દિલ્હી સ્થિત હલ્દીરામ સ્નેક્સ પ્રાઇવેટ લિમિટેડ અને નાગપુર સ્થિત હલ્દીરામ ફૂડ્સ ઇન્ટરનેશનલ પ્રાઇવેટ લિમિટેડનું મર્જર થયું છે. કંપનીના સીઈઓ કૃષ્ણ કુમાર ચુટાનીએ સોમવાર, 7 એપ્રિલના રોજ આ માહિતી આપી હતી. ચુટાનીએ કહ્યું - હલ્દીરામની કહાનીમાં એક નવો અધ્યાય શરૂ થયો છે, અને તે એક મહત્વપૂર્ણ અધ્યાય છે. અમને જાહેરાત કરતા આનંદ થાય છે કે હલ્દીરામના દિલ્હી અને નાગપુર FMCG બિઝનેસ એકસાથે મળીને હલ્દીરામ સ્નેક્સ ફૂડ્સ પ્રાઇવેટ લિમિટેડ (HSFPL) બની ગઈ છે. CEOએ કહ્યું- મર્જરથી વિકાસનો માર્ગ ખુલશે હલ્દીરામના સીઈઓએ જણાવ્યું હતું કે આ મર્જર વિકાસ, સહયોગ અને નેતૃત્વના નવા રસ્તા ખોલશે. કંપનીના ભાગીદારો માટે, મર્જરનો અર્થ "ગાઢ સંબંધો

અને વ્યાપક તકો" છે. તેમણે કહ્યું કે આ મર્જરનો ઉદ્દેશ્ય હલ્દીરામને ભારતીય રસોડામાંથી ગ્લોબલ માર્કેટ સુધી પહોંચાડવાનો છે. હલ્દીરામ દ્વારા યુએસ કંપની આલ્ફા વેવ ગ્લોબલ અને યુએઈ સ્થિત ઇન્ટરનેશનલ હોલ્ડિંગ કંપની દ્વારા રોકાણોની જાહેરાત કર્યાના થોડા દિવસો પછી આ મર્જર થયું છે. વધુમાં, સિંગાપોર સ્થિત ટેમાસેકે ગયા મહિને ભારતીય પેકેજ્ડ ફૂડ મેન્યુફેક્ટરરમાં માઈનોરિટી સ્ટોક ખરીદ્યો હતો. ત્રણ પરિવારો NTT હલ્દીરામ બ્રાન્ડ ચલાવે છે ભારતમાં હલ્દીરામ બ્રાન્ડ દિલ્હી, નાગપુર અને કોલકાતા ખાતે ત્રણ અલગ અલગ ફેમિલી NTT દ્વારા ચલાવવામાં આવે છે. જો કે, દિલ્હી અને નાગપુર પરિવારે તેમના FMCG વ્યવસાયો હલ્દીરામ સ્નેક્સ અને હલ્દીરામ ફૂડ્સ ઇન્ટરનેશનલને એક જ NTT, હલ્દીરામ

સ્નેક્સ ફૂડ્સ પ્રાઇવેટ લિમિટેડમાં મર્જ કરી દીધા છે. હલ્દીરામ રેસ્ટોરન્ટની એક ચેન પણ ચલાવે છે પેકેજ્ડ સ્નેક્સ ઉપરાંત, હલ્દીરામ રેસ્ટોરન્ટ્સની એક ચેન પણ ચલાવે છે. કંપની 500 પ્રકારના સ્નેક્સ, નમકીન, મીઠાઈઓ, રેડી ટુ ઈટ અને પ્રી- મિક્સ્ડ ફુક આઈટમ વેચે છે. હલ્દીરામે નાણાકીય વર્ષ 24 માં 12,800 કરોડ રૂપિયાની આવક કરી હતી. સ્નેક માર્કેટ હિસ્સો 13%, 1937માં શરૂ થઈ હતી યુરોમોનિટર ઇન્ટરનેશનલના જણાવ્યા અનુસાર, ભારતના 6.2 બિલિયન ડોલરના સ્નેક માર્કેટમાં હલ્દીરામનો હિસ્સો લગભગ 13% છે. તેના સ્નેક્સ સિંગાપોર અને અમેરિકા જેવા વિદેશી બજારોમાં પણ વેચાય છે. કંપની પાસે લગભગ 150 રેસ્ટોરન્ટ છે. તેની શરૂઆત 1937માં એક દુકાનથી થઈ હતી.