમાં થયેલી કુલ આતંકવાદી ઘટનાઓમાંથી 90% ઘટનાઓ આ વિસ્તારમાં બની હતી. આ અહેવાલમાં સતત બીજા વર્ષે તહરીક-એ-તાલિબાન પાકિસ્તાનને પાકિસ્તાનનું સૌથી ખતરનાક આતંકવાદી સંગઠન જાહેર કરવામાં આવ્યું છે. 2024માં, જૂથે 482 હુમલા કર્યા, જેમાં 558 લોકોના મોત થયા, જે 2023 કરતા 91% વધુ છે. અમે સમાચારને અપડેટ કરી રહ્યા છે...