BCCIએ 12 મેના રોજ IPLનું નવું શિડ્યૂલ જાહેર કર્યું. લીગ તબક્કામાં ફક્ત 13 મેચ બાકી છે. 3 ટીમ પ્લેઓફની રેસમાંથી બહાર થઈ ગઈ છે, જ્યારે 7 ટીમ ટોપ-4 માટે લડી રહી છે. નવા શિડ્યૂલથી ટુર્નામેન્ટ વધુ રોમાંચક બની ગઈ છે. છેલ્લા 2 દિવસમાં લખનઉ, મુંબઈ, પંજાબ અને બેંગલુરુની મેચ છે. ચારેય ટીમો પ્લેઓફની રેસમાં છે અને છેલ્લી મેચોના પરિણામોથી ટોપ-2 સ્પોટ પણ નક્કી થશે. બધી ટીમો માટે પ્લેઓફની સ્થિતિ પોઈન્ટ્સ ટેબલની વર્તમાન સ્થિતિ 1. ગુજરાત ટાઇટન્સ: વધુ 1 જીતની

જરૂર ગુજરાત 11 મેચમાં 8 જીત સાથે 16 પોઈન્ટ્સ સાથે પ્રથમ સ્થાને છે. ટીમ પાસે દિલ્હી, લખનઉ અને ચેન્નઈ સાથે 3 મેચ બાકી છે. ટાઇટન્સ આમાંથી એક જ મેચ જીતીને પ્લેઓફમાં પહોંચી જશે. જોકે, જો ટીમ ટોપ-2માં સ્થાન મેળવવા માંગતી હોય તો તેણે ઓછામાં ઓછી 2 મેચ જીતવી પડશે. ત્રણેય મેચ જીતીને GT ટોપ-2માં પોતાનું સ્થાન નિશ્ચિત કરશે. 2. રોયલ ચેલેન્જર્સ બેંગલુરુ: વધુ 1 જીતની જરૂર બેંગલુરુના પણ 11 મેચમાંથી 8 જીત સાથે 16 પોઈન્ટ્સ છે, પરંતુ ગુજરાત કરતા

ખરાબ રન રેટને કારણે ટીમ બીજા સ્થાને છે. RCBને પ્લેઓફમાં પહોંચવા માટે 3 માંથી ફક્ત 1 જીતની જરૂર છે. ટીમે કોલકાતા, હૈદરાબાદ અને લખનઉનો સામનો કરવાનો છે. ટોપ-2માં સ્થાન મેળવવા માટે RCBને બાકીની ત્રણેય મેચ જીતવી પડશે. 3. પંજાબ કિંગ્સ: વધુ 2 જીતની જરૂર પંજાબના 11 મેચમાં 7 જીત અને એક ડ્રો સાથે 15 પોઈન્ટ્સ છે. ટીમે રાજસ્થાન, દિલ્હી અને મુંબઈનો સામનો કરવાનો છે. પ્લેઓફમાં સ્થાન નિશ્ચિત કરવા માટે PBKSને 3માંથી 2 મેચ જીતવાની જરૂર છે. 17 પોઈન્ટ્સ

સાથે જો ટીમે ક્વોલિફાય થવું હોય તો તેણે દિલ્હીને હરાવવું પડશે. જો પંજાબ કેપિટલ્સ સામે વિજય મેળવે છે, તો દિલ્હી અથવા મુંબઈમાંથી ફક્ત એક જ ટીમ પ્લેઓફમાં પહોંચી શકશે કારણ કે બંને ટીમોને એકબીજાનો સામનો કરવો પડશે. ટોપ-2માં સ્થાન મેળવવા માટે, પંજાબે ત્રણેય મેચ જીતવી પડશે અને પ્રાર્થના કરવી પડશે કે ગુજરાત અથવા બેંગલુરુ એક મેચ હારે. 4. મુંબઈ ઈન્ડિયન્સ: બંને મેચ જીતવી પડશે મુંબઈ ઈન્ડિયન્સે પહેલી 5 મેચમાંથી ફક્ત 1 મેચ જીતી હતી, પરંતુ ટીમે છેલ્લી 7 મેચમાંથી

6 મેચ જીતીને પ્લેઓફમાં પહોંચવાની આશા જાળવી રાખી છે. MI 12માંથી 7 મેચ જીતીને 14 પોઈન્ટ્સ સાથે ચોથા સ્થાને છે. જો 5 વખતની ચેમ્પિયન ટીમ પ્લેઓફમાં જગ્યા બનાવવા માગે છે, તો તેણે દિલ્હી અને પંજાબ સામેની બાકીની બંને મેચ જીતવી પડશે. જો MI એક પણ મેચ હારી જાય છે, તો પ્લેઓફમાં પહોંચવાની તેની આશા અન્ય ટીમો પર છોડી દેવામાં આવશે. 5. દિલ્હી કેપિટલ્સ: ત્રણેય મેચ જીતવી પડશે દિલ્હીએ ટુર્નામેન્ટની શરૂઆત સતત 5 મેચ જીતીને કરી હતી, પરંતુ ટીમ છેલ્લી

6 મેચમાંથી 4 મેચ હારી ગઈ હતી. કેપિટલ્સ 6 જીત અને 1 ડ્રોથી 13 પોઈન્ટ સાથે પાંચમા સ્થાને છે. DC પાસે ગુજરાત, મુંબઈ અને પંજાબ સામે 3 મેચ છે, ત્રણેય ટોપ-4માં છે. જો કેપિટલ્સ અહીંથી ક્વોલિફાય થવા માગે છે, તો તેણે ત્રણેય મેચ જીતવી પડશે. જો ટીમ મુંબઈ અને પંજાબને હરાવે છે, તો બે જીત પણ પ્લેઓફમાં સ્થાન સુનિશ્ચિત કરશે. 6. કોલકાતા નાઈટ રાઈડર્સ: બીજાના ભરોસે ડિફેન્ડિંગ ચેમ્પિયન કોલકાતાને 12 મેચમાં માત્ર 5 જીત મળી છે, ટીમની 1

મેચ અનિર્ણિત પણ રહી, આમાંથી 11 પોઈન્ટ્સ સાથે કોલકાતા છઠ્ઠા સ્થાને છે. KKR પાસે બેંગલુરુ અને હૈદરાબાદ સામે 2 મેચ છે. જો ટીમ એક પણ મેચ હારી જશે તો તે પ્લેઓફમાંથી બહાર થઈ જશે. 2 મેચ જીત્યા પછી પણ જો KKR પ્લેઓફમાં પહોંચવા માગે છે, તો તેણે પંજાબ, મુંબઈ અને દિલ્હી બધી મેચ હારી જાય તે માટે પ્રાર્થના કરવી પડશે. 7. લખનઉ સુપરજાયન્ટ્સ: બીજાના ભરોસે લખનઉએ 11 માંથી માત્ર 5 મેચ જીતી છે અને 10 પોઈન્ટ્સ સાથે 7મા સ્થાને

છે. LSGની 3 મેચ હૈદરાબાદ, ગુજરાત અને બેંગલુરુ સામે છે. ત્રણેય મેચ જીત્યા પછી પણ ટીમ ફક્ત 16 પોઈન્ટ્સ સુધી પહોંચશે. અહીંથી ફરી ક્વોલિફાય થવા માટે ટીમે પ્રાર્થના કરવી પડશે કે પંજાબ, મુંબઈ અને દિલ્હી બધી મેચ હારી જાય. 3 ટીમો પ્લેઓફમાંથી બહાર, બીજાની ગેમ બગાડી શકે છે સનરાઇઝર્સ હૈદરાબાદ, રાજસ્થાન રોયલ્સ અને ચેન્નઈ સુપર કિંગ્સ પ્લેઓફ તબક્કામાંથી બહાર થઈ ગયા છે. હવે ત્રણેય ટીમો ટોચની 7 ટીમોનું ગણિત બગાડી શકે છે. RR અને CSKને પણ એકબીજા સામે મેચ

રમવાની છે, પરંતુ તેનાથી કોઈને કોઈ નુકસાન કે ફાયદો થશે નહીં. બીજી તરફ, જો ત્રણેય ટીમો ટોપ-7 સ્થાન પર રહેલી એક પણ ટીમને હરાવે છે, તો પ્લેઓફમાં પહોંચવાની તેમની આશાઓને ઝટકો લાગી શકે છે. છેલ્લા 2 દિવસમાં નક્કી થશે ​​​​​પ્લેઓફ પોઝિશન IPLના નવા શિડ્યૂલે પ્લેઓફ ક્વોલિફિકેશનને વધુ રોમાંચક બનાવ્યું છે, કારણ કે છેલ્લા 2 દિવસમાં પંજાબ મુંબઈનો સામનો કરશે અને લખનઉ બેંગલુરુનો. ચારેય ટીમો પ્લેઓફની રેસમાં છે અને આ મેચોના પરિણામોથી પોઈન્ટ્સ ટેબલમાં ટોપ-2 પોઝિશન પણ નક્કી થશે.