વડાપ્રધાન નરેન્દ્ર મોદીએ શુક્રવારે પટનામાં 14 વર્ષીય ક્રિકેટર વૈભવ સૂર્યવંશી સાથે મુલાકાત કરી હતી. વૈભવે તેમના ચરણ સ્પર્શ કર્યા અને આશીર્વાદ લીધા. આ પ્રસંગે વૈભવના માતા-પિતા પણ હાજર હતા. પ્રધાનમંત્રીએ વૈભવના પરિવાર સાથે 10 મિનિટ વિતાવી. જોકે, શું ચર્ચા થઈ તે અંગેની માહિતી જાહેર કરવામાં આવી નથી. પ્રધાનમંત્રી બિહારની 2 દિવસની મુલાકાતે હતા. પરત ફરતી વખતે આ મુલાકાત પટના એરપોર્ટ પર થઈ હતી. વૈભવ IPLમાં ડેબ્યૂ કરનાર પ્રથમ યુવા ખેલાડી બન્યો વૈભવે 15 વર્ષ અને 23

દિવસની ઉંમરે IPLમાં ડેબ્યૂ કર્યું હતું, જે IPLના ઇતિહાસમાં સૌથી નાની ઉંમરનો ડેબ્યુ કરનાર ખેલાડી બન્યો હતો. તેણે 19 એપ્રિલ 2025ના રોજ લખનઉ સુપર જાયન્ટ્સ સામે રાજસ્થાન રોયલ્સ માટે ડેબ્યૂ કર્યું. વૈભવે પોતાની ડેબ્યૂ મેચમાં 20 બોલમાં 34 રન બનાવ્યા, જેમાં ત્રણ છગ્ગાનો સમાવેશ થાય છે. અગાઉ આ રેકોર્ડ પ્રયાસ રે બર્મનના નામે હતો. તેમણે 16 વર્ષ અને 157 દિવસની ઉંમરે પોતાનું ડેબ્યૂ કર્યું હતું. વૈભવે સદી ફટકારી આ વૈભવની પહેલી IPL સીઝન હતી. વૈભવ સૂર્યવંશીએ

7 મેચમાં 252 રન બનાવ્યા અને તેની સરેરાશ 36 અને સ્ટ્રાઇક રેટ 206.55 હતી. આ સમયગાળા દરમિયાન વૈભવે એક સદી અને એક અડધી સદી ફટકારી. નવેમ્બર 2024માં યોજાયેલા મેગા ઓક્શનમાં વૈભવને રાજસ્થાન રોયલ્સે 1.10 કરોડ રૂપિયામાં ખરીદ્યો હતો. IPLમાં બીજી સૌથી ઝડપી સદી વૈભવ સૂર્યવંશીના નામે IPLમાં બીજી સૌથી ઝડપી સદી છે. તેણે GT સામે માત્ર 35 બોલમાં સદી ફટકારી હતી. વૈભવ પહેલા, ક્રિસ ગેલે 2013 માં પુણે વોરિયર્સ સામે 30 બોલમાં પોતાની સદી પૂરી કરી

હતી, જે અત્યાર સુધીની સૌથી ઝડપી સદી છે. વૈભવ IPLમાં સૌથી ઝડપી સદી ફટકારનાર ભારતીય ખેલાડી પણ બન્યો. તેમના પછી યુસુફ પઠાણનો નંબર આવે છે જેણે 2010માં મુંબઈ સામે 37 બોલમાં સદી ફટકારી હતી. વૈભવ IPLમાં ફિફ્ટી ફટકારનાર સૌથી યુવા ખેલાડી વૈભવ સૂર્યવંશી IPLમાં ફિફ્ટી ફટકારનાર સૌથી નાની ઉંમરનો ખેલાડી છે. તેણે માત્ર 14 વર્ષ અને 32 દિવસની ઉંમરે અડધી સદી ફટકારી હતી. કેપ્ટન રિયાન પરાગ બીજા સ્થાને છે, તેણે 2019માં 17 વર્ષ અને 175 દિવસની

ઉંમરે ફિફ્ટી ફટકારી હતી. વૈભવે 5 ફર્સ્ટ ક્લાસ મેચ રમી વૈભવ સૂર્યવંશીએ અત્યાર સુધીમાં બિહાર માટે 5 ફર્સ્ટ ક્લાસ અને 6 લિસ્ટ-A મેચ રમી છે. વૈભવે ફર્સ્ટ ક્લાસ મેચમાં 100 રન બનાવ્યા છે, જ્યારે તેના નામે લિસ્ટ-Aમાં 132 રન બનાવ્યા છે. પિતાએ પોતાની જમીન વેચી દીધી અને તેને ક્રિકેટ એકેડમીમાં જોડાવ્યો વૈભવ સૂર્યવંશી બિહારના સમસ્તીપુર જિલ્લાના તાજપુરનો રહેવાસી છે. 27 માર્ચ 2011ના રોજ જન્મેલા વૈભવે તેના પિતા સંજીવના માર્ગદર્શન હેઠળ 9 વર્ષની ઉંમરે ક્રિકેટ રમવાનું શરૂ કર્યું. પોતાના

પુત્રનો ક્રિકેટ પ્રત્યેનો જુસ્સો જોઈને, સંજીવે વૈભવની ટ્રેનિંગ માટે પોતાની જમીન વેચી દીધી. તેમણે સમસ્તીપુરની ઝેનિથ ક્રિકેટ એકેડેમીથી ટ્રેનિંગ શરૂ કરી. વૈભવના કોચના જણાવ્યા મુજબ, તેના પિતા સંજીવ તેને મેચ બતાવવા માટે દર બીજા દિવસે 100 કિમી દૂર લઈ જતા હતા. જ્યારે પણ વૈભવ વધારાની ટ્રેનિંગ લેતો, ત્યારે તેના પિતા સંજીવ તેના માટે તેમજ તમામ 10 સાથી ખેલાડીઓ માટે ટિફિન પેક કરતા, કારણ કે તેના સાથી બોલરો તેને બોલિંગ કરવા માટે વધારાનો સમય આપતા હતા.