IPL 2025 ની ફાઇનલ અને ક્વોલિફાયર 2 અમદાવાદના નરેન્દ્ર મોદી સ્ટેડિયમ ખાતે રમાશે. લીગની ફાઈનલ ૩ જૂને રમાશે. એક દિવસ પહેલા, BCCIએ IPLના બાકીના 13 મેચનું શેડ્યૂલ જાહેર કર્યું હતું. પરંતુ પ્લેઓફ સ્થળો નક્કી થયા ન હતા. ક્રિકબઝના અહેવાલ મુજબ, અમદાવાદને 1 જૂને યોજાનારી ક્વોલિફાયર-2 અને 3 જૂને રમાનારી ફાઈનલ મેચનું આયોજન કરવા માટે પસંદ કરવામાં આવ્યું છે. પ્લેઓફ સ્થળો જાહેર ન કરવાનું એકમાત્ર કારણ હવામાન છે. બોર્ડ શેડ્યૂલ અંતિમ સ્વરૂપ આપતા પહેલા દેશભરમાં ચોમાસાની ગતિવિધિઓનું નિરીક્ષણ કરી રહ્યું છે. હવામાન વિભાગના મતે, જૂનની શરૂઆતમાં અમદાવાદમાં વરસાદની કોઈ શક્યતા નથી. પાકિસ્તાન સાથેના તણાવને કારણે,

9 મેના રોજ IPL સ્થગિત કરવી પડી. BCCIએ ટુર્નામેન્ટ મુલતવી રાખતા કહ્યું હતું કે દેશ હાલમાં યુદ્ધની સ્થિતિમાં છે. આવી સ્થિતિમાં, ક્રિકેટ ટુર્નામેન્ટનું આયોજન યોગ્ય નથી. શરૂઆત બેંગલુરુ-કોલકાતા મેચથી થશે RCB અને KKR વચ્ચેની પહેલી મેચ 17 મેના રોજ બેંગલુરુમાં રમાશે. બાકીની મેચ જયપુર, દિલ્હી, લખનઉ, મુંબઈ અને અમદાવાદમાં રમાશે. લીગ સ્ટેજ 27 મેના રોજ સમાપ્ત થશે. રવિવાર, 18 અને 25 મે ના રોજ 2 ડબલ હેડર રમાશે. એટલે કે 11 દિવસમાં 13 લીગ સ્ટેજ મેચ થશે. 8 મેના રોજ ધર્મશાળામાં યોજાનારી પંજાબ અને દિલ્હી વચ્ચેની મેચ પાકિસ્તાનના હુમલાઓને કારણે રોકવી પડી હતી. આ મેચ

હવે 24 મેના રોજ જયપુરમાં રમાશે. પ્લેઓફ મેચોનું સ્થળ હજુ નક્કી થયું નથી. અગાઉ, હૈદરાબાદ અને કોલકાતામાં 2-2 પ્લેઓફ મેચ રમવાની હતી. ક્રિકેટના આ સમાચાર પણ વાંચો... WTC ફાઈનલ માટે ઓસ્ટ્રેલિયા અને સાઉથ આફ્રિકાની ટીમની જાહેરાત: 11 જૂનથી લોર્ડ્સમાં મેચ રમાશે, પેટ કમિન્સ અને ટેમ્બા બાવુમા કેપ્ટનશીપ કરશે વર્લ્ડ ટેસ્ટ ચેમ્પિયનશિપ (WTC) 2023-25ની ફાઈનલ મેચ માટે ઓસ્ટ્રેલિયા અને સાઉથ આફ્રિકાની ટીમની જાહેરાત કરવામાં આવી છે. આ મેચ 11 થી 15 જૂન દરમિયાન ઇંગ્લેન્ડના લોર્ડ્સ મેદાન પર રમાશે. ઓસ્ટ્રેલિયન ટીમનું નેતૃત્વ પેટ કમિન્સ કરશે, જ્યારે ટેમ્બા બાવુમા સાઉથ આફ્રિકાની ટીમની કેપ્ટનશીપ કરશે. સંપૂર્ણ સમાચાર વાંચો...