'ઓપરેશન સિંદૂર' પર રાષ્ટ્રને સંબોધન કરવા બદલ ઘણા બોલિવૂડ સ્ટાર્સે પીએમ મોદીની ખુલ્લેઆમ પ્રશંસા કરી છે. એક્ટ્રેસ અને ભાજપ સાંસદ કંગના રનૌતે પ્રધાનમંત્રીને અદ્ભુત હિંમત અને શાણપણ ધરાવતા મહાન નેતા ગણાવ્યા. તે જ સમયે, આમિર ખાનના પ્રોડક્શન હાઉસે ભારતીય સેનાને સલામ કરી અને મોદીના નેતૃત્ત્વનો આભાર માન્યો. અભિનેતા વિક્રાંત મેસી અને સુનીલ શેટ્ટીએ પણ આ અંગે પ્રતિક્રિયા આપી છે. કંગના રનૌતે

પીએમ મોદીની પ્રશંસા કરી એક્ટ્રેસ અને સાંસદ કંગના રનૌતે પીએમ મોદીની પ્રશંસા કરી. તેણે પીએમ મોદીને 'અદ્ભુત હિંમત અને શાણપણ ધરાવતા નેતા' ગણાવ્યા અને તેમને 'એક મહાન નેતા' કહ્યા. કંગનાએ પોસ્ટ પર લખ્યું, 'પ્રિય પ્રધાનમંત્રી, તમે અમને અપ્રતિમ હિંમત, શાણપણ અને દેશ પ્રત્યે સમર્પણ સાથે નેતૃત્વ આપ્યું છે. તમે શબ્દના દરેક અર્થમાં એક મહાન નેતા છો. #મોદી' તે જ સમયે, આમિર ખાનના

'આમિર ખાન પ્રોડક્શન'એ સેનાનો આભાર માન્યો. પીએમ મોદીના ભાષણ પછી, આમિરના પ્રોડક્શન હાઉસે સોશિયલ મીડિયા પર ભારતીય સેનાને સલામ કરી. તેણે લખ્યું, 'ઓપરેશન સિંદૂર'ના નાયકોને સલામ. દેશની સુરક્ષા માટે સેનાની હિંમત અને બલિદાનને સલામ. વડા પ્રધાનનો તેમના નેતૃત્વ માટે આભાર. જય હિંદ.' એક્ટર વિક્રાંત મેસીએ સંદેશ શેર કર્યો એક્ટર વિક્રાંત મેસીએ ઇન્સ્ટાગ્રામ પર એક સ્ટોરી પોસ્ટ કરી, જેમાં પીએમ મોદીનો ફોટો અને

તેમના નિવેદનનો સમાવેશ થાય છે. જેમાં લખ્યું હતું, 'આતંક અને વાતો એકસાથે ન થઈ શકે!' આતંકવાદ અને વેપાર સાથે ન ચાલી શકે! પાણી અને લોહી એકસાથે ન વહી શકે!' તે જ સમયે, એક્ટર સુનીલ શેટ્ટીએ પણ આવી જ એક વાત શેર કરી, જેમાં તેણે લખ્યું, પાણી અને લોહી - એકસાથે નહીં વહે. નોંધનીય છે કે, પાકિસ્તાન સાથે યુદ્ધવિરામના 51 કલાક પછી,

પીએમ મોદીએ સોમવારે રાત્રે 8 વાગ્યે રાષ્ટ્રને સંબોધન કર્યું હતું. પોતાના 22 મિનિટના ભાષણમાં, પ્રધાનમંત્રીએ પહેલગામ હુમલો, ઓપરેશન સિંદૂર, યુદ્ધવિરામ, આતંકવાદ, સિંધુ જળ સંધિ અને પીઓકે વિશે વાત કરી. પ્રધાનમંત્રીએ કહ્યું કે અમે તે આતંકવાદીઓને ખતમ કરી દીધા છે જેમણે આપણી માતાઓ અને બહેનોના સિંદૂર ભૂંસી નાખ્યા હતા. અમારા ઓપરેશનમાં 100 થી વધુ ખતરનાક આતંકવાદીઓ માર્યા ગયા છે.' પીએમ મોદીએ પાકિસ્તાનને સ્પષ્ટ

શબ્દોમાં ચેતવણી આપી. તેમણે કહ્યું કે આતંક અને વાતચીત એકસાથે ચાલી શકે નહીં.પાણી અને લોહી એકસાથે વહી ન શકે.' પ્રધાનમંત્રીએ કહ્યું કે, પાકિસ્તાનની વિનંતી પર, ભારત સંઘર્ષ રોકવા માટે સંમત થયું છે. ભારતે પાકિસ્તાન સામે ફક્ત લશ્કરી કાર્યવાહી મુલતવી રાખી છે. પાકિસ્તાનનું વલણ જોયા પછી અમે આગળની કાર્યવાહી નક્કી કરીશું. અમે પાકિસ્તાન સાથે ફક્ત આતંકવાદ અને પીઓકે પર જ વાત કરીશું.'