હિંદુ કેલેન્ડર મુજબ, ચૈત્ર નવરાત્રિ 30 માર્ચથી શરૂ થઈ છે અને 06 એપ્રિલ, 2025ના રોજ સમાપ્ત થશે. નવરાત્રિના દિવસો દરમિયાન, દેવી દુર્ગાના વિવિધ સ્વરૂપોની પૂજા કરવામાં આવે છે અને ઉપવાસ કરવામાં આવે છે. પરંતુ તેની સાથે તુલસીના છોડનું પણ વિશેષ મહત્વ છે.

હિન્દુ ધર્મમાં તુલસીને ખૂબ જ પવિત્ર માનવામાં આવે છે અને કહેવાય છે કે જે ઘરમાં તુલસી હોય છે, ત્યાં દેવી લક્ષ્મી અને ભગવાન વિષ્ણુનો વાસ હોય છે. જો તમે ઈચ્છો છો કે તમારા ઘરમાં હંમેશા સુખ, શાંતિ અને સમૃદ્ધિ રહે, તો આ નવરાત્રિમાં કરો તુલસી સાથે સંબંધિત આ 3 ઉપાય. આવું કરવાથી માતા દુર્ગાની કૃપા પ્રાપ્ત થાય છે.

દરરોજ તુલસી પાસે દીવો પ્રગટાવો

એવું માનવામાં આવે છે કે નવરાત્રિ દરમિયાન દરરોજ તુલસીના છોડ પાસે દીવો પ્રગટાવવાથી ઘરમાં સકારાત્મક ઉર્જા રહે છે. એવું કહેવાય છે કે તેનાથી ઘરમાંથી વાસ્તુ દોષ દૂર થાય છે અને દરિદ્રતા પણ દૂર થાય છે. આ સિવાય એવું પણ કહેવાય છે કે સવારે કે સાંજે તુલસી પાસે ઘી કે તેલનો દીવો પ્રગટાવવાથી પરિવારમાં સુખ-શાંતિ જળવાઈ રહે છે અને દરેક કાર્યમાં સફળતા મળે છે.

ચુંડદી અને સોળ શણગારની વસ્તુઓ આપો

નવરાત્રિ દરમિયા પૂજા દરમિયાન તુલસીને લાલ ચુંડદી અને સોળ શણગારની વસ્તુઓ અર્પણ કરો. આવું કરવાથી વિવાહિત જીવનમાં પ્રેમ વધે છે અને પારિવારિક જીવનમાં સુખ-શાંતિ જળવાઈ રહે છે. કુંવારી કન્યાઓને મનગમતો વર મળે છે.

તુલસીનો છોડ

જો તમારા ઘરમાં હજુ સુધી તુલસીનો છોડ નથી, તો આ નવરાત્રિમાં તેને ચોક્કસ વાવો. વાસ્તુ અનુસાર, તેને મૂકવા માટે શ્રેષ્ઠ દિશા ઉત્તર-પૂર્વ છે. એવું માનવામાં આવે છે કે આ દિશામાં તુલસીનું વાવેતર કરવાથી ઘરમાં આશીર્વાદ આવે છે અને નકારાત્મક ઉર્જા દૂર થાય છે. કહેવાય છે કે ઘરમાં તુલસીનો છોડ રાખવાથી દુષ્ટ શક્તિઓ દૂર થાય છે અને પરિવારમાં ખુશીઓ જળવાઈ રહે છે.