બોલિવૂડ એક્ટર હિૃતિક રોશન અને સાઉથ સુપરસ્ટાર જુનિયર એનટીઆર તેમની ફિલ્મ 'વોર 2' ના ટીઝરને કારણે સમાચારમાં છે. હવે કલાકારોની ફી વિશે પણ માહિતી બહાર આવી રહી છે. રિપોર્ટ અનુસાર, જુનિયર એનટીઆરને ઓછી ફી ચૂકવવામાં આવી હતી. ફિલ્મ 'વોર 2' ની એક ઝલક મેળવવા માટે રાહ જોઈ રહેલા ચાહકોને આજે

એક સરપ્રાઈઝ મળ્યું. નિર્માતાઓએ ટીઝર રિલીઝ કરીને ધૂમ મચાવી દીધી છે. ફિલ્મનું ટીઝર જોયા પછી, સોશિયલ મીડિયા યુઝર્સ અને સેલેબ્સ આ મહાન જોડી વચ્ચેના ટક્કર વિશે વાત કરી રહ્યા છે. આ એક ખાસ ફિલ્મ બનવા જઈ રહી છે જેની સાથે જુનિયર એનટીઆર હિન્દી ફિલ્મ ઉદ્યોગમાં પોતાની શરૂઆત કરી રહ્યા છે.

કિયારા અડવાણી પહેલી વાર બે મોટા સુપરસ્ટાર સાથે જોવા મળશે. તેણે પહેલી વાર બિકીની શૂટ પણ કરાવ્યું છે. પરંતુ શું તમે જાણો છો કે આ ફિલ્મનું બજેટ કેટલું છે અને કલાકારોને કેટલી ફી ચૂકવવામાં આવી હતી? જુનિયર એનટીઆરને ઓછી ફી અપાઈ મીડિયાઅહેવાલ મુજબ, નિર્માતાઓએ 2019 ની ફિલ્મ 'વોર' પર 170 કરોડ

રૂપિયા ખર્ચ કર્યા હતા. હવે 'વોર 2' માટે મેકર્સનું બજેટ 200 કરોડ રૂપિયા સુધી પહોંચી ગયું છે. કલાકારોની ફી વિશે વાત કરીએ તો, જુનિયર એનટીઆર એક ફિલ્મ માટે 45 કરોડ રૂપિયા સુધી ચાર્જ કરે છે. પરંતુ 'વોર 2' માટે, તેણે પોતાની ફી ઘટાડી છે અને ફક્ત 30 કરોડ રૂપિયા લીધા

છે. ઋતિક રોશને સૌથી વધુ 48 કરોડ રૂપિયા ફી લીધી, જ્યારે કિયારા અડવાણીને 15 કરોડ રૂપિયા ફી તરીકે આપવામાં આવ્યા. અને દિગ્દર્શક અયાન મુખર્જીએ 'વોર 2' ના દિગ્દર્શન માટે 32 કરોડ રૂપિયા લીધા છે. જુનિયર એનટીઆરની ફી દિગ્દર્શક કરતા ઓછી છે. અનેક દેશોમાં શૂટિંગ થયું ફિલ્મના શૂટિંગ સ્થાન વિશે વાત કરીએ તો,

નિર્માતાઓએ અબુ ધાબી, જાપાન, ઇટાલી, સ્પેન, રશિયા અને ભારત જેવા વિશ્વના વિવિધ દેશોમાં કુલ 150 દિવસ શૂટિંગ કર્યું છે. આ ઉપરાંત, એવા અહેવાલો છે કે હિૃતિક અને જુનિયર એનટીઆર વચ્ચે એક ડાન્સ ફેસઓફ થવાનો છે જેનું શૂટિંગ જૂનમાં થવાનું છે. નોંધનીય છે કે, આ ફિલ્મ 14 ઓગસ્ટના રોજ રિલીઝ થશે.