ભારતના ભૂતપૂર્વ ઓલરાઉન્ડર રવિચંદ્રન અશ્વિનને તમિલનાડુ પ્રીમિયર લીગ (TNPL) મેચ દરમિયાન આચારસંહિતાનું ઉલ્લંઘન કરવા બદલ દંડ ફટકારવામાં આવ્યો છે. અશ્વિનને અમ્પાયરોના નિર્ણયો પર અસંમતિ દર્શાવવા અને સાધનોનો દુરુપયોગ કરવા બદલ દોષી ઠેરવવામાં આવ્યો હતો. IPL 2025ના અંત પછી, અશ્વિન હવે TNPL 2025માં ડિંડીગુલ ડ્રેગનનું નેતૃત્વ કરી રહ્યો છે. સોમવારે તિરુપુર તમિઝાન્સ સામે રમાયેલી મેચ દરમિયાન, તેનો મહિલા અમ્પાયર સાથે ઝઘડો થયો. આ પછી, તેને મેચ ફીના 30% દંડ ફટકારવામાં આવ્યો છે. અમ્પાયરોના નિર્ણય સાથે અસંમતિ દર્શાવવા બદલ 10 ટકા અને સાધનોના દુરુપયોગ માટે 20 ટકા

દંડ ફટકારવામાં આવ્યો છે. અમ્પાયર સાથે દલીલ કરી પાંચમા ઓવરના છેલ્લા બોલ પર તિરુપુર તમિઝાન્સના આર સાઈ કિશોરે અશ્વિનને LBW આઉટ કર્યો હતો. આ પછી તેનો અમ્પાયર કૃતિકા સાથે ઝઘડો થયો. સાઈ કિશોરે પેડ પર બોલ ફેંક્યો, તેણે શોટ રમવાનો પ્રયાસ કર્યો, જે ચૂકી ગયો. એવું લાગતું હતું કે બોલ લેગ સ્ટમ્પની બહાર જઈ રહ્યો હતો, પરંતુ અમ્પાયરે આંગળી ઉંચી કરી, જેના કારણે અશ્વિન ખૂબ ગુસ્સે દેખાઈ રહ્યો હતો. અશ્વિન રિવ્યૂ લઈ શક્યો નહીં કારણ કે દિદિગુલે પહેલાથી જ તેના રિવ્યૂનો ઉપયોગ કરી લીધો હતો. આ

પછી અશ્વિન અમ્પાયર પાસે ગયો અને થોડા શબ્દો કહ્યા. તે અમ્પાયરો પાસેથી સ્પષ્ટતા માંગતો રહ્યો, પરંતુ અમ્પાયરે કંઈ કહ્યું નહીં. ગ્લોવ્ઝ પણ હવામાં ફેંક્યા આ પછી અશ્વિન ગુસ્સામાં મેદાન છોડીને ચાલ્યો ગયો. પેવેલિયન પરત ફરતી વખતે, તેણે પોતાના બેટથી પેડ પર માર્યું અને ડગઆઉટથી થોડે દૂર હવામાં પોતાના ગ્લોવ્સ ફેંકી દીધા. એટલું જ નહીં, અશ્વિન ડગઆઉટમાંથી અમ્પાયરો પર બૂમો પાડતો રહ્યો. તિરુપુર તમિઝાન્સ જીત્યું મેચમાં ડિંડીગુલ 16.2 ઓવરમાં 93 રનમાં ઓલઆઉટ થઈ ગયું હતું. 94 રનનો ટાર્ગેટ તિરુપુર તમિઝાન્સે 11.5 ઓવરમાં 1 વિકેટ ગુમાવીને ચેઝ કરી લીધો હતો.