રાહુલ વૈદ્ય દ્વારા વિરાટ કોહલીની જ્યારથી ટીકા કરવામાં આવી છે આ વાત સતત ચર્ચામાં રહી છે. હવે વિરાટના ભાઈ વિકાસ કોહલીએ સિંગરની પ્રતિક્રિયા પર રિએક્શન આપ્યું છે. વિકાસે એક પોસ્ટમાં શેર કરી રાહુલ પર આકરા પ્રહારો કર્યા છે. વિકાસ કોહલીએ સોશિયલ મીડિયા પર લખ્યું, "બચ્ચે ઈતની મહેનત અગર અપની સિંગિંગ પર કરતે તો સાયદ અપની મહેનત સે ફેમસ હો જાતે... " આગળ તેને લખ્યું કે- 'જ્યારે આખો દેશ વર્તમાન પરિસ્થિતિ અને શું ચાલી રહ્યું છે તેના પર ધ્યાન આપી રહ્યો છે... ત્યારે આ મૂર્ખ વિરાટના નામનો ઉપયોગ કરીને

ફોલોઅર્સ મેળવવા અને ફેમસ થવાના મિશન પર છે...કેટલો હારેલો માણસ છે' તાજેતરમાં જ સિંગર રાહુલ વૈદ્યએ વિરાટ કોહલી અને તેના ફેન્સને જોકર કહ્યા હતા. હવે આ વિવાદાસ્પદ પોસ્ટને કારણે સિંગર ટ્રોલ થઈ રહ્યો છે. રાહુલે ટીવી એક્ટ્રેસ અવનીત કૌરના ફોટાને લાઈક કરવા બદલ વિરાટ પર કટાક્ષ કર્યો હતો, જેના પછી વિરાટના ચાહકો તેને નિશાન બનાવી રહ્યા છે. રાહુલે ઇન્સ્ટાગ્રામ સ્ટોરી દ્વારા જણાવ્યું છે કે, ટ્રોલર્સ તેની પત્ની અને બહેન સાથે દુર્વ્યવહાર કરી રહ્યા છે. રાહુલ લખે છે- 'તમે મને ગાળો આપી રહ્યા છો, એ ઠીક છે પણ

મારી પત્ની અને બહેન... તેમને આમાં કોઈ લેવાદેવા નથી. તો હું સાચો હતો, એટલે જ તમે બધા વિરાટના ચાહકો અને જોકર છો. બે કોડીના જોકર્સ.' વીડિયો બનાવીને વિરાટ કોહલીની મજાક ઉડાવી રાહુલે વિરાટ-અવનીત વિવાદ પર ઇન્સ્ટાગ્રામ પર એક રમૂજી વીડિયો પોસ્ટ કર્યો હતો. આમાં તેણે કોહલી પર કટાક્ષ કરતા કહ્યું, 'હું કહેવા માગું છું કે આજ પછી અલ્ગોરિધમ ઘણા બધા ફોટા પસંદ કરશે જે મે લાઈક નથી કર્યા.' તો જે પણ છોકરી હોય, કૃપા કરીને આના પર પીઆર ન કરશો. આ મારી ભૂલ નથી, ઇન્સ્ટાગ્રામની ભૂલ છે.' રાહુલ અહીં

જ ન અટક્યો, તેણે વિરાટની મજાક ઉડાવતો બીજો એક વીડિયો બનાવ્યો, જેમાં તેણે કહ્યું કે 'વિરાટ કોહલીએ મને બ્લોક કરી દીધો છે.' તો કદાચ આ પણ ઇન્સ્ટાગ્રામની ભૂલ છે. વિરાટ કોહલીએ કદાચ તમને બ્લોક ન કર્યા હોય. ઇન્સ્ટાગ્રામના અલ્ગોરિધમે કહ્યું હશે કે હું તમારા વતી રાહુલ વૈદ્યને બ્લોક કરીશ.' નોંધનીય છે કે, ડિસેમ્બર 2024 માં રાહુલે એક ઇન્ટરવ્યૂમાં કહ્યું હતું કે વિરાટ કોહલીએ તેને ઇન્સ્ટાગ્રામ પર બ્લોક કરી દીધો છે. આજ સુધી તેને સમજાયું નથી કે વિરાટે તેને કેમ બ્લોક કર્યો છે? વિરાટ કોહલી-અવનીત વિવાદ શું છે? નોંધનીય છે

કે, ભારતીય ક્રિકેટર વિરાટ કોહલીએ તાજેતરમાં એક્ટ્રેસ અવનીત કૌરની એક પોસ્ટ લાઈક કરી હતી. જોકે, થોડા સમય પછી વિરાટે તે લાઈક દૂર કરી દીધું. પરંતુ આ દરમિયાન, વિરાટના લાઇકનો સ્ક્રીનશોટ સોશિયલ મીડિયા પર વાયરલ થયો, જેના કારણે આ બાબતને લઈને વિવિધ ચર્ચાઓ શરૂ થઈ ગઈ. બાદમાં વિરાટે આ મામલે સ્પષ્ટતા આપવી પડી. વિરાટ કોહલીએ પોતાના ઇન્સ્ટાગ્રામ પર એક સ્ટોરી પોસ્ટ કરી અને લખ્યું, 'હું સ્પષ્ટ કરવા માંગુ છું કે ફીડ સાફ કરતી વખતે, એવું લાગે છે કે અલ્ગોરિધમે ભૂલથી એક ઇન્ટરેક્શન નોંધ્યું છે. આ પાછળ મારો કોઈ ઈરાદો

નહોતો. હું તમને વિનંતી કરું છું કે કૃપા કરીને કોઈ બિનજરૂરી અફવાઓ ન ફેલાવો. સમજવા બદલ આભાર. રાહુલ વૈદ્ય 2004માં પ્રથમ ઇન્ડિયન આઇડોલના બીજા રનર-અપ હતો. આ પછી તેમણે 'તેરા ઇન્તેઝાર' નામનું એક મ્યુઝિક આલ્બમ બહાર પાડ્યું. તેમણે 'શાદી નંબર 1' અને 'ક્રેઝી 4' જેવી ફિલ્મોમાં પણ ગીતો ગાયા હતા. તે અનેક રિયાલિટી શોમાં દેખાયો છે, 'જો જીતા વહી સુપરસ્ટાર' જીત્યો છે અને 'બિગ બોસ 14' ના પ્રથમ રનર-અપ પણ હતા. 2021 માં, તેમણે એક્ટ્રેસ દિશા પરમાર સાથે લગ્ન કર્યા અને 2023 માં તેમની પુત્રી નવ્યાનો જન્મ થયો.