રાજકોટ NIFD (નેશનલ ઈન્સ્ટિટ્યૂટ ઓફ ફેશન ડિઝાઈન) ઇન્સ્ટિટ્યૂટ છેલ્લાં 20 વર્ષથી કાર્યરત છે. દર વર્ષની જેમ આ વર્ષે પણ NIFDના ફેશન ડિઝાઈનના સમગ્ર સૌરાષ્ટ્ર-કચ્છના 40થી વધુ વિદ્યાર્થીઓ દ્વારા ડિઝાઈન અને તૈયાર કરાયેલાં આઉટફિટનો ફેશન શો રાજકોટ ખાતે યોજાયો હતો. જેમાં વિદ્યાર્થીઓ દ્વારા ડિઝાઈન કરાયેલા અકલ્પનીય પોશાકો મુંબઇની ફેશન મોડલ્સ દ્વારા રેમ્પ પર પ્રદર્શિત કરવામાં આવ્યા હતા અને તેમની પ્રશંસા કરવામાં

આવી હતી. ઉલ્લેખનીય છે કે, ફેશન શોમાં મોડલની સાથે 45થી વધુ બાળકોએ ભાગ લીધો હતો. જેમાં ફ્યુચરિસ્ટિક થીમ પર લાઇટવાળાં ગારમેન્ટ્સ તથા કચ્છના NGO સાથે મળી વેસ્ટ ફેબ્રિકનો ઉપયોગ કરી બેસ્ટ ડિઝાઇન સાથે આઉટફિટ રજૂ થયાં હતાં. સ્વિમિંગ પૂલ પર રેમ્પ બનાવી ફેશન શો યોજાયો NIFD રાજકોટના સેન્ટર ડિરેક્ટર નૌશિકભાઈ પટેલે જણાવ્યું હતું કે, વિશ્વભરના ફેશન જગતમાં દર વર્ષે નવા ફેશન

ડિઝાઈનર્સની માગ ઊભી થાય છે. આ વર્ષે સૌરાષ્ટ્રમાં સૌપ્રથમ વખત સ્વિમિંગ પૂલ પર રેમ્પ બનાવી ફેશન શો યોજાયો હતો. જેમાં NIFDના 40થી વધુ વિદ્યાર્થીઓએ તૈયાર કરેલી વિવિધ થીમ પર આધારિત ગારમેન્ટ્સને મુંબઈથી ખાસ આવેલ ફેશન જગતની મોડલ્સે અને બાળકોએ રજૂ કરી લોકોને મંત્રમુગ્ધ કરી દીધા હતા. વિદ્યાર્થીઓએ 6 મહિનાની મહેનતથી ગારમેન્ટ્સ જાતે બનાવ્યા આ ફેશન શોમાં વિવિધ થીમ પર વિદ્યાર્થીઓએ છેલ્લા 6

મહિનાની મહેનતથી ગારમેન્ટ્સ જાતે બનાવ્યા હતા. જેમાં સૌ પ્રથમ વખત કપડામાં લાઈટ થાય અને સાથે ફરે તેવી મોટર અને એલઇડી લાઈટ, રોપ લાઈટનો ઉપયોગ કરી અલગ આઉટફિટ તૈયાર કરાયું હતું. અન્ય એક ડિઝાઈનર થીમ એવી પણ હતી કે, જેમાં પહેરવાનાં વસ્ત્રોની લંબાઈ વધારી કે ઘટાડી શકાય તેમજ તેમાંથી પાર્ટ્સ પણ છૂટા પાડી શકાય. આ થીમને કસ્ટમાઈઝેશન નામ અપાયું હતું. ભારતીય

મસાલાઓમાંથી પ્રેરણા લઈ ડિઝાઇનર સાડીઓ ક્રિએટ કરાઈ એ જ રીતે સૌ પ્રથમ વખત કચ્છના ખમીર નામના એનજીઓ સાથે મળી વેસ્ટ કાપડ અને સીવવાના દોરાનો ઉપયોગ કરી રિસાઈકલ કરી ગાર્મેન્ટ્સ તૈયાર કરાયાં હતાં જે લોકોને ખૂબ પસંદ પડયા હતા. ક્ષિતિજ જેમાં રાજસ્થાનના કોટાના વખણાતા કોટા દોરિયા અને શેતરંજી સાથે એક આઉટફિટ તૈયાર કરાયું હતું. જ્યારે પદેસી ડસ્ટથ થીમમાં લીનન અને કાળા કોટન ફેબ્રિકનો

ઉપયોગ કરી ભારતીય મસાલાઓમાંથી થીમની પ્રેરણા લઈ ડિઝાઇનર સાડીઓ ક્રિએટ કરાઈ હતી. અલગ અલગ થીમ પર ફેશન શો રજૂ કરાયો આ ઉપરાંત ડાન્સ ઓફ અર્થ, થર્મલ વ્યૂ, બોલ્ડ મૂવ્સ, હેઝ એન્ડ યુઝ, વાઇલ્ડ રિફ્લેક્શન, પલ્સ ઓફ પાવર, પોઈન્ટ ઓફ વ્યૂ થીમ જ્યારે બાળકોમાં જાપાનીઝ કલ્ચર પરથી ક્વાઈ થીમ, ટાઈ એન્ડ ડાઈ સહિત વિવિધ પ્રકારની થીમ પર ફેશન શો રજૂ કરાયો હતો.