ભારતે ઇંગ્લેન્ડ પ્રવાસ માટે મહિલા ટીમની જાહેરાત કરી દીધી છે. બંને ટીમ વચ્ચે 28 જૂનથી 5 T20 અને 3 ODI મેચની શ્રેણી રમાશે. બંને ફોર્મેટમાં હરમનપ્રીત કૌર કેપ્ટન રહેશે અને સ્મૃતિ મંધાના વાઇસ-કેપ્ટન રહેશે. શેફાલી અને હરલીન વન-ડે ટીમમાંથી બહાર શેફાલી વર્માને ફરી એકવાર ODI ટીમમાં તક મળી નહીં. તેણે ડોમેસ્ટિક ODI ટુર્નામેન્ટની 12 મેચમાં 941 રન બનાવ્યા, પરંતુ

તેમ છતાં તે કમબેક કરી શકી નહીં. તેની સાથે હરલીન દેઓલને પણ ODI ટીમમાં સ્થાન આપ્યું નથી. બંને ખેલાડીઓ T20 રમશે. તેમની જગ્યાએ પ્રતિકા રાવલ અને તેજલ હસબનીસને વન-ડેમાં સામેલ કરી છે. આ સિરીઝ 22 જુલાઈ સુધી ચાલશે આ સિરીઝની શરૂઆત 28 જૂને ભારત અને ઇંગ્લેન્ડ મહિલા ટીમ વચ્ચેની પ્રથમ T20 મેચથી થશે. આ મેચ નોટિંગહામમાં ભારતીય સમય મુજબ

સાંજે 7 વાગ્યે શરૂ થશે. ત્યારબાદ ટીમ 1, 4, 9 અને 12 જુલાઈના રોજ બાકીની T20 મેચ રમશે. ચારેય મેચ રાત્રે 11 વાગ્યે શરૂ થશે. 16, 19 અને 22 જુલાઈના રોજ 3 વન-ડે મેચ રમાશે. બીજી મેચ બપોરે 3.30 વાગ્યે શરૂ થશે, જ્યારે બાકીની વન-ડે મેચ સાંજે 5.30 વાગ્યે શરૂ થશે. બંને ટીમ ODI વર્લ્ડ કપની તૈયારીઓમાં વ્યસ્ત ભારત અને

ઇંગ્લેન્ડની ટીમ આ વર્ષે ભારતમાં યોજાનાર ODI વર્લ્ડ કપ માટે તૈયારીઓ કરી રહી છે. ભારતે તાજેતરમાં સાઉથ આફ્રિકા અને શ્રીલંકામાં યજમાન ટીમ સામે ત્રિકોણીય શ્રેણી રમી હતી. ભારતે ફાઈનલમાં શ્રીલંકાને હરાવીને ટાઇટલ જીત્યું હતું, હવે ટીમ લગભગ દોઢ મહિના પછી ઇંગ્લેન્ડમાં બંને ફોર્મેટની સિરીઝ રમશે. ઇંગ્લેન્ડ પ્રવાસ માટે ભારતીય ટીમ T-20: હરમનપ્રીત કૌર (કેપ્ટન), સ્મૃતિ મંધાના (વાઇસ-કેપ્ટન), શેફાલી વર્મા,

જેમિમા રોડ્રિગ્સ, રિચા ઘોષ (વિકેટકીપર), યાસ્તિકા ભાટિયા (વિકેટકીપર), હરલીન દેઓલ, દીપ્તિ શર્મા, સ્નેહ રાણા, શ્રી ચરણી, શુચિ ઉપાધ્યાય, અમનજોત કૌર, અરુંધતિ રેડ્ડી, ક્રાંતિ ગૌડ, સાયલી સતઘરે. ODI: હરમનપ્રીત ​​​​​​​કૌર (કેપ્ટન), સ્મૃતિ મંધાના (વાઇસ-કેપ્ટન), પ્રતિકા રાવલ, જેમિમાહ રોડ્રિગ્સ, રિચા ઘોષ (વિકેટકીપર), યાસ્તિકા ભાટિયા (વિકેટકીપર), તેજલ હસબનીસ, દીપ્તિ શર્મા, સ્નેહ રાણા, શ્રી ચરણી, શુચિ ઉપાધ્યાય, અમનજોત કૌર, અરુંધતિ રેડ્ડી, ક્રાંતિ

ગૌડ, સાયલી સતઘરે. પુરુષ ટીમ પણ ઇંગ્લેન્ડ જશે ભારતની પુરુષ ટીમ પણ 20 જૂનથી ઇંગ્લેન્ડના પ્રવાસે જવાની છે. ટીમ ત્યાં 5 ટેસ્ટની શ્રેણી રમશે. બીજી ટેસ્ટ 2 જુલાઈથી, ત્રીજી 10 જુલાઈથી, ચોથી 23 જુલાઈથી અને પાંચમી 31 જુલાઈથી રમાશે. આનો અર્થ એ થયો કે મહિલા ટીમનો પ્રવાસ પુરુષ ટીમની ચોથી ટેસ્ટ શરૂ થાય તે પહેલાં જ સમાપ્ત થઈ જશે.