પાકિસ્તાનની જેલમાં બંધ પૂર્વ વડાપ્રધાન ઇમરાન ખાનને ફરી એકવાર નોબેલ શાંતિ પુરસ્કાર માટે નામાંકિત કરવામાં આવ્યા છે. ઇમરાન ખાનને પાકિસ્તાનમાં માનવાધિકાર અને લોકશાહીને પ્રોત્સાહન આપવા બદલ નામાંકિત કરવામાં આવ્યા છે. નોર્વેજીયન રાજકીય પક્ષ પાર્ટીએટ સેન્ટ્રમ સાથે સંકળાયેલા પાકિસ્તાન વર્લ્ડ એલાયન્સ (PWA) દ્વારા આ જાહેરાત કરવામાં આવી છે. આ નામાંકન એવા સમયે આવ્યું છે જ્યારે ઇમરાન

ખાન રાષ્ટ્રીય તિજોરીના દુરુપયોગના આરોપસર 2023થી જેલમાં છે. અગાઉ 2019માં પણ તેમને ભારત સાથેના તણાવ ઘટાડવા બદલ નોબેલ શાંતિ પુરસ્કાર માટે નામાંકિત કરવામાં આવ્યા હતા. રવિવારે નામાંકન જાહેર કરવામાં આવ્યું હતું પાર્ટીએટ સેન્ટ્રમે રવિવારે X પર પોસ્ટ કરી- પાર્ટીએટ સેન્ટ્રમ વતી અમને જાહેરાત કરતા આનંદ થાય છે કે અમે જેમને નોમિનેટ કરવાનો અધિકાર છે તેમની

સાથે મળીને પાકિસ્તાનના ભૂતપૂર્વ વડાપ્રધાન ઇમરાન ખાનને નોબેલ શાંતિ પુરસ્કાર માટે નોમિનેટ કર્યા છે. 2019માં પણ નામાંકિત ઇમરાન ખાનને 2019માં નોબેલ શાંતિ પુરસ્કાર માટે પણ નામાંકિત કરવામાં આવ્યા હતા. આ નામાંકન 2019માં ભારત સાથે તણાવ ઘટાડવા માટે કરવામાં આવ્યું હતું. તેમના સમર્થનમાં પાકિસ્તાન સંસદમાં એક ઠરાવ રજૂ કરવામાં આવ્યો હતો, જેમાં કહેવામાં આવ્યું હતું કે બાલાકોટ

હવાઈ હુમલા પછી ઈમરાન ખાને ભારત સાથે તણાવ ઓછો કરવાનો પ્રયાસ કર્યો હતો. આ વર્ષે નોબેલ શાંતિ પુરસ્કાર માટે 338 નામાંકનો 2025ના નોબેલ શાંતિ પુરસ્કાર માટે 338 નામાંકન છે. આમાંથી 244 વ્યક્તિઓ અને 94 સંસ્થાઓ છે. ગયા વર્ષે આ પુરસ્કાર માટે 286 ઉમેદવારોના નામાંકન થયા હતા. 2016માં સૌથી વધુ 376 નોમિનેશન આવ્યા હતા. 2025ના નોબેલ

શાંતિ પુરસ્કાર માટે નોમિનેશનની છેલ્લી તારીખ 31 જાન્યુઆરી હતી. 50 વર્ષથી નોબેલ નામાંકિતોના નામ જાહેર કરવામાં નથી આવતા નોબેલ પુરસ્કાર વેબસાઇટ અનુસાર, તેમના દ્વારા કોઈપણ ક્ષેત્રમાં નોબેલ માટે નામાંકિત લોકોના નામ આગામી 50 વર્ષ સુધી જાહેર કરવામાં આવતા નથી. ઇમરાનનું નામ પ્રસ્તાવ મૂકનાર સંગઠન દ્વારા જાહેર કરવામાં આવ્યું છે. ઇમરાન ખાન રાવલપિંડીની અદિયાલા જેલમાં બંધ ઇમરાન ખાન

2023થી રાવલપિંડીની અદિયાલા જેલમાં બંધ છે. જાન્યુઆરી 2025માં પાકિસ્તાનની એક કોર્ટે ઇમરાન ખાનને 14 વર્ષની જેલની સજા ફટકારી હતી. તેમના પર રાષ્ટ્રીય તિજોરીને 50 અબજ પાકિસ્તાની રૂપિયાનું નુકસાન પહોંચાડવાનો આરોપ છે. આ કેસમાં 9 મે, 2023ના રોજ ઇમરાનની ધરપકડ કરવામાં આવી હતી. આ પછી દેશભરમાં ઘણા મહત્વપૂર્ણ સૈન્ય મથકો પર હુમલો કરવામાં આવ્યો હતો.