શ્રી માધવ ગૌશાળા દ્વારા રામનવમી નિમિત્તે ઉધના વિસ્તારમાં ભવ્ય શોભાયાત્રાનું આયોજન કરવામાં આવ્યું. સાંસ્કૃતિક રક્ષા સમિતિ સંચાલિત આ કાર્યક્રમમાં 5000થી વધુ ભક્તોએ ભાગ લીધો. શોભાયાત્રામાં અનેક આકર્ષક ઝાંખીઓનું પ્રદર્શન કરવામાં આવ્યું. આ ઝાંખીઓમાં

અઘોરી બાબા, બાહુબલી હનુમાનજી અને શંકરજીની મૂર્તિઓ મુખ્ય આકર્ષણનું કેન્દ્ર બની. ઐતિહાસિક મહાપુરુષોની ઝાંખીઓમાં મહારાણા પ્રતાપ, છત્રપતિ શિવાજી મહારાજ અને રાણી લક્ષ્મીબાઈનો સમાવેશ થયો. અયોધ્યા રામ મંદિરમાં બિરાજમાન રામલલ્લાની ઝાંખી પણ વિશેષ આકર્ષણનું

કેન્દ્ર રહી. કાર્યક્રમમાં લેઝિમ નૃત્યની રજૂઆત થઈ. રાજકીય અને સામાજિક આગેવાનોએ પણ શોભાયાત્રામાં હાજરી આપી. સંસ્થાના અધ્યક્ષ આશિષ સુર્યવંશીના જણાવ્યા અનુસાર, ઉધના વિસ્તાર રામનામથી ગુંજી ઉઠ્યો. સાંસ્કૃતિક કૃતિઓના કારણે સમગ્ર વિસ્તારમાં ભક્તિમય વાતાવરણ સર્જાયું.