બોલિવૂડના કોરિડોરમાં એક નવી પ્રેમકથાએ પોતાનું સ્થાન બનાવ્યું છે. પ્રખ્યાત કપલ ​​આદર જૈન અને અલેખા અડવાણી હંમેશાં માટે એક થઈ ગયાં છે. તેમનાં લગ્ન વિશે ઘણા સમયથી ચર્ચા ચાલી રહી હતી. પ્રી-વેડિંગ ફંક્શનના ફોટા અને વીડિયો પણ ઇન્ટરનેટ પર વાઇરલ થયા હતા. હવે તેમનાં લગ્નની ઝલક સામે આવી છે. આદરે તેની પત્ની અલેખાને કિસ કરી લગ્ન પછી આદર જૈન અને તેની પત્ની અલેખા અડવાણીએ લગ્નસ્થળથી બહાર આવીને પાપારાઝી માટે પોઝ આપ્યો. આ દરમિયાન નવપરિણીત યુગલ એકબીજાના પ્રેમમાં સંપૂર્ણપણે ડૂબેલાં દેખાયાં. બંને એકબીજા પરથી નજર હટાવી શકતાં નહોતાં. પોઝ આપતી વખતે આદરે તેની દુલ્હન અલેખાના કપાળ પર ચુંબન

કર્યું, આથી ભીડ ખુશીથી ઝૂમી ઊઠી. બંનેના ચહેરા પરનું સ્મિત તેમના સાથે હોવાનો આનંદ વ્યક્ત કરી રહ્યું હતું. કપૂર પરિવારના મોટા ભાગના લોકો હાજર રહ્યા 21 ફેબ્રુઆરીના રોજ આદર જૈન અને અલેખા અડવાણીનાં લગ્ન ખૂબ જ ધામધૂમથી થયાં. આ લગ્નમાં કપૂર પરિવારના મોટા ભાગના લોકો હાજર રહ્યા હતા, પાર્ટી ખૂબ જ શણગારવામાં આવી હતી. આલિયા ભટ્ટ અને રણબીર કપૂરથી લઈને કરીના કપૂર-સૈફ અલી ખાન, નીતુ કપૂર, કરણ કપૂર, કુણાલ કપૂર, રિદ્ધિમા સાહની, રેખા, આકાશ અંબાણી, અનિલ અંબાણી, બોની કપૂર, નિખિલ નંદા અને અગસ્ત્ય નંદા, શાહરુખ ખાન અને ગૌરી, સુહાના, અનન્યા પાંડે સુધી, સેલિબ્રિટીઓએ આ સુંદર સાંજમાં ગ્લેમર

ઉમેર્યું. આ બધા વચ્ચે આલિયા ભટ્ટના લુકની સૌથી વધુ ચર્ચા થઈ રહી છે. આલિયાનો અંદાજ ચાહકોને પસંદ ન આવ્યો હકીકતમાં પરિવારના જ લગ્નમાં કરીના કપૂર અને નીતુ કપૂર સુંદર પોશાક પહેરેલાં દેખાતાં હતાં, જ્યારે આલિયા ખૂબ જ સરળ દેખાતી હતી. આ વખતે આલિયાનો અંદાજ તેના ચાહકોને પસંદ આવ્યો નહીં. લોકોએ તેને આ રીતે જોતાંની સાથે જ સોશિયલ મીડિયા પર કમેન્ટ કરવાનું શરૂ કરી દીધું. આલિયાના લુક પર યુઝર્સની કમેન્ટ એક યુઝરે લખ્યું છે - તેનો ચહેરો અને હેરસ્ટાઇલ બંને બરાબર દેખાતાં નથી. એકે કહ્યું- અહીંથી તે કેવી સારી લાગી રહી છે. બીજા એકે કહ્યું- તે તેની ભાભી કરીના સામે

કેટલી નીરસ લાગે છે. બીજા એક ચાહકે લખ્યું - આલિયા, તેં શું કર્યું, તે પહેલીવાર બિલકુલ સારી દેખાતી નથી, તેનો લુક છોકરા જેવો લાગે છે. કરીના કપૂરની ફેન્સે ખૂબ પ્રશંસા કરી લોકો કરીના કપૂરનાં વખાણ કરતા થાકતા નથી. ઘણા લોકોએ લખ્યું છે કે આ લગ્નમાં કરીના સૌથી સુંદર લાગી રહી હતી. હકીકતમાં ઘણા લોકોએ કરીનાના આ લુકને અત્યારસુધીનો તેનો શ્રેષ્ઠ લુક ગણાવ્યો છે. કરીનાનું સિંદૂર જોઈને લોકોએ કહ્યું હતું કે તે પોતે જ સ્ત્રીઓ માટે એક પ્રકારનો શણગાર છે. સૈફ સાથે કરીનાને જોઈને લોકોએ આ કપલની ખૂબ પ્રશંસા કરી છે. અલેખા-આદરનાં લગ્નનો લુક તેના લગ્નમાં દુલ્હન અલેખાએ સોનાના

બારીક ભરતકામવાળા પરંપરાગત લાલ લહેંગામાં બધાને મંત્રમુગ્ધ કરી દીધા. તેણે ભારે બ્રાઇડલ જ્વેલરી પહેરી હતી, જેમાં ગળાનો એક મોટો હાર, મેચિંગ ઇયરિંગ્સ અને લાલ બંગડીઓનો સમાવેશ થતો હતો. તેણે લાલ બુરખા અને ફૂલોથી શણગારેલા ક્લાસિક બ્રાઇડલ બન સાથે પોતાનો લુક પૂર્ણ કર્યો. આદરે તેની સફેદ શેરવાની મેચિંગ સાફો અને પન્નાના હારથી લુક પૂર્ણ કર્યો હતો. બંને પોતપોતાના લુકમાં ખૂબ જ સારા લાગી રહ્યાં હતાં. આદર અને અલેખાનાં લગ્ન ખ્રિસ્તી વિધિથી થયા હતા તારા સૂતારિયા સાથે બ્રેકઅપ થયા પછીથી જ આદર જૈનનું નામ અલેખા સાથે જોડાઈ રહ્યું હતું. બંને જૂના મિત્રો છે. ગયા વર્ષે સપ્ટેમ્બરમાં આદરે અલેખાને પ્રપોઝ કર્યું

હતું અને તેમની તસવીરો ઇન્ટરનેટ પર વાઇરલ થઈ હતી. મુંબઈમાં ભવ્ય લગ્ન પહેલાં આદર અને અલેખાએ આ વર્ષે જાન્યુઆરીમાં ગોવામાં ખ્રિસ્તી વિધિથી લગ્ન કર્યાં હતાં. રાજ કપૂરનો દૌહિત્ર છે આદર જૈન આદર રીમા જૈન અને મનોજ જૈનનો પુત્ર છે. રીમા જૈન સ્વર્ગસ્થ રાજ કપૂરની પુત્રી છે. કપૂર પરિવાર સાથે સંબંધ હોવાના કારણે તેનો હંમેશાં ફિલ્મો તરફ ઝુકાવ રહ્યો છે અને તેણે કારકિર્દીના વિકલ્પ તરીકે અભિનય પસંદ કર્યો. આદરે 2017 માં કૈદી બેન્ડ સાથે બોલિવૂડમાં ડેબ્યૂ કર્યું. આ પછી તે 'મોગલ' અને 'હેલો ચાર્લી' ફિલ્મોમાં દેખાયો. જોકે આદરની ત્રણેય ફિલ્મો બોક્સ ઓફિસ પર કંઈ ખાસ કરી શકી નથી.