નીતા અંબાણીની કાંચીપુરમ સિલ્ક સાડી: ડોનાલ્ડ ટ્રમ્પના શપથ ગ્રહણ સમારોહ પહેલા વોશિંગ્ટન ડી.સી.માં એક ખાસ પ્રાયવેટ ડિનર પાર્ટીનું આયોજન કરવામાં આવ્યું હતું, જેમાં વિશ્વભરના નેતાઓ ઉપસ્થિત હતા. આ પ્રસંગે મુકેશ અંબાણી અને નીતા અંબાણી પણ હાજર હતા. નીતા અંબાણી, જેઓ હંમેશા પોતાની પરંપરાગત સ્ટાઈલથી લોકોનું દિલ જીતી લે છે, એ બ્લેક કલરની સિલ્ક સાડી અને સુંદર જ્વેલરીમાં જોવા મળી. આ સાડી અને તેનો લૂક હાલમાં સોશિયલ મીડિયા પર ચર્ચાનું કેન્દ્ર બની છે. કાંચીપુરમ સાડીમાં આધ્યાત્મિક અને ઐતિહાસિક પ્રતીકો: આ ડિનર પાર્ટી માટે, નીતા અંબાણીએ સ્વદેશી બ્રાન્ડની કાંચીપુરમ સિલ્ક સાડી પહેરી, જેમાં ગોલ્ડન-સિલ્વર

વર્ટિકલ લાઈન્સ અને પિંક બોર્ડર હતી. આ સાડીમાં કાંચીપુરમના ભવ્ય મંદિરોના પ્રેરણાથી 100થી વધુ આધ્યાત્મિક અને ઐતિહાસિક પ્રતીકો ભવ્ય રીતે વણાયેલા હતા. આ ડિઝાઇન માટે ખૂબ જ ઊંડા સંશોધન કરવામાં આવ્યા હતા. આ સાડી સાથે, નીતા અંબાણીએ બ્લેક કલરની ફુલ-સ્લીવઝ વેલ્વેટ બ્લાઉઝ પહેરી હતી, જે લુકને વધુ લોકપ્રિય બનાવતો હતો. દક્ષિણ ભારતીય પરંપરાગત ઘરેણાં: આ વિશિષ્ટ લૂક સાથે, નીતા અંબાણીએ 18મી સદીના પરંપરાગત ભારતીય ઘરેણાં પણ પહેર્યા હતા. ખાસ કરીને, તેમણે 200 વર્ષ જૂનું પોપટના આકારનું પેન્ડન્ટ પહેર્યું હતું, જે લાલ-લીલા રંગના મણકા સાથે કુંદન ટેકનિકથી બનાવાયું હતું. આ પેન્ડન્ટમાં નીલમણિ, માણેક

અને હીરા-મોતી સોનામાં જડેલાં હતાં. આ અનોખા સંયોજન દ્વારા, નીતા અંબાણીએ ભારતની ભવ્ય પરંપરાને વૈશ્વિક મંચ પર પ્રસારિત કર્યું. ટાઇમલેસ સોફિસ્ટિકેશન: નેકલેસ સાથે મળતા બુટ્ટી અને વીંટી પણ તેને પરફેક્ટ લૂક આપી રહ્યા હતા. નીતા અંબાણીએ મિનિમલ મેકઅપ સાથે લૂક પૂર્ણ કર્યો, જેમાં વિંગડ આઇલાઇનર, બ્લશ, આઇશેડો અને ન્યુડ લિપ શેડનો ઉપયોગ કરવામાં આવ્યો હતો. વાળને આકર્ષક બન હેરસ્ટાઇલમાં સેટ કરવામાં આવ્યા હતા. મુકેશ અંબાણીનો શાનદાર લૂક: મુકેશ અંબાણીએ પણ આ પ્રસંગે બ્લેક બ્લેઝર, મેચિંગ ટ્રાઉઝર, સફેદ શર્ટ અને ડાર્ક કલરની ટાઈ પહેરી હતી, જેનો લૂક નીતા અંબાણી સાથે ખૂબ જ અદ્વિતીણ લાગતો હતો.