અજય દેવગન અને રિતેશ દેશમુખ સ્ટારર ફિલ્મ 'રેડ-2' આજે સિનેમાઘરોમાં રિલીઝ થઈ ગઈ છે. ડિરેક્ટર રાજકુમાર ગુપ્તાની આ ફિલ્મ 2018માં રિલીઝ થયેલી 'રેડ'ની સિક્વલ છે. અજય દેવગન અને રિતેશ દેશમુખ ઉપરાંત, આ ફિલ્મમાં અમિત સિયાલ, વાણી કપૂર, યશપાલ શર્મા અને સુપ્રિયા પાઠક મુખ્ય ભૂમિકામાં છે. ફિલ્મની લંબાઈ 2 કલાક અને 19 મિનિટ છે. ન્યુ ગુજરાતે આ ફિલ્મને 5 માંથી 3.5 સ્ટાર રેટિંગ આપ્યા છે. ફિલ્મની સ્ટોરી શું છે? 'રેડ-2' ફરી એકવાર પ્રામાણિક

IRS અધિકારી અમય પટનાયક (અજય દેવગન)ની સ્ટોરી લાવે છે. આ વખતે તેની 75મી બદલી ભોજ શહેરમાં થાય છે - આ વિસ્તાર કેન્દ્રીય મંત્રી અને જન નેતા દાદા મનોહર ભાઈ (રિતેશ દેશમુખ)નું પ્રભુત્વ ધરાવે છે. જનતા તેમને ભગવાનની જેમ પૂજે છે. જ્યારે અમય તેના અધિકારીઓ સાથે દાદાભાઈના ઠેકાણાઓ પર દરોડા પાડે છે, ત્યારે શરૂઆતમાં તેમને કંઈ મળતું નથી. અહીંથી બુદ્ધિનો ખેલ શરૂ થાય છે, જ્યાં કાયદો અને સત્તા સામસામે હોય છે.

સ્ટોરીમાં રોમાંચ, તણાવ અને એક ઉદ્દેશ્ય છે. સ્ક્રીનપ્લે ખૂબ જ કડક છે અને કેટલીક ક્ષણો ખરેખર તમને હચમચાવી દે તેવી છે. જોકે, કેટલાક સીન વધુ પડતા ખેચ્યાં હોય તેવું લાગી રહ્યું છે અને ક્લાઇમેક્સ પહેલેથી જ અનુમાનિત લાગે છે. એક્ટિંગમાં કોનો જાદુ ચાલ્યો? અજય દેવગન ફરી એકવાર અમય પટનાયકની ભૂમિકા ભજવે છે - ગંભીર, દૃઢનિશ્ચયી અને અસરકારક. પરંતુ ખરું આશ્ચર્ય રિતેશ દેશમુખનું છે, જેમણે નકારાત્મક ભૂમિકામાં પોતાની એક નવી છબી બનાવી છે.

તેમની શાંત પણ પ્રભાવશાળી શૈલી સ્ટોરીમાં વજન ઉમેરે છે. અમિત સિયાલ શોનો સૌથી મોટો ખેલાડી છે - તેની ઍક્ટિંગ સિમ્પલ અને પાવરફુલ છે. વાણી કપૂર, યશપાલ શર્મા અને સુપ્રિયા પાઠકે પણ પોતાના પાત્રો સાથે સંપૂર્ણ પ્રામાણિકતા દર્શાવી છે. ડિરેક્શન કેવું છે? રાજકુમાર ગુપ્તાએ રેઇડ ફ્રેન્ચાઇઝીને નવી દિશા આપવાનો સાહસિક પ્રયાસ કર્યો છે. ભોજની નવી પૃષ્ઠભૂમિ, રિતેશ દેશમુખ જેવા મલ્ટી ટેલેન્ટેડ એક્ટરને નેગેટિવ ભૂમિકામાં રજૂ કરવો, અને રાજકીય સત્તા વિરુદ્ધ સિસ્ટમની લડાઈને

થ્રિલર સ્ટાઈલમાં રૂપાંતરિત કરવું, ખરેખર વખાણને લાયક છે. ફિલ્મની ખાસ વાત: નવી સેટિંગ અને નવા પાત્રો રિતેશ દેશમુખનો શક્તિશાળી મેગેટિવ રોલ કડક સ્ક્રીનપ્લે અને દમદાર એક્ટિંગ ક્યાં ચૂક રહી​​​​​​: કેટલાક સીનમાં વધુ પડતી સિનેમેટિક સ્વતંત્રતા. કેટલાક સીન બિનજરૂરી લાગે છે. ક્લાઈમેક્સ અનુમાનિત અને થોડો નબળો પડે છે. મ્યૂઝિક અને ટેકનિકલ પાસાં અમિત ત્રિવેદીનો બેકગ્રાઉન્ડ સ્કોર સ્ટોરીનાં તણાવપૂર્ણ વાતાવરણને જાળવી રાખે છે. 'તુમ્હે દિલ્લગી' જેવા ગીતો પહેલાથી જ પરિચિત છે અને ચોક્કસપણે ભાવનાત્મક

ઊંડાણ લાવે છે, પરંતુ તેમાં કંઈ ખાસ નવું નથી. કેટલાક સીનમાં સિનેમેટોગ્રાફી પ્રભાવશાળી છે અને એડિટિંગ ફિલ્મની સ્પીડ જાળવી રાખવામાં સફળ રહે છે. ફિલ્મ રિવ્યૂનો સાર: જો તમને 'રેડ' ગમ્યું હોય, તો 'રેડ 2' પણ તમને નિરાશ નહીં કરે. આ એક આકર્ષક ક્રાઈમ-થ્રિલર છે જે મજબૂત એક્ટિંગ, રાજકારણ વિરુદ્ધ પ્રામાણિકતા વચ્ચેની લડાઈ અને આકર્ષક સ્ક્રીનપ્લેને સંતુલિત કરે છે. ફિલ્મમાં કેટલીક નબળાઈઓ છે, પણ તેને અવગણીને ફિલ્મ જોવા જેવી તો છે જ.