પહેલગામ હુમલાના જવાબમાં ભારતના સંભવિત હુમલાને ધ્યાનમાં રાખીને, પાકિસ્તાને આતંકવાદીઓને LoC નજીકથી પાછા હટવાનો આદેશ આપ્યો છે. આ વિસ્તારોને જૈશ-એ-મોહમ્મદ અને લશ્કર-એ-તૈયબાના આતંકવાદીઓ માટે કાશ્મીરમાં ઘૂસણખોરી કરવા માટે લોન્ચિંગ પેડ માનવામાં આવે છે. પાકિસ્તાની સેનાને ડર છે કે ભારત આ ઠેકાણાઓને નિશાન બનાવી શકે છે. અત્યાર સુધી કેટલા આતંકવાદીઓને હટાવવામાં આવ્યા છે તેની ચોક્કસ સંખ્યા જાહેર કરવામાં આવી નથી. પરંતુ અહેવાલો અનુસાર, આ સંખ્યા 30-50ની વચ્ચે હોઈ શકે છે. પાકિસ્તાની સેનાએ આ આતંકવાદીઓને તેના બંકરો અને સુરક્ષિત ઠેકાણાઓમાં ખસેડી દીધા છે.

સૂત્રોના જણાવ્યા અનુસાર, આ લોન્ચિંગ પેડ્સ દૂધનિયાલ, અથમુકામ, લીપા, ફોરવર્ડ કહુતા અને કોટલી જેવા એલઓસી નજીકના વિસ્તારો છે. અહીં, પહેલગામ આતંકવાદી હુમલા પછી જમ્મુ અને કાશ્મીર સરકારે તમામ ટ્રેકિંગ પ્રવૃત્તિઓ પર પ્રતિબંધ મૂક્યો છે. સુરક્ષા એજન્સીઓને ડર છે કે દક્ષિણ અને ઉત્તર કાશ્મીરમાં ઘણા ટ્રેકિંગ રૂટ પર આતંકવાદીઓની હિલચાલ છે. તુર્કીથી 7 લશ્કરી વિમાનો પાકિસ્તાન પહોંચ્યા યુદ્ધના ભય વચ્ચે, તુર્કીના સાત C-130 હર્ક્યુલસ લશ્કરી વિમાન 27 એપ્રિલની રાત્રે કરાચી અને ઇસ્લામાબાદ પહોંચ્યા. તેમાંથી 6 ઇસ્લામાબાદમાં અને એક કરાચીમાં પાકિસ્તાન એરફોર્સ

બેઝ ફૈઝલ પર ઉતર્યું. તેઓ યુદ્ધ સામગ્રી લઈને આવ્યા છે. પાકિસ્તાની સેનાના ઘણા ટેન્ક (જેમ કે અલ-ખાલિદ) અને ફાઇટર જેટ (જેમ કે JF-17) જૂના છે અને તેમની ક્ષમતાઓ મર્યાદિત છે. આવી સ્થિતિમાં, પાકિસ્તાન યુદ્ધ સામગ્રી એકઠી કરવામાં વ્યસ્ત છે. ભારતે 5 દિવસમાં બે વાર મિસાઇલ પરીક્ષણ કર્યું 27 એપ્રિલ: અરબી સમુદ્રમાં યુદ્ધ જહાજોમાંથી મિસાઇલ પરીક્ષણ ભારતીય નૌકાદળે અરબી સમુદ્રમાં તેના યુદ્ધ જહાજોમાંથી અનેક મિસાઇલોનું પરીક્ષણ કર્યું. આ પરીક્ષણ સંપૂર્ણપણે સફળ રહ્યું. નૌકાદળે કહ્યું કે તે દિવસ-રાત દેશની રક્ષા કરવા માટે તૈયાર

છે. સમુદ્રમાં જ્યાં પણ કોઈ ખતરો હોય, આપણે તેનો સરળતાથી સામનો કરી શકીએ છીએ. 24 એપ્રિલ: INS સુરતથી મિસાઇલ પરીક્ષણ નૌકાદળે INS સુરતથી મિસાઈલનું પરીક્ષણ કર્યું. નૌકાદળે સમુદ્રમાં તરતા એક નાના લક્ષ્યને નષ્ટ કરી દીધું. INS સુરત ગુજરાતના સુરતમાં દમણ સી ફેસ પર તહેનાત છે. આ યુદ્ધ જહાજ 164 મીટર લાંબુ અને 7,400 ટન વજન ધરાવે છે. તેની મહત્તમ ગતિ 30 નોટ્સ (લગભગ 56 કિમી/કલાક) છે. તે અત્યાધુનિક શસ્ત્રો- બ્રહ્મોસ અને બરાક-8 મિસાઇલો અને AI આધારિત સેન્સર સિસ્ટમ્સથી સજ્જ છે.

સરકારે 16 પાકિસ્તાની યુટ્યુબ ચેનલો પર પ્રતિબંધ મૂક્યો 28 એપ્રિલના રોજ, ભારતે પહેલગામ હુમલાના રિપોર્ટિંગને લઈને ઘણી પાકિસ્તાની યુટ્યુબ ચેનલો પર પ્રતિબંધ મૂક્યો હતો. આમાં ક્રિકેટર શોએબ અખ્તર, ડોન ન્યૂઝ, સમા ટીવી અને જીઓ ન્યૂઝનો સમાવેશ થાય છે. સરકારનું કહેવું છે કે આ ચેનલો ભારત અને સુરક્ષા એજન્સીઓ વિરુદ્ધ ખોટા અને ભ્રામક સમાચાર ચલાવી રહી છે. ગૃહ મંત્રાલયની ભલામણ પર, ભારત સરકારે 16 પાકિસ્તાની યુટ્યુબ ચેનલો પર પ્રતિબંધ મૂક્યો છે. સરકારી સૂત્રોના જણાવ્યા અનુસાર, આ ચેનલો પર ભારત, ભારતીય સેના અને

સુરક્ષા એજન્સીઓ વિરુદ્ધ ભડકાઉ, સાંપ્રદાયિક અને ભ્રામક સમાચાર ફેલાવવાનો આરોપ છે. પહેલગામ હુમલામાં 26 પ્રવાસીઓના મોત 22 એપ્રિલના રોજ, પહેલગામ નજીક બૈસરન ખીણમાં આતંકવાદીઓએ 26 પ્રવાસીઓની હત્યા કરી હતી. તેમાં એક નેપાળી નાગરિક પણ હતો. 10થી વધુ લોકો ઘાયલ થયા હતા. આ હુમલો એવા સમયે થયો જ્યારે બૈસરન ખીણમાં મોટી સંખ્યામાં પ્રવાસીઓ હાજર હતા. મૃતકોમાં યુપી, ગુજરાત, મધ્યપ્રદેશ, મહારાષ્ટ્ર, કર્ણાટક, તમિલનાડુ અને ઓડિશાના પ્રવાસીઓનો સમાવેશ થાય છે. નેપાળ અને યુએઈના એક-એક પ્રવાસી અને બે સ્થાનિક લોકો પણ માર્યા ગયા. Topics: