પાકિસ્તાન સુપર લીગ (PSL) 17 મેથી ફરી શરૂ થશે. ભારત અને પાકિસ્તાન વચ્ચે યુદ્ધવિરામ બાદ પાકિસ્તાન ક્રિકેટ બોર્ડ (PCB) એ આ જાહેરાત કરી. PCBના ચેરમેન મોહસીન નકવીએ એક પાકિસ્તાની ન્યૂઝ ચેનલને પુષ્ટિ આપી હતી કે ટુર્નામેન્ટની બાકીની મેચ 17 મેથી શરૂ થશે, જ્યારે ફાઇનલ 25 મેના રોજ યોજાશે. નકવીએ કહ્યું કે લીગ

બરાબર ત્યાંથી શરૂ થશે જ્યાંથી તેને છોડી દેવામાં આવી હતી. 8 મે ના રોજ સસ્પેન્ડ કરવામાં આવ્યું હતું ભારત અને પાકિસ્તાન વચ્ચે વધતા તણાવને કારણે, PCB એ 8 મેના રોજ PSL મુલતવી રાખ્યું. 7 મેના રોજ રાવલપિંડી સ્ટેડિયમ પર થયેલા ડ્રોન હુમલા બાદ, એવા અહેવાલ આવ્યા હતા કે PCBએ બાકીની મેચ UAEમાં

યોજવાની વાત કરી છે. પરંતુ UAE ક્રિકેટ બોર્ડે ના પાડી દીધી. ફક્ત 8 મેચ બાકી છે પીએસએલ બંધ થયું ત્યાં સુધીમાં 27 મેચ પૂર્ણ થઈ ગઈ હતી. હવે ટુર્નામેન્ટમાં ફક્ત 8 મેચ બાકી છે. PSL પોઈન્ટ ટેબલમાં ક્વેટા ગ્લેડિયેટર્સ ટોચ પર PSL પોઈન્ટ ટેબલમાં ક્વેટા ગ્લેડીયેટર્સ ટોચ પર છે. ગ્લેડિયેટર્સે 9 માંથી 6 મેચ

જીતી છે, 2 હાર્યા છે અને એક ડ્રો રહી છે. ક્વેટા ગ્લેડીયેટર્સ પ્લેઑફ માટે ક્વોલિફાય થઈ ગયું છે. કરાચી કિંગ્સ 8 માંથી 5 મેચ જીતીને 10 પોઈન્ટ સાથે પોઈન્ટ ટેબલ પર બીજા ક્રમે છે. ઇસ્લામાબાદ યુનાઇટેડ 10 પોઈન્ટ સાથે ત્રીજા સ્થાને છે, જેણે તેમની પ્રથમ 5 મેચ જીત્યા બાદ સતત 4

હારનો સામનો કરવો પડ્યો છે. લાહોર કલંદર્સ નવ પોઈન્ટ સાથે ચોથા સ્થાને છે, જ્યારે પેશાવર ઝાલ્મી 9 મેચમાંથી 4 જીત સાથે આઠ પોઈન્ટ સાથે પાંચમા સ્થાને છે. મુલતાન સુલ્તાન તેમની નવ મેચમાંથી માત્ર એક જીત્યા બાદ PSL 10 પ્લેઓફ રેસમાંથી બહાર થઈ ગઈ છે. આ રમતગમતના સમાચાર પણ વાંચો... IPL 2025નું નવું શેડ્યૂલ

જાહેર: RCB-KKR મેચથી થશે શરૂઆત, 17 મે થી 3 જૂન સુધી કુલ 17 મેચ રમાશે 17 મેથી ફરી IPL શરૂ થશે. લીગ સ્ટેજની બાકીની 13 મેચ 6 સ્થળોએ રમાશે. પ્લેઑફ સ્ટેજ 29 મેથી રમાશે, અને ફાઈનલ 3 જૂને રમાશે. BCCIએ તેના સોશિયલ મીડિયા હેન્ડલ પર આ માહિતી આપી. સંપૂર્ણ સમાચાર વાંચો...