રવીન્દ્ર જાડેજા ICC ઓલ-રાઉન્ડર ટેસ્ટ રેન્કિંગમાં સૌથી લાંબા સમય સુધી નંબર 1 પર રહેનાર ખેલાડી બની ગયો છે. તે 1151 દિવસ અને 38 મહિનાથી ટેસ્ટ ક્રિકેટમાં ઓલરાઉન્ડરના રેન્કિંગમાં ટોચનું સ્થાન ધરાવે છે. ગયા વર્ષે જાડેજાએ શાનદાર સિઝન રમી હતી, તેણે 29.27 ની સરેરાશથી 527 રન બનાવ્યા હતા. તેણે 24.29 ની સરેરાશથી 48 વિકેટ પણ લીધી. જાડેજાએ જેક્સ કાલિસ, કપિલ દેવ, ઇમરાન ખાન જેવા ખેલાડીઓને પાછળ છોડી

દીધા. તે 9 માર્ચ 2022ના રોજ રેન્કિંગમાં ટોચ પર હતો. જાડેજાએ વેસ્ટ ઈન્ડિઝના જેસન હોલ્ડરને પાછળ છોડી દીધો. 400 રેટિંગ સાથે નંબર-1 ઓલરાઉન્ડર બુધવારે જાહેર થયેલા ટેસ્ટ ઓલરાઉન્ડર રેન્કિંગમાં, જાડેજા 400 રેટિંગ પોઈન્ટ સાથે નંબર-1 પર છે. તેના પછી બાંગ્લાદેશના મેહદી હસન મિરાઝ (327 પોઈન્ટ) અને માર્કો યાન્સેન (294 પોઈન્ટ)નો ક્રમ આવે છે. ઓસ્ટ્રેલિયાના પેટ કમિન્સ અને બાંગ્લાદેશના શાકિબ અલ હસનનો ટોચના 5 ખેલાડીઓની યાદીમાં સમાવેશ થાય છે.

રસપ્રદ વાત એ છે કે, જાડેજા ટૉપ-10માં એકમાત્ર ભારતીય ઓલરાઉન્ડર છે. માર્ચ 2022 પછી જાડેજાનું પ્રદર્શન જાડેજા માર્ચ 2022 માં નંબર-1 રેન્કિંગ પર પહોંચ્યો હતો. ત્યારથી, જાડેજાએ 23 ટેસ્ટ મેચમાં 1175 રન બનાવ્યા છે. આમાં તેની સરેરાશ 36.71 હતી. જેમાં 3 સદી અને 5 અડધી સદીનો સમાવેશ થાય છે. બોલિંગમાં, તેણે સ્પિન બોલિંગમાં 22.34 ની સરેરાશથી 91 વિકેટ લીધી, જેમાં 6 5-વિકેટ અને 2 10-વિકેટનો સમાવેશ થાય છે.