આજે એટલે કે મંગળવાર, 27 મે ના રોજ સોના અને ચાંદીના ભાવમાં ઘટાડો જોવા મળી રહ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ 146 રૂપિયા ઘટીને 95,667 રૂપિયા થયો છે. ગઈકાલે તે 95,813 રૂપિયા પ્રતિ 10 ગ્રામ હતું. અમદાવાદમાં આજે 24 કેરેટ સોનાના 10 ગ્રામનો ભાવ 98,180 રૂપિયા છે. તેમજ, ચાંદીનો ભાવ

પણ આજે 40 રૂપિયા ઘટીને 97,357 રૂપિયા પર આવી ગયો છે. ગઈકાલે ચાંદીનો ભાવ 97397 રૂપિયા પ્રતિ કિલો હતો. આ પહેલા, 21 એપ્રિલે સોનાનો ભાવ ₹99,100 ઓલ ટાઈમ હાઈ પર હતો અને 28 માર્ચે ચાંદીનો ભાવ ₹1,00,934 ઓલ ટાઈમ હાઈ હતો. કેરેટ મુજબ સોનાની કિંમત 4 મેટ્રો શહેરોમાં સોનાનો ભાવ વર્ષના અંત સુધીમાં સોનાનો ભાવ ₹1.10 લાખ સુધી પહોંચી

શકે છે અમેરિકા અને ચીન વચ્ચે વધતા ટ્રેડ વોર અને મંદીના ભયને કારણે, આ વર્ષે સોનું 3,700 ડોલર પ્રતિ ઔંસ સુધી પહોંચી શકે છે. જો આંતરરાષ્ટ્રીય દરો અનુસાર ગણતરી કરવામાં આવે તો ભારતમાં 10 ગ્રામ સોનાની કિંમત 1.10 લાખ રૂપિયા સુધી પહોંચી શકે છે. વિદેશી રોકાણ બેંક ગોલ્ડમેને આ અંદાજ જાહેર કર્યો છે. સોનું ખરીદતી વખતે આ 3 બાબતોનું ધ્યાન

રાખો 1. સર્ટિફાઈડ સોનું જ ખરીદો હંમેશાં બ્યૂરો ઓફ ઇન્ડિયન સ્ટાન્ડર્ડ્સ (BIS) દ્વારા હોલમાર્કવાળું સર્ટિફાઈડ સોનું જ ખરીદો. સોના પર 6 અંકનો હોલમાર્ક કોડ હોય છે. આને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે, એટલે કે કંઈક આના જેવો - AZ4524. હોલમાર્કિંગ દ્વારા એ જાણી શકાય છે કે સોનું કેટલા કેરેટનું છે.

2. કિંમત ક્રોસ ચેક કરો ખરીદીના દિવસે બહુવિધ સ્ત્રોતો (જેમ કે ઇન્ડિયા બુલિયન એન્ડ જ્વેલર્સ એસોસિયેશન વેબસાઇટ) પરથી સોનાનું સાચું વજન અને એની કિંમત ક્રોસ ચેક કરો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ તેમાંથી ઘરેણાં બનાવવામાં આવતા નથી, કારણ કે એ ખૂબ જ નરમ

હોય છે. 3. રોકડ ચુકવણી ન કરો, બિલ લો સોનું ખરીદતી વખતે રોકડ ચુકવણીને બદલે UPI (જેમ કે BHIM એપ) અને ડિજિટલ બેંકિંગ દ્વારા ચુકવણી કરવી વધુ સારું છે. જો તમે ઈચ્છો તો તમે ડેબિટ અથવા ક્રેડિટ કાર્ડ દ્વારા પણ ચુકવણી કરી શકો છો. આ પછી બિલ લેવાનું ભૂલશો નહીં. જો તમે ઓનલાઈન ઓર્ડર કર્યો હોય તો પેકેજિંગ ચોક્કસ તપાસો.