ભારતીય મૂળના અનિતા આનંદને કેનેડાના નવા વિદેશ મંત્રી બનાવવામાં આવ્યા છે. તેમણે મંગળવારે મંત્રી પદના શપથ લીધા હતા. કેનેડામાં સામાન્ય ચૂંટણી માટે મતદાન 28 એપ્રિલના રોજ થયું હતું. લિબરલ પાર્ટી અને વડાપ્રધાન માર્ક કાર્નીએ જીત મેળવી હતી. આ ચૂંટણીમાં ભારતીય મૂળના 22 ઉમેદવારો જીત્યા હતા. માર્ક કાર્નીના મંત્રીમંડળમાં અનિતા ઉપરાંત ભારતીય મૂળના ત્રણ લોકો સામેલ છે. તેમાંથી, મનીન્દર સિંધુને આંતરરાષ્ટ્રીય વેપાર મંત્રી બનાવવામાં આવ્યા છે. સિંધુ અગાઉ વિદેશ મંત્રી રહી ચૂક્યા છે. તેઓ 2019થી સતત ચૂંટણી જીતી રહ્યા છે. આ

ઉપરાંત રૂબી સહોતા અને રણદીપ સિંહ સરાઈને રાજ્ય સચિવ બનાવવામાં આવ્યા છે. ગીતા પર હાથ મુકીને શપથ લીધા અનિતા આનંદ કેનેડાના પ્રથમ હિન્દુ મહિલા સાંસદ અને કેબિનેટ મંત્રી છે. તેમણે ગીતા પર હાથ મુકીને શપથ લીધા હતા. ભારત અને કેનેડા વચ્ચેના સંબંધોમાં ચાલી રહેલી કડવાશને દૂર કરવામાં તેમની ભૂમિકા મહત્વપૂર્ણ રહેશે. અનિતા આનંદનો જન્મ ભલે ભારતમાં ન થયો હોય, પરંતુ તેમનો ભારત સાથે સંબંધ છે. અનિતાના પિતા તમિલનાડુના અને માતા પંજાબના અનિતાના પિતા તમિલનાડુના હતા જ્યારે માતા પંજાબના હતા.

જો કે, અનિતાનો જન્મ અને ઉછેર કેનેડાના ગ્રામીણ વિસ્તાર નોવા સ્કોટીયામાં થયો હતો. તેમણે ક્વીન્સ યુનિવર્સિટીમાંથી પોલિટિકલ સાયન્સમાં સ્નાતકની ડિગ્રી, ઓક્સફર્ડ યુનિવર્સિટીમાંથી ન્યાયશાસ્ત્રમાં સ્નાતકની ડિગ્રી, ડેલહાઉસી યુનિવર્સિટીમાંથી લો ગ્રેજ્યુએશન અને ટોરોન્ટો યુનિવર્સિટીમાંથી કાયદામાં માસ્ટર કર્યુ છે. 57 વર્ષીય અનિતા વ્યવસાયે વકીલ છે. તેમણે 2019માં કેનેડાની ઓકવિલે બેઠક પરથી તેમની પ્રથમ સંસદીય ચૂંટણી જીતી હતી. તેમણે છેલ્લા કાર્યકાળમાં રક્ષા મંત્રીનું પદ સંભાળ્યું હતું અનિતા આનંદ અગાઉ કેનેડાના રક્ષા મંત્રી​​​​​​​નું પદ સંભાળી ચૂક્યા છે. 2021માં ભૂતપૂર્વ વડાપ્રધાન જસ્ટિન ટ્રુડો દ્વારા તેમને રક્ષા

મંત્રી​​​​​​​ તરીકે નિયુક્ત કરવામાં આવ્યા હતા. તે જ વર્ષે તેમને જાહેર સેવાઓના કેબિનેટ મંત્રી બનાવવામાં આવ્યા હતા. અનિતા કેનેડાનું સંરક્ષણ મંત્રાલય સંભાળનારા બીજા મહિલા છે. આ પહેલા 1990માં કિમ કેમ્પબેલે આ જવાબદારી સંભાળી હતી. અનિતા ટોરોન્ટો યુનિવર્સિટીના એસોસિયેટ ડીન પણ રહી ચૂક્યા છે. તેણીએ 1995માં કેનેડિયન વકીલ અને બિઝનેસ એક્ઝિક્યુટિવ જોન નોલ્ટન સાથે લગ્ન કર્યા હતા. તેમને 4 બાળકો છે. અનિતા આનંદ લિંગ સમાનતાના એક મોટા સમર્થક રહ્યા છે. તે LGBTQIA+ અધિકારોનું સમર્થન કરે છે. તેમણે કેનેડિયન સંરક્ષણ દળોમાં જાતીય

ગેરવર્તણૂક સામે લડવા અને સાંસ્કૃતિક પરિવર્તન લાવવા માટેની પહેલનું પણ નેતૃત્વ કર્યું હતું. કેનેડામાં લિબરલ પાર્ટી ફરી સત્તામાં આવી વડાપ્રધાન માર્ક કાર્નીના નેતૃત્વમાં ઐતિહાસિક જીત સાથે કેનેડામાં લિબરલ પાર્ટી ફરી સત્તામાં આવી. પાર્ટીએ 167 બેઠકો જીતી. જો કે, આ 172ના બહુમતી આંકડા કરતા 5 ઓછી છે. જોકે કેનેડામાં ઓક્ટોબર 2025માં ચૂંટણીઓ સત્તાવાર રીતે યોજાવાની હતી, પરંતુ વડાપ્રધાન માર્ક કાર્નીએ ગયા મહિને નવી ચૂંટણીઓની જાહેરાત કરતા કહ્યું હતું કે ટ્રમ્પનો સામનો કરવા માટે તેમને મજબૂત જનાદેશની જરૂર છે. 2015થી કેનેડાના વડાપ્રધાન

રહેલા જસ્ટિન ટ્રુડોએ આ વર્ષની શરૂઆતમાં પોતાના પદ પરથી રાજીનામું આપ્યું હતું, ત્યારબાદ માર્ક કાર્ની નવા વડાપ્રધાન તરીકે ચૂંટાયા હતા. કેનેડાની ચૂંટણીઓ સંબંધિત આ સમાચાર પણ વાંચો.... કેનેડા ચૂંટણી-ખાલિસ્તાન સમર્થક જગમીત સિંહ પોતાની બેઠક ગુમાવી: પરિણામ આવતાં રડી પડ્યા; પીએમ માર્ક કાર્ની બહુમતીથી 5 બેઠકો ઓછી છે પરંતુ તેઓ પદ પર બની રહેશે ખાલિસ્તાન સમર્થક અને અગ્રણી ન્યૂ ડેમોક્રેટિક પાર્ટી (NDP) નેતા જગમીત સિંહ પોતાની બેઠક હારી ગયા છે. પરિણામો પછી પાર્ટી કાર્યકરોને સંબોધન કરતા જગમીત સિંહ રડી પડ્યા હતા.