આફ્રિકન દેશ કોંગોમાંથી એક દુ:ખદ દુર્ઘટનાના સમાચાર મળ્યા છે. અહીં એક બોટ પલટી જવાથી એક મોટો અકસ્માત થયો હતો, જેમાં અત્યારસુધીમાં ઓછામાં ઓછા 148 લોકોનાં મોતના સમાચાર છે તેમજ અનેક લોકો ગુમ હોવાનું કહેવાય છે. રેસ્ક્યૂ-ઓપરેશન ચાલુ છે. કહેવામાં આવી રહ્યું છે કે આ અકસ્માત ત્યારે થયો જ્યારે બોટમાં આગ લાગી અને ત્યાર બાદ એ પલટી ગઈ. બોટમાં લગભગ 400 લોકો સવાર હતા.

અનેક લોકોને બચાવી લેવામાં આવ્યા એક સ્થાનિક અધિકારીના જણાવ્યા મુજબ, કોંગો નદી પર થયેલા અકસ્માતમાં ડઝનબંધ લોકોને બચાલી લેવામાં આવ્યા છે, જેમાંથી ઘણા ગંભીર રીતે દાઝી ગયા હતા. રેડ ક્રોસ અને પ્રાંતીય અધિકારીઓની મદદથી બચાવ ટીમો દ્વારા ગુમ થયેલા લોકોની શોધ કરવામાં આવી રહી છે. બોટમાં અચાનક આગ કેવી રીતે લાગી? આ દરમિયાન એક અધિકારી, કમ્પિટેન્ટ લોયોકોએ સમાચાર એજન્સી APને જણાવ્યું હતું

કે એચબી કોંગોલો નામની બોટ માટનકુમુ બંદરથી બોલોમ્બા જવા માટે રવાના થઈ હતી. આમાં લગભગ 400 મુસાફરો સવાર હતા. આ મોટો અકસ્માત ત્યારે થયો જ્યારે મ્બાન્ડાકા શહેર નજીક મોટરથી ચાલતી લાકડાની હોડીમાં અચાનક આગ લાગી. આ ઘટનામાં લગભગ 100 લોકો ઘાયલ થયા હતા બચી ગયેલા લોકોને મ્બાન્ડાકા ટાઉન હોલ ખાતેના કામચલાઉ આશ્રયસ્થાનમાં લઈ જવામાં આવ્યા હતા તેમજ અકસ્માતમાં ઘાયલ થયેલા લોકોને સારવાર માટે

સ્થાનિક હોસ્પિટલોમાં લઈ જવામાં આવ્યા હતા. તેમણે એમ પણ જણાવ્યું હતું કે આ દુ:ખદ અકસ્માત ત્યારે થયો જ્યારે એક મહિલા બોટ પર ભોજન બનાવી રહી હતી. બોટમાં અચાનક આગ લાગવાથી મહિલાઓ અને બાળકો સહિત ઘણા લોકો નદીમાં કૂદી પડ્યાં, પણ તેમને તરતા આવડતું ન હતું. આ કારણે તેમનું મૃત્યુ થયાં. હજુ પણ મોટી સંખ્યામાં લોકો ગુમ હોવાના અહેવાલ છે. રેડ ક્રોસ અને

પ્રાંતીય અધિકારીઓની મદદથી બચાવ ટીમો ગુમ થયેલા લોકોને શોધી રહી છે. આ અકસ્માતનો એક વીડિયો પણ સામે આવ્યો છે, જેમાં બોટ આગમાં ખરાબ રીતે સળગી ગયેલી જોવા મળે છે. આ સમય દરમિયાન લોકો બૂમો અને ચીસો પાડી રહ્યા છે. છેલ્લા મહિનાઓમાં ઘટેલી મોટી દુર્ઘટનાઓ... ઉલ્લેખનીય છે કે મધ્ય આફ્રિકન દેશમાં જીવલેણ બોટ અકસ્માતોના સમાચાર વારંવાર આવતા રહે છે. માર્ચની શરૂઆતમાં કોંગોમાં એક બોટ

પલટી જતાં 25 લોકોનાં મોત થયાં હતાં. મૃતકોમાં ઘણા ફૂટબોલ ખેલાડીઓ પણ હતા. ડિસેમ્બર 2024માં પણ આવા બે અકસ્માતો થયા હતા. કોંગોની બુસીરા નદીમાં એક પેસેન્જર બોટ પલટી જતાં 38 લોકોનાં મોત થયાં હતાં. આના ચાર દિવસ પહેલાં જ બીજી બોટ ડૂબવાથી 25 લોકોનાં મોત થયાં હતાં તેમજ ઓક્ટોબરમાં કોંગોના કિવુ તળાવમાં એક બોટ પલટી જતાં ઓછામાં ઓછા 78 લોકોનાં મોત થયાં હતાં.