ગુજરાતની ગ્રામ પંચાયતો માટે 22 જૂને યોજાયેલી ચૂંટણીઓનું આજે પરિણામ છે. કુલ 8326 ગ્રામપંચાયતોની ચૂંટણી થવાની હતી, જેમાંથી 4564 ગ્રામ પંચાયતોમાં સામાન્ય/મધ્યસત્ર/વિભાજન હેઠળની ચૂંટણી અને 3524 ગ્રામ પંચાયતોમાં પેટા ચૂંટણી થઈ હતી. સામાન્ય/મધ્યસત્ર/વિભાજન હેઠળની ચૂંટણી હેઠળની 4564માંથી 751 ગ્રામ પંચાયતો સમરસ થઈ હતી. ત્યારબાદની 3541માંથી 272 ગ્રામ પંચાયતોમાં બેઠકો બિનહરીફ થવાના કારણે અથવા ઉમેદવારી ન નોંધાવાના

બેઠકો ખાલી રહેવાથી ચૂંટણી થઇ નથી. આથી સામાન્ય/મધ્યસત્ર/વિભાજન હેઠળની ચૂંટણીની 4564 ગ્રામ પંચાયતોમાંથી 3541 ગ્રામ પંચાયતોમાં ચૂંટણી યોજાઈ રહી છે. પેટા ચૂંટણી હેઠળની કુલ 3524 ગ્રામ પંચાયતો પૈકી બેઠકો બિનહરિફ થવાના કારણે અથવા ઉમેદવારી ન નોંધાવાના કારણે બેઠક ખાલી રહેલ હોય તેવી કુલ 3171 ગ્રામ પંચાયતો બાદ કરતાં 353 ગ્રામ પંચાયતોમાં ચૂંટણી યોજાઈ રહી છે.

આમ 3541 + 353 ગ્રામ પંચાયતોમાં ચૂંટણી અને પેટાચૂંટણી યોજાઈ હતી. કડી અને વિસાવદર વિધાનસભા પેટાચૂંટણી હોવાથી કડી વિધાનસભાના કડી અને જોટાણા તાલુકાની ગ્રામ પંચાયતો, તેમજ વિસાવદર વિધાનસભાના ભેંસાણ, વિસાવદર, જૂનાગઢ ગ્રામ્ય તથા બગસરા તાલુકાઓમાં આવતી તમામ ગ્રામ પંચાયતોની ચૂંટણીઓ રદ્દ કરવામાં આવી છે. રાજ્ય ચૂંટણી પંચ દ્વારા મતગણતરી માટે વ્યાપક તૈયારીઓ કરવામાં આવી છે. ગુજરાતમાં

4564 ગ્રામ પંચાયતોના સરપંચ અને સભ્યોની ચૂંટણીનું પરિણામ આજે જાહેર થશે. અત્યાર સુધીમાં કુલ 751 ગ્રામ પંચાયતો બિનહરીફ જાહેર થઇ છે, ત્યારે પરિણામ બાદ ખબર પડશે કે, પંચાયતો પર કોણે પ્રભુત્વ જમાવ્યુ છે. કુલ 239 સ્થળોએ 1080 હોલમાં મતગણતરી હાથ ધરાશે, જેમાં 2771 ટેબલનો ઉપયોગ થશે. મતગણતરી પ્રક્રિયા માટે 13,444 કર્મચારીઓ અને કાયદો વ્યવસ્થા જાળવવા

માટે 14,231 પોલીસ કર્મચારીઓ તૈનાત કરવામાં આવ્યા છે. આ ઉપરાંત, 3,431 વર્ગ-4 ના કર્મચારીઓ પણ ફરજ પર છે. LIVE : જુઓ ઉત્તર ગુજરાતના 6 જિલ્લાની 1332 ગ્રામપંચાયતોનું પરિણામ LIVE : જુઓ કચ્છ અને સૌરાષ્ટ્રના 10 જિલ્લાની ગ્રામપંચાયતોનું પરિણામ શાંતિપૂર્ણ અને નિષ્પક્ષ મતગણતરી સુનિશ્ચિત કરવા માટે મતગણતરી કેન્દ્રો પર અને તેની આસપાસ કડક સુરક્ષા વ્યવસ્થા ગોઠવવામાં આવી છે.

કોઈ પણ અનિચ્છનીય ઘટનાને ટાળવા માટે પોલીસનો બંદોબસ્ત ગોઠવવામાં આવ્યો છે. સમગ્ર મતગણતરી પ્રક્રિયા CCTV કેમેરાની દેખરેખ હેઠળ થશે. LIVE : જુઓ મધ્ય ગુજરાતના 8 જિલ્લાની ગ્રામપંચાયતોની ચૂંટણીનું પરિણામ LIVE : જુઓ દક્ષિણ ગુજરાતના 7 જિલ્લાની ગ્રામપંચાયતોનું પરિણામ આ પણ વાંચો : સરપંચ બનવા બે વેવાણો સામસામે, વાંચો ગ્રામ પંચાયત ચૂંટણીના મતદાન સમયની 10 મોટી ઘટનાઓ