15 ફેબ્રુઆરીને શનિવારથી દેશભરમાં CBSE બોર્ડની પરીક્ષા શરૂ થઈ રહી છે, ત્યારે તેમાં 44 લાખ જેટલા વિદ્યાર્થીઓ અલગ-અલગ 204 જેટલા વિષયોમાં પરીક્ષા આપવાના છે. ધોરણ 10 અને 12ની પરીક્ષા 15 ફેબ્રુઆરીથી 18 માર્ચ અને 2 એપ્રિલ સુધી ચાલશે. જેનો સમય સવારે 10.30થી 1.30 વાગ્યાનો છે. ત્યારે આ પરીક્ષા દરમિયાન કોઈપણ પ્રકારની ગેરરીતિ ન થાય તે માટે સેન્ટ્રલ બોર્ડ ઓફ સેકન્ડરી એજ્યુકેશન દ્વારા નવી સીસીટીવી પોલિસી અમલમાં લાવવામાં આવી છે. આ વર્ષથી તમામ પરીક્ષા કેન્દ્રો ઉપર સીસીટીવી તો ફરજિયાત છે જ, પરંતુ પરીક્ષા કેન્દ્રમાં સીસીટીવી મોનિટરિંગ ઓફિસર મૂકવાનો નવો નિયમ બનાવવામાં આવ્યો છે. જેમાં પરીક્ષા કેન્દ્રમાં 240 વિદ્યાર્થીઓ અથવા

10 ક્લાસરૂમ વચ્ચે એક સીસીટીવી મોનિટરિંગ ઓફિસરને ફરજ સોંપવામાં આવશે. આ ઓફિસર ચાલુ પરીક્ષા દરમિયાન સતત સીસીટીવી ઉપર નજર રાખશે. આ ઉપરાંત તેના પર દિલ્હી ખાતેના કંટ્રોલરૂમની પણ નજર રહેશે. પરીક્ષાનું પરિણામ ન આવે ત્યાં સુધી એટલે કે, અંદાજે બે મહિનાથી વધુ સમય સુધી સમગ્ર પરીક્ષાનું સીસીટીવી રેકોર્ડિંગ જે તે પરીક્ષા કેન્દ્રોએ ફરજિયાત રાખવું પડશે. રાજકોટ રીજનમાં એટલે કે રાજકોટ અને સુરેન્દ્રનગર જિલ્લામાં 48 પરીક્ષા કેન્દ્ર પર આવતીકાલથી સીબીએસઈની પરીક્ષા શરૂ થશે, જેમાં ધોરણ 10માં 2,602 અને ધોરણ 12માં 1,623 વિદ્યાર્થીઓ એમ બન્ને મળીને 4,225 વિદ્યાર્થીઓ પરીક્ષા આપશે, તેમ રાજકોટ રીજનના CBSE એક્ઝામ કો ઓર્ડિનેટર અને RKCના પ્રિન્સિપાલ

યશ સક્સેનાનું કહેવું છે. કાલથી શરૂ થનારી પરીક્ષા 4 એપ્રિલ સુધી ચાલશે રાજકોટની જિનિયસ સ્કૂલમાં છેલ્લા 23 વર્ષથી ફરજ બજાવતા અને NIOSમાં પ્રિન્સિપાલ અને CBSEમાં વાઈસ પ્રિન્સિપાલ કાજલ શુક્લાએ જણાવ્યું હતું કે, 15મી ફેબ્રુઆરીથી સેન્ટ્રલ બોર્ડ ઓફ સેકન્ડરી એજ્યુકેશન પરીક્ષા શરૂ થઈ રહી છે. જેમાં ધોરણ 10 અને 12ના વિદ્યાર્થીઓની પરીક્ષા લેવામાં આવશે, જે 4 એપ્રિલ સુધી ચાલુ રહેશે. આ પરીક્ષામાં કોઈપણ પ્રકારની ગેરરીતિ ન થાય અને પારદર્શક રીતે પરીક્ષા લેવામાં આવે તે માટે સીસીટીવી પોલિસીમાં ચેન્જ કર્યો છે. 10 ક્લાસરૂમ વચ્ચે 1 CCTV મોનિટરિંગ ઓફિસરને ફરજ સોંપાશે જેમાં આ વખતે નવો નિયમ એ છે કે, સીબીએસઈની પરીક્ષા જેટલા કેન્દ્રો ઉપરથી

લેવામાં આવશે, તેમાં 240 વિદ્યાર્થીઓ અથવા 10 ક્લાસરૂમ વચ્ચે એક સીસીટીવી મોનિટરિંગ ઓફિસરને ફરજ સોંપવાની રહેશે. જેમને ચાલુ પરીક્ષા દરમિયાન સતત સીસીટીવી ઉપર નજર રાખવાની રહેશે. તેમના મોનિટરિંગ દરમિયાન કોઈપણ પ્રકારની ગેરરીતિ દેખાશે તો તુરંત CBSE બોર્ડને જાણ કરવાની રહેશે. આ ઉપરાંત CBSE બોર્ડને જરૂર લાગે તો સીસીટીવીના ક્લિપિંગ સાથે સીસીટીવી મોનિટરિંગ ઓફિસરને બોલાવી ખુલાસો પણ પૂછી શકે છે. પરિણામ જાહેર થાય ત્યાં સુધી સીસીટીવી સાચવીને રખાશે આ સાથે જ તેમને જણાવ્યું હતું કે, દિલ્હીથી કંટ્રોલરૂમ ખાતેથી સીબીએસઈ બોર્ડની પરીક્ષાના CCTVનું મોનિટરિંગ કરાશે. પરીક્ષા કેન્દ્રોમાં જે CCTVનુ રેકોર્ડિંગ કરવામાં આવે છે તે સાચવવાનું રહે છે. CBSE બોર્ડનું પરિણામ જાહેર

થાય ત્યાં સુધી એટલે કે, 2 મહિના સુધી CCTVનું બેકઅપ સાચવીને રાખવાનો નિયમ છે. જેથી પરિણામ બાદ પણ કોઈ વિદ્યાર્થી કે સ્કૂલની સમસ્યા હોય તો તેનુ ક્લિપિંગ મારફત નિરાકરણ લાવી શકાશે. વિદ્યાર્થીઓની સાથે સ્થળ સંચાલક સહિતના એલર્ટ રહેશે ગત વર્ષે સીબીએસઈની પરીક્ષા જ્યાં ચાલી રહી હતી, ત્યાંની કેટલીક સ્કૂલોમાં સીસીટીવી ન હતા. જેને ધ્યાનમાં રાખીને આ વખતે તમામ પરીક્ષા કેન્દ્રો ઉપર સીસીટીવી તો રાખવામાં આવ્યા જ છે, પરંતુ આ સાથે જ તેનો કડક અમલ પણ કરવામાં આવશે, જેથી પરીક્ષા આપતા વિદ્યાર્થીઓની સાથે સ્થળ સંચાલક સહિતના એલર્ટ રહેશે અને પરીક્ષા દરમિયાન કોઈપણ પ્રકારની ગેરરીતિ ન થાય તેનુ ખાસ ધ્યાન રાખશે. અમદાવાદના

14,281 વિદ્યાર્થીઓ પરીક્ષા આપશે અમદાવાદમાં ધોરણ 10 અને 12ના કુલ 14,281 વિદ્યાર્થીઓ પરીક્ષા આપવાના છે. ધો. 10ના 7,909 અને ધો. 12ના 6,372 વિદ્યાર્થી પરીક્ષા આપવાના છે. અમદાવાદના 21 પરીક્ષા કેન્દ્રો પર પરીક્ષા યોજાશે. અમદાવાદ રીજનના કોઓડિનેટર વિવેક યાદવે જણાવ્યું હતું કે, આ વર્ષે સીસીટીવી પોલિસીમાં બદલાવ કરવામાં આવ્યો છે. 240 વિદ્યાર્થીઓ દીઠ 1 સીસીટીવી મોનિટરિંગ અધિકારી રહેશે. વિદ્યાર્થીઓને એડમિટ કાર્ડમાં લખેલી તમામ સૂચનાઓનું પાલન કરવાનું રહેશે. કોઇ ઇલેક્ટ્રિક ડિવાઈસ સાથે પ્રવેશ આપવામાં આવશે નહીં. વડોદરામાં 8,173 વિદ્યાર્થીઓ પરીક્ષા આપશે વડોદરામાં કુલ 9 કેન્દ્રો પર 8,173 વિદ્યાર્થીઓ પરીક્ષા આપશે. જેમાં ધોરણ 10માં 4,476 તો ધોરણ 12માં 3,697 વિદ્યાર્થીઓ પરીક્ષા આપશે.