New Gujarat Samachar

ગ્રહોના રાજકુમાર ગણાતા બુધ 15 મે 2025થી થી 8 જૂન 2025 સુધી વક્રી થશે. 15 મે સવારે 4.44 વાગ્યે બુધ મેષ રાશીમાં વક્રી થશે અને આઠ જૂને રાત્રે 8.12 વાગ્યે મિથુન રાશીમાં માર્ગી થઈને પોતાની સામાન્ય ચાલમાં આવી જશે. બુધ વક્રી થાય ત્યારે તેનું જ્યોતિષ લક્ષી મહત્વ ખાસ હોય છે. જેની અસર તમામ રાશીઓ પર અલગ અલગ રીતે પડે છે. વૈદિક જ્યોતિષમાં બુધ ગ્રહને બુદ્ધિ, સંવાદ, શિક્ષા, વ્યાપાર અને નિર્ણય ક્ષમતાનો સ્વામી માનવામાં આવે છે. પરંતુ બુધ વક્રી થાય ત્યારે તેને નકારાત્મક રીતે જોવામાં આવે છે. જો બુધ જન્મ કૂંડળીમાં શુભ સ્થિતિમાં છે તો તે વક્રી હોવા છતાં ડબલ લાભ આપનારો મનાય છે. આ દરમિયાન બુધનું વક્રી થવું કેટલીક રાશિઓ માટે વિશેષ અવસર અને લાભનું કારણ બને છે. જે જીવનમાં સકારાત્મક બદલાવનું કારણ બને છે.

મેષ રાશિ

મેષ રાશી માટે આ સમય કોમ્યુનિકેશન સ્કીલને સુધારશે. મેષ રાશીના જાતકોની વાતચીતનો પ્રભાવ વધશે. જેનાથી કોઈપણ પ્રકારની વાતચીતમાં સફળતા મળી શકે છે. આર્થિક દ્રષ્ટિકોણથી પણ આ સમય મેષ રાશીના જાતકો માટે ફાયદાકારક રહેશે. આવકના નવા રસ્તા ખુલશે. પરંતુ કોઈપણ જાણકારી પર આંખ બંધ કરીને વિશ્વાસ ના કરવો. તમામ બાબતો અને તથ્યોને ચકાસી લેવા જરૂરી છે.

મિથુન રાશિ

મિથુન રાશિના જાતકો માટે આ સમય બૌદ્ધિક રૂપે સક્રિય રહશે. કારણ કે બુધ મિથુન રાશિનો સ્વામી ગ્રહ છે. વક્રી બુધને કારણે તમારી વિચારવાની અને બોલવાની ક્ષમતામાં વધારો થશે. જેનાથી તમે તમારી વાતોમાં વધુ આત્મવિશ્વાસ અને પ્રભાવ પાડી શકશો. વ્યાપારમાં જુના સંપર્કોથી લાભ મળવાનો અવસર પ્રાપ્ત થશે. પરંતુ કોઈપણ નિર્ણય લેતા ઉતાવળ કરવાથી બચવું જોઈએ.

કન્યા રાશિ

કન્યા રાશિ માટે આ સમય જુના કાર્યોને ગતિ આપનારો છે. કાર્યક્ષેત્રમાં સારા પરિણામો મળવાની સંભાવના છે. આ સમય માનસિક શાંતિ અને સ્થિરતાનો અનુભવ કરાવશે. કન્યા રાશિના જાતકો આધ્યાત્મિકતા અને આત્મ વિશ્વાસ તરફ આગળ વધશે. નવા પ્રોજેક્ટોમાં પણ સફળતાનો યોગ બની રહ્યો છે.

તુલા રાશિ

તુલા રાશિના જાતકો માટે આ સમય પારિવારિક જીવનમાં સમરસતા લાવશે. જુના મતભેદો દૂર થશે અને દાંપત્ય જીવનમાં મીઠાશ વધશે. પરિવારમાં કોઈ શુભ સમાચાર મળવાની પણ સંભાવના છે. વ્યાપારમાં જુના ભાગીદારો સાથે જોડાવાનો મોકો મળશે. જે લાભકારી સાબિત થઈ શકે છે.

ધન રાશિ

ધન રાશિના વિદ્યાર્થીઓ અને રિસર્ચ સાથે જોડાયેલા લોકો માટે આ સમય ફાયદાકારક સાબિત થશે. એકાગ્રતામાં વધારો થશે અને અભ્યાસ તથા પ્રતિયોગી પરીક્ષાઓમાં પણ સફળતા મળવાની શક્યતાઓ છે. વિદેશ યાત્રા, ઈમિગ્રેશન અથવા તો આંતરરાષ્ટ્રીય કાર્યોમાં આ સમય શુભ સાબિત થશે. કાનૂની દસ્તાવેજોને ધ્યાનથી વાંચવા જરૂરી છે.

મકર રાશિ

મકર રાશિના જાતકો માટે આ સમય આર્થિક અને કેરિયરની દ્રષ્ટિએ સફળતા અપાવનારો છે. જુના રોકાણોમાં લાભ મળવાની સંભાવના છે. આ સમય વેપાર શરૂ કરવા માટે અથવા તો નવી નોકરી મેળવવા માટે ફાયદાકારક છે. કાર્યસ્થળ પર સ્થિરતા બની રહેશે અને ટીમનો પુરો સહયોગ પ્રાપ્ત થશે.

મીન રાશિ

મીન રાશીના જાતકો માટે આ સમય આત્મ સમ્માનમાં વૃદ્ધિ કરાવશે. આ દરમિયાન મીન રાશિના જાતકોની માનસિક ક્ષમતામાં વધારો થશે. જેનાથી સમસ્યાઓનું સમાધાન સરળતાથી થઈ શકશે. લાંબા સમયથી ચાલી રહેલી મુંજવણોનો હલ મળશે. નિર્ણય લેવાની ક્ષમતામાં પણ સુધારો થશે. પરિવાર અને કાર્યક્ષેત્રમાં પ્રતિષ્ઠામાં વધારો થશે.

Disclaimer: અહીં આપેલી માહિતી જ્યોતિષશાસ્ત્ર પર આધારિત છે અને ફક્ત માહિતીના હેતુ માટે આપવામાં આવી છે. સંદેશ ન્યૂઝ આની પુષ્ટિ કરતું નથી.

Budh Vakri 2025: બુધ વક્રી થતાં બદલાશે આ રાશિઓનું ભાગ્ય,મળશે અનેક લાભ

Leave a Reply Cancel reply

Astrology
Daily Horoscope: ચૈત્ર વદ આઠમને સોમવાર, બે રાશિનો ખર્ચ વધશે

Fashion
Winterમાં કાશ્મીરના આ 5 સુન્દર સ્થળો પર કરો પ્રવાસ, અનુભવશો ધરતી પરના સ્વર્ગનો મનોરંજન

Fitness
World TB Day 2025 : ભારતમાં આ દિગ્ગજોના ટીબીથી થયા મોત,જાણીલો થીમ

Lifestyle
Life style: આ વિટામિનની ઉણપથી તમારી સ્કીન થઈ જશે ડાર્ક, જાણો ઉપાયો

Mahakumbh
Mahakumbh 2025: 130 બોટવાળા નાવિક પરિવારે 45 દિવસમાં કરી 30 કરોડની કમાણી

Political
Honeytrap માં ભારતના જાણીતા 48 નેતાઓ ફસાયા, વિધાનસભામાં હડકંપ મચી ગયો

Subscribe

Budh Vakri 2025: બુધ વક્રી થતાં બદલાશે આ રાશિઓનું ભાગ્ય,મળશે અનેક લાભ

Leave a Reply Cancel reply

Related Post