IPL 2025ની 24મી મેચ આજે રોયલ ચેલેન્જર્સ બેંગલુરુ અને દિલ્હી કેપિટલ્સ વચ્ચે રમાશે. આ મેચ બેંગલુરુના એમ ચિન્નાસ્વામી સ્ટેડિયમ ખાતે સાંજે 7:30 વાગ્યે રમાશે. આ સીઝનમાં બંને ટીમ પહેલી વાર એકબીજા સામે ટકરાશે. દિલ્હીએ આ સીઝનમાં 3 મેચ રમી છે અને બધી જીતી છે. બીજી તરફ, બેંગલુરુએ 18મી સીઝનમાં અત્યાર સુધીમાં 4 મેચ રમી છે, જેમાંથી 3 જીતી છે અને 1 હારનો સામનો કરવો પડ્યો છે. મેચ ડિટેઇલ્સ, 24મી મેચ RCB Vs DC તારીખ- 10 એપ્રિલ સ્ટેડિયમ- એમ ચિન્નાસ્વામી સ્ટેડિયમ, બેંગલુરુ સમય: ટૉસ - સાંજે 7:00 વાગ્યે, મેચ શરૂ -

સાંજે 7:30 વાગ્યે હેડ ટુ હેડમાં બેંગલુરુનું પલડું ભારે હેડ ટુ હેડ મેચમાં બેંગલુરુ દિલ્હીથી આગળ છે. IPLમાં બંને ટીમ વચ્ચે કુલ 32 મેચ રમાઈ છે. RCBએ 20 જીત મેળવી જ્યારે DCએ 11 જીત મેળવી. જ્યારે એક મેચનું પરિણામ આવી શક્યું નહીં. તે જ સમયે, બેંગલુરુ સ્ટેડિયમમાં બંને ટીમ વચ્ચે 11 મેચ રમાઈ હતી, જેમાં RCB 6 અને DC 4 જીતી હતી. એક મેચનું પરિણામ નક્કી થઈ શક્યું ન હતું. RCB માટે વિરાટે સૌથી વધુ રન બનાવ્યા રોયલ ચેલેન્જર્સ બેંગલુરુનો બેટર વિરાટ કોહલી ટીમ માટે સૌથી

વધુ રન બનાવનાર ખેલાડી બની ગયો છે. તેણે 4 મેચમાં કુલ 164 રન બનાવ્યા છે. તેણે છેલ્લી મેચમાં મુંબઈ સામે 67 રનની અડધી સદી ફટકારી હતી. આ પહેલા તેણે કોલકાતા સામે 59 રનની અણનમ ઇનિંગ રમી હતી. તેના પછી, રજત પાટીદારે પણ 4 મેચમાં કુલ 161 રન બનાવ્યા છે. તેણે MI સામે 64 રનની અડધી સદીની ઇનિંગ રમી. ટીમના જોશ હેઝલવુડ વિકેટ લેનારા બોલરોમાં ટોચ પર છે. તેણે 4 મેચમાં કુલ 8 વિકેટ લીધી છે. તેણે ચેન્નઈ સુપર કિંગ્સ સામે 21 રન આપીને 3 વિકેટ લીધી

હતી. આ જ મેચમાં બોલર યશ દયાલે પણ 3 ઓવરમાં 2 વિકેટ લીધી હતી. DC માટે કેએલ રાહુલ હાઇએસ્ટ રન સ્કોરર દિલ્હી કેપિટલ્સના બેટર કેએલ રાહુલ ટીમનો ટૉપ સ્કોરર છે. તેણે 2 મેચમાં કુલ 92 રન બનાવ્યા છે. પોતાની છેલ્લી મેચમાં, તેણે ચેન્નઈ સુપર કિંગ્સ સામે 77 રનની ઇનિંગ રમી હતી. તેના પછી, ફાફ ડુ પ્લેસિસે 2 મેચમાં 79 રન બનાવ્યા છે. તેણે સનરાઇઝર્સ હૈદરાબાદ સામે 50 રન ફટકાર્યા હતા. તે જ સમયે, બેટર આશુતોષ શર્માએ પણ લખનઉ સુપર જાયન્ટ્સ સામે 66 રનની અણનમ ઇનિંગ રમી

છે. જ્યારે મિચેલ સ્ટાર્ક બોલિંગમાં ટોચ પર છે. તેણે 3 મેચમાં 9 વિકેટ લીધી છે. તેણે SRH સામે માત્ર 3.4 ઓવરમાં 5 વિકેટ લીધી. તેણે લખનઉ સામે 3 વિકેટ પણ લીધી હતી. પિચ રિપોર્ટ બેંગલુરુના એમ ચિન્નાસ્વામી સ્ટેડિયમની પિચ બેટર્સ માટે મદદરૂપ સાબિત થાય છે. અત્યાર સુધીમાં અહીં 96 IPL મેચ રમાઈ ચૂકી છે. 41 મેચમાં પહેલા બેટિંગ કરનારી ટીમે જીતી હતી અને 51 મેચ ચેઝ કરતી ટીમે જીતી હતી. અહીં પણ ચાર મેચ અનિર્ણિત રહી. હવામાન પરિસ્થિતિઓ 10 એપ્રિલના રોજ બેંગલુરુમાં દિવસભર તડકો રહેશે, ક્યારેક ક્યારેક વાદળો છવાયેલા

રહેશે. ગુરુવારે બેંગલુરુમાં વરસાદની શક્યતા 4% છે. મેચના દિવસે અહીં મોટાભાગે વાદળછાયું વાતાવરણ રહેશે. તાપમાન 22થી 24 ડિગ્રી સેલ્સિયસ વચ્ચે રહેશે. બન્ને ટીમની સંભવિત પ્લેઇંગ-12 (ઇમ્પેક્ટ પ્લેયર સહિત) રોયલ ચેલેન્જર્સ બેંગલુરુ (RCB): રજત પાટીદાર (કેપ્ટન), ફિલ સોલ્ટ, વિરાટ કોહલી, દેવદત્ત પડિકલ, લિયામ લિવિંગસ્ટન, જીતેશ શર્મા (વિકેટકીપર), ટિમ ડેવિડ, કૃણાલ પંડ્યા, ભુવનેશ્વર કુમાર, જોશ હેઝલવુડ, યશ દયાલ, સુયશ શર્મા. દિલ્હી કેપિટલ્સ (DC): અક્ષર પટેલ (કેપ્ટન), જેક ફ્રેઝર-મેગર્ક, કેએલ રાહુલ (વિકેટકીપર), અભિષેક પોરેલ, ટ્રિસ્ટન સ્ટબ્સ, સમીર રિઝવી, આશુતોષ શર્મા, વિપરાજ નિગમ, મિચેલ સ્ટાર્ક, કુલદીપ યાદવ, મોહિત શર્મા, મુકેશ કુમાર.