રજત પાટીદારને રોયલ ચેલેન્જર્સ બેંગલુરુ (RCB)ના નવો કેપ્ટન બનાવ્યો છે. ફ્રેન્ચાઇઝીએ ગુરુવારે X-પોસ્ટથી આ માહિતી આપી હતી. 31 વર્ષીય પાટીદાર ફાફ ડુ પ્લેસિસનું સ્થાન લેશે. ડુ પ્લેસિસે 2024માં RCBનું નેતૃત્વ કર્યું હતું, પરંતુ ફ્રેન્ચાઇઝીએ તેને 2025 માટે પણ રિટેન કર્યો ન હતો. કેપ્ટન બનવા માટે વિરાટ કોહલીના નામની પણ ચર્ચા થઈ હતી. રજત 2021 થી ટીમ સાથે છે. મેગા ઓક્શન પહેલા ફ્રેન્ચાઇઝીએ તેને રિટેન કર્યો હતો. રજત સૈયદ મુશ્તાક અલી ટ્રોફી અને વિજય હજારે ટ્રોફીની 2024-25 સીઝનમાં મધ્યપ્રદેશનો કેપ્ટન છે. પાટીદારને કેપ્ટનશીપનો અનુભવ છે રજત

પાટીદાર શરૂઆતથી જ કેપ્ટન બનવાની રેસમાં હતો. પાટીદારને ફ્રેન્ચાઇઝીએ આગામી સીઝન માટે રિટેન કર્યો હતો. પાટીદારને સૈયદ મુશ્તાક અલી ટ્રોફી અને વિજય હજારે ટ્રોફીમાં મધ્યપ્રદેશનું નેતૃત્વ કરવાનો અનુભવ છે. 31 વર્ષીય પાટીદારે મધ્યપ્રદેશને સૈયદ મુશ્તાક અલી T20 ટ્રોફીની ફાઈનલમાં પહોંચાડ્યું હતું. પરંતુ ફાઈનલ મેચમાં મુંબઈ સામે પાંચ વિકેટથી હારી ગઈ હતી. પાટીદાર ટુર્નામેન્ટમાં બીજા ક્રમે સૌથી વધુ રન બનાવનાર ખેલાડી હતો. તેનાથી આગળ અજિંક્ય રહાણે હતો. RCBનો આઠમો કેપ્ટન બન્યો રજત પાટીદાર પાટીદાર 2021 થી RCB સાથે સંકળાયેલો છે અને RCBનો આઠમો કેપ્ટન છે.

પાટીદારને IPL 2021 સીઝન પછી રિલીઝ કર્યો હતો પરંતુ 2022માં તે રિપ્લેસમેન્ટ ખેલાડી તરીકે ટીમમાં જોડાયો હતો. લખનઉ સુપરજાયન્ટ્સ સામે એલિમિનેટરમાં પાટીદારે અણનમ 112 રન બનાવ્યા અને પ્લેઓફ મેચમાં સદી ફટકારનાર IPL ઇતિહાસનો પ્રથમ અનકેપ્ડ બેટર બન્યો. પાટીદારે 2024ની સીઝનમાં RCB માટે 15 મેચ રમી હતી અને પાંચ અડધી સદી સહિત 395 રન બનાવ્યા હતા. RCB ગયા સિઝનમાં પ્લેઓફમાં પહોંચવામાં સફળ રહ્યું અને ટુર્નામેન્ટના બીજા તબક્કામાં સારું પ્રદર્શન કર્યું. ટીમની સફર એલિમિનેટર રાઉન્ડમાં સમાપ્ત થઈ. RCB એ 2025 સીઝન માટે પાટીદાર, કોહલી અને યશ

દયાલને રિટેન કર્યા હતા. ડુ પ્લેસિસે 3 વર્ષ સુધી RCBનું નેતૃત્વ કર્યું ડુ પ્લેસિસે 2022 થી 2024 સુધી ત્રણ વર્ષ સુધી ટીમનું નેતૃત્વ કર્યું. ફ્રેન્ચાઇઝીએ ઓક્શનમાં 40 વર્ષીય ડુ પ્લેસિસ માટે બોલી લગાવી ન હતી અને તેને દિલ્હી કેપિટલ્સે બેઝ પ્રાઈસ પર ખરીદ્યો હતો. કોહલી 9 વર્ષ સુધી RCBનો કેપ્ટન રહ્યો વિરાટ કોહલી 2013 થી 2021 સુધી RCB ના કેપ્ટન હતા. પછી 2021માં, તેણે કેપ્ટનશીપ છોડી દીધી. આ પછી, 2022માં, ફાફ ડુ પ્લેસિસે છેલ્લી ત્રણ સીઝન માટે ટીમનું નેતૃત્વ કર્યું. વિરાટની કેપ્ટનશીપ હેઠળ, RCB 2016માં

ફાઇનલમાં પહોંચ્યું હતું, જેમાં તેઓ સનરાઇઝર્સ હૈદરાબાદ સામે હારી ગયા હતા. કુલ મળીને, કોહલીએ 143 મેચમાં કેપ્ટનશીપ કરી, જેમાંથી 66 મેચમાં જીત અને 70 મેચમાં હારનો સામનો કરવો પડ્યો. છેલ્લી ત્રણ સીઝનમાં, ફાફ ડુ પ્લેસિસની કેપ્ટનશીપ હેઠળ, ટીમે 2022 અને 2024માં પ્લેઓફમાં સ્થાન મેળવ્યું હતું, જોકે તે 2023માં પ્લેઓફ ચૂકી ગઈ હતી. કોહલી 2008 થી RCB સાથે છે IPL 2008 પહેલા કોહલીને RCBએ અનકેપ્ડ ખેલાડી તરીકે કરારબદ્ધ કર્યો હતો. ત્યારથી તે સતત ટીમનો ભાગ રહ્યો છે. RCB એ 17 વર્ષમાં ક્યારેય કોહલીને રિલીઝ કર્યો નથી.

તેના નામે IPLમાં સૌથી વધુ રન પણ છે. RCB હજુ સુધી ટાઇટલ જીતી શક્યું નથી RCB એવી ટીમમાંની એક છે જેણે અત્યાર સુધી ક્યારેય IPLનો ખિતાબ જીત્યો નથી. આ ટીમ ત્રણ વખત ફાઈનલમાં પહોંચી છે અને છેલ્લે 2016માં ટાઇટલ મેચ રમી હતી. RCB છેલ્લા પાંચ સીઝનમાંથી ચાર વખત પ્લેઓફમાં પહોંચવામાં સફળ રહ્યું છે. ગયા સિઝનમાં ખરાબ શરૂઆત બાદ ટીમ પુનરાગમન કરવામાં સફળ રહી હતી. ટીમે તેની છેલ્લી છ લીગ સ્ટેજ મેચ જીતી હતી અને ટોપ-4માં પહોંચી હતી, પરંતુ એલિમિનેટરમાં તેમને હારનો સામનો કરવો પડ્યો હતો.