રશિયાના રાષ્ટ્રપતિ વ્લાદિમીર પુતિને સોમવારે પીએમ મોદીને ફોન કર્યો અને પહેલગામ આતંકવાદી હુમલામાં માર્યા ગયેલા 26 લોકો પ્રત્યે સંવેદના વ્યક્ત કરી હતી. આ સાથે, તેમણે આતંકવાદ સામેની લડાઈમાં ભારતને સંપૂર્ણ સમર્થન આપવાની વાત કરી હતી. વિદેશ મંત્રાલયના પ્રવક્તા રણધીર જયસ્વાલે એક્સપોસ્ટને જણાવ્યું હતું કે વાતચીત દરમિયાન, રશિયન રાષ્ટ્રપતિએ ભાર મૂક્યો હતો કે હુમલામાં સામેલ અને તેમને સાથ આપનારા લોકોને ન્યાયના કઠેડામાં લાવવા

જોઈએ. રણધીર જયસ્વાલે X પોસ્ટમાં લખ્યું- રાષ્ટ્રપતિ પુતિને વડાપ્રધાન મોદીને ફોન કર્યો અને ભારતના પહેલગામમાં થયેલા આતંકવાદી હુમલાની કડક નિંદા કરી. તેમણે નિર્દોષ લોકોના મોત પર ભારે સંવેદના વ્યક્ત કરી અને આતંકવાદ સામેની લડાઈમાં ભારતને સંપૂર્ણ સમર્થન આપવાની વાત કરી. તેમણે ભારપૂર્વક જણાવ્યું હતું કે આ હુમલાના દોષિતો અને તેમના સમર્થકોને ન્યાયના કઠેડામાં લાવવા જોઈએ. યુક્રેન યુદ્ધ પછી પુતિન પહેલી વાર ભારતની

મુલાકાતે આવશે રાષ્ટ્રપતિ પુતિન આ વર્ષે ભારતની મુલાકાત લેશે. તેમની મુલાકાત માટે તૈયારીઓ ચાલી રહી છે. જોકે, તેમની મુલાકાત કયા મહિને કે તારીખે થશે તે અંગે હજુ સુધી માહિતી જાહેર કરવામાં આવી નથી. 2022માં યુક્રેન યુદ્ધ શરૂ થયા પછી પુતિન આ પહેલી ભારતની મુલાકાતે આવશે. આ પહેલા પુતિન 2021માં માત્ર 4 કલાક માટે ભારત આવ્યા હતા. આ દરમિયાન, ભારત અને રશિયા વચ્ચે

28 કરારો પર હસ્તાક્ષર થયા. તેમાં લશ્કરી અને ટેકનોલોજી કરારો હતા. બંને દેશોએ 2025 સુધીમાં 30 અબજ ડોલર (2 લાખ 53 હજાર કરોડ રૂપિયા)ના વાર્ષિક વેપારનું લક્ષ્ય રાખ્યું હતું. હુમલાના દિવસે પણ ભારતનું સમર્થન કર્યુ હતું 22 એપ્રિલ, પહેલગામ હુમલાના દિવસે પણ રશિયાએ ભારતને પોતાનો ટેકો વ્યક્ત કર્યો હતો. ત્યારે રાષ્ટ્રપતિ પુતિને કહ્યું હતું કે પહેલગામ હુમલાના ગુનેગારોને કડક સજા મળશે. અમે

ભારત સાથે છીએ. શોકગ્રસ્ત પરિવારો સાથે અમારી સંવેદના છે. અમે બધા ઘાયલોના ઝડપી સ્વસ્થ થવા માટે પ્રાર્થના કરીએ છીએ. ભારત અને પાકિસ્તાન વચ્ચે સતત તણાવ વધી રહ્યો છે પહેલગામ હુમલા બાદ ભારત અને પાકિસ્તાન વચ્ચે તણાવ સતત વધી રહ્યો છે. જમ્મુ અને કાશ્મીર વહીવટીતંત્રે ચિનાબ નદી પરના બગલીહાર અને સલાલ ડેમના દરવાજા બંધ કરી દીધા છે. આમાંથી પાણી પાકિસ્તાન જતું હતું. પહેલગામ હુમલા

બાદ ભારતે સિંધુ જળ સંધિ રદ કરી દીધી છે, જેનાથી પાકિસ્તાન સરકાર નારાજ છે. બીજી તરફ, વાયુસેનાના વડાએ વડાપ્રધાન મોદીને યુદ્ધની તૈયારીઓ વિશે માહિતી આપી. મીડિયા રિપોર્ટ્સ અનુસાર, રવિવારે યોજાયેલી બેઠકમાં એર ચીફ માર્શલ એપી સિંહે પીએમને જણાવ્યું હતું કે વાયુસેના દરેક પરિસ્થિતિનો સામનો કરવા માટે તૈયાર છે. પશ્ચિમી સરહદ પર ડિફેન્સ નેટવર્ક સંપૂર્ણપણે એક્ટિવ છે અને રાફેલ પણ તૈયાર છે. Topics: