ભારતને સ્પોર્ટ્સ ટેક માટે વૈશ્વિક હબ બનાવવાના વિઝન સાથે ફેડરેશન ઑફ ઈન્ડિયન ફેન્ટસી સ્પોર્ટ્સ (FIFS)એ 'સ્પોર્ટ્સ ડેટા ગેમેથોન', એક સ્પોર્ટ્સ AI ચેલેન્જ શરૂ કરી છે, જે ડ્રીમ 11 દ્વારા સંચાલિત છે. આ સ્પર્ધા રમતગમતમાં ડેટાને એકીકૃત કરવા અને આર્ટિફિશિયલ ઈન્ટેલિજન્સ (AI) અને મશીન લર્નિંગ (ML) જેવી ઉભરતી તકનીકોના ઉપયોગની નવી રીતો શોધવા તરફ એક પગલું છે. ટોચની સંસ્થાઓના વિદ્યાર્થીઓની ટીમ ગેમેથોનમાં ભાગ લેશે, જ્યાં તેઓ ICC ચેમ્પિયન્સ ટ્રોફી 2025 દરમિયાન રોજ કાલ્પનિક રમત ફોર્મેટમાં સ્પર્ધા કરશે. સહભાગીઓએ ડેટા એનાલિટિક્સ કૌશલ્યનો ઉપયોગ કરવો પડશે અને ટ્રાન્સફર

મર્યાદાઓ અને ગેમેથોનના અન્ય નિયમોનું પાલન કરીને વિજેતા વ્યૂહરચના વિકસાવવા માટે AI અને ML મોડેલ્સ બનાવવા પડશે. 30થી વધુ ટોચની સંસ્થાઓએ ગેમેથોનમાં રસ દાખવ્યો, અને તેમના સ્ટ્રેટેજી પેપર્સની સમીક્ષા કર્યા પછી, IIT બોમ્બે, IIT દિલ્હી, IIT ખડગપુર, IIT કાનપુર, IIIT ધારવાડ જેવી સંસ્થાઓની 52 ટીમને શોર્ટલિસ્ટ કરવામાં આવી છે. ટોચની ત્રણ ટીમ વચ્ચે 25,00,000 લાખના ઇનામનું વિતરણ કરવામાં આવશે. જેમાં પ્રથમ ક્રમે આવનાર ટીમને અનુક્રમે 12.5 લાખ, બીજા ક્રમને 7.5 લાખ અને ત્રીજા ક્રમને 5 લાખ મળશે. 'કુશળતાને નિખારવા માટે એક પ્લેટફોર્મ પણ પૂરું પાડશે' FIFSના

ડાયરેક્ટર જનરલ જોય ભટ્ટાચાર્યએ જણાવ્યું હતું કે, "અમે સ્પોર્ટ્સ ડેટા ગેમેથોનની પ્રથમ આવૃત્તિ શરૂ કરવા માટે ઉત્સાહિત છીએ. જબરદસ્ત પ્રતિસાદ રહ્યો છે, અને આ ગેમેથોનમાં યુવાનો ભાગ લઈ રહ્યા છે તે જોઈને અમે રોમાંચિત છીએ. આ ફક્ત રમતગમત સાથે ટેકનોલોજીના વધુ સંકલનને જ પ્રોત્સાહન નહીં આપે, પરંતુ યુવાનોને તેમની કુશળતાને નિખારવા, રમતગમત સમુદાય સાથે જોડાવા અને નવીન રીતે ચાહકોના અનુભવને સુધારવામાં યોગદાન આપવા માટે એક પ્લેટફોર્મ પણ પૂરું પાડશે. અમે આ ગેમેથોનને વૈશ્વિક સ્પર્ધા બનવાની કલ્પના કરીએ છીએ, જે આવનારા વર્ષોમાં બહુવિધ રમતગમત શાખાઓમાં વિસ્તરશે."