ધંધુકા એપીએમસીમાં ભાલ વિસ્તારના પ્રખ્યાત ચણાની હરાજીનો વિધિવત પ્રારંભ કરવામાં આવ્યો છે. એપીએમસી ખાતે આવેલા હળપતિ હનુમાનજી મંદિર પરિસરમાં યોજાયેલા કાર્યક્રમમાં સંસ્થાના ચેરમેન ચેતનસિંહ ચાવડા, વાઇસ ચેરમેન પૃથ્વીરાજસિંહ ચુડાસમા સહિતના પદાધિકારીઓની ઉપસ્થિતિમાં શ્રીફળ વધેરીને હરાજીનો પ્રારંભ કરવામાં

આવ્યો હતો. પ્રથમ દિવસની હરાજીમાં 1500 મણ ચણાની આવક નોંધાઈ હતી, જેમાં સૌથી ઊંચો ભાવ રૂ.1401 અને સૌથી નીચો ભાવ રૂ.1130 નોંધાયો હતો. કાર્યક્રમમાં ડિરેક્ટર કનુભાઈ નકુમ, રાજેશ મકવાણા, સજ્જનસિંહ ચુડાસમા તેમજ અગ્રણી વેપારી પૃથેશભાઈ શાહ સહિત મોટી

સંખ્યામાં વેપારીઓ અને ખેડૂતો ઉપસ્થિત રહ્યા હતા. બજાર સૂત્રોના જણાવ્યા અનુસાર, આગામી દિવસોમાં રોજની 15,000થી 17,000 મણ ચણાની આવક થવાનો અંદાજ છે. ભાલ વિસ્તારના ચણાની ગુણવત્તા અને માંગને જોતાં આ વર્ષે સારા ભાવની આશા રાખવામાં આવી રહી છે.