આજે એટલે કે 28 મેના રોજ સોના અને ચાંદીના ભાવમાં વધારો થયો હતો. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ ₹475 વધીને ₹95,627 થયો છે. અગાઉ સોનાનો ભાવ ₹95,152 પ્રતિ 10 ગ્રામ હતો. તેમજ, ચાંદીનો ભાવ ₹ 1,128 વધીને ₹ 97,653 થયો છે. અગાઉ ચાંદીનો ભાવ ₹96,525 પ્રતિ કિલો

હતો. આ પહેલા, 21 એપ્રિલે સોનાનો ભાવ ₹99,100 ઓલ ટાઈમ હાઈ પર પહોંચ્યો હતો અને 28 માર્ચે ચાંદીનો ભાવ ₹1,00,934 ઓલ ટાઈમ હાઈ હતો. કેરેટ મુજબ સોનાની કિંમત ભોપાલ સહિત 4 મહાનગરોમાં સોનાનો ભાવ આ વર્ષે અત્યાર સુધીમાં સોનું 19,465 રૂપિયા મોંઘુ થયું છે. આ વર્ષે, 1 જાન્યુઆરીથી અત્યાર સુધીમાં, 24 કેરેટ સોનાના 10 ગ્રામનો

ભાવ 76,162 રૂપિયાથી 19,465 રૂપિયા વધીને 95,627 રૂપિયા થયો છે. તેમજ, ચાંદીનો ભાવ પણ 86,017 રૂપિયા પ્રતિ કિલોગ્રામથી 11,636 વધીને 97,653 રૂપિયા થયો છે. તેમજ, ગયા વર્ષે એટલે કે 2024માં, સોનું 12,810 રૂપિયા મોંઘુ થયું હતું. સોનું ખરીદતી વખતે આ 3 બાબતોનું ધ્યાન રાખો 1. સર્ટિફાઈડ સોનું જ ખરીદો હંમેશાં બ્યૂરો ઓફ ઇન્ડિયન સ્ટાન્ડર્ડ્સ (BIS) દ્વારા

હોલમાર્કવાળું સર્ટિફાઈડ સોનું જ ખરીદો. સોના પર 6 અંકનો હોલમાર્ક કોડ હોય છે. આને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે, એટલે કે કંઈક આના જેવો - AZ4524. હોલમાર્કિંગ દ્વારા એ જાણી શકાય છે કે સોનું કેટલા કેરેટનું છે. 2. કિંમત ક્રોસ ચેક કરો ખરીદીના દિવસે બહુવિધ સ્ત્રોતો

(જેમ કે ઇન્ડિયા બુલિયન એન્ડ જ્વેલર્સ એસોસિયેશન વેબસાઇટ) પરથી સોનાનું સાચું વજન અને એની કિંમત ક્રોસ ચેક કરો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ તેમાંથી ઘરેણાં બનાવવામાં આવતા નથી, કારણ કે એ ખૂબ જ નરમ હોય છે. 3. રોકડ ચુકવણી

ન કરો, બિલ લો સોનું ખરીદતી વખતે રોકડ ચુકવણીને બદલે UPI (જેમ કે BHIM એપ) અને ડિજિટલ બેંકિંગ દ્વારા ચુકવણી કરવી વધુ સારું છે. જો તમે ઈચ્છો તો તમે ડેબિટ અથવા ક્રેડિટ કાર્ડ દ્વારા પણ ચુકવણી કરી શકો છો. આ પછી બિલ લેવાનું ભૂલશો નહીં. જો તમે ઓનલાઈન ઓર્ડર કર્યો હોય તો પેકેજિંગ ચોક્કસ તપાસો.