ચીનની રાજધાની બેઇજિંગમાં શનિવારે માણસો અને 21 રોબોટ્સ વચ્ચે એક અનોખી હાફ મેરેથોન દોડ યોજાઈ હતી. આવું પહેલી વાર બન્યું હતું જ્યારે આ મશીનો 21 કિલોમીટર (13 માઇલ)ના અંતર સુધી માણસો સાથે દોડ્યા. આ રેસ બેઇજિંગના દક્ષિણપૂર્વીય યિઝુઆંગ જિલ્લામાં યોજાઈ હતી, જ્યાં ચીનની ઘણી મોટી ટેક્નોલોજી કંપનીઓ આવેલી છે. તેનો હેતુ રોબોટિક્સ અને ટેક્નોલોજીની દુનિયામાં ચીનની પ્રગતિ દર્શાવવાનો હતો. આ રેસમાં ડ્રોઇડઅપ અને નોટિક્સ રોબોટિક્સ જેવી ચીની કંપનીઓના રોબોટ્સે પણ ભાગ લીધો હતો. રેસમાં ભાગ લેનારા કેટલાક રોબોટ્સનું

કદ 120 સેમી (3.9 ફૂટ) કરતાં ઓછું હતું, જ્યારે કેટલાક 1.8 મીટર (5.9 ફૂટ) સુધી લાંબા હતા. તસવીરોમાં રોબોટ્સની રેસ... રોબોટે રેસ 2 કલાક 40 મિનિટમાં પૂર્ણ કરી જ્યારે માનવે 1 કલાકમાં પૂર્ણ કરી બેઇજિંગ ઇનોવેશન સેન્ટર ઓફ હ્યુમન રોબોટિક્સના રોબોટ 'ટિઆંગોંગ અલ્ટ્રા' એ મશીનોમાં પ્રથમ સ્થાને 2 કલાક અને 40 મિનિટમાં રેસ પૂર્ણ કરી, જ્યારે માનવ વિજેતાએ રેસ પૂર્ણ કરવામાં 1 કલાક અને 2 મિનિટનો સમય લીધો. સૌથી ઓછા સમયમાં 21 કિમી મેરેથોન પૂર્ણ કરવાનો રેકોર્ડ જેકબ

કિપ્લિમો (56 મિનિટ 42 સેકન્ડ) ના નામે છે. જેમ દોડ દરમિયાન માણસોને પાણી પીવાની જરૂર પડે છે, તેમ રોબોટ્સને બેટરી બદલવાની પરવાનગી આપવામાં આવી હતી. રેસ દરમિયાન મશીનોને ટેકો આપનારા માનવ પ્રશિક્ષકો રોબોટ્સ સાથે હતા. કેટલાક રોબોટ્સે દોડવાનાં જૂતાં પહેર્યાં હતાં, એકે બોક્સિંગ ગ્લોવ્ઝ પહેર્યા હતા અને બીજાએ લાલ રંગનો હેન્ડબેન્ડ પહેર્યો હતો જેના પર ચીની ભાષામાં "બાઉન્ડ ટુ બિન" (જીતવા માટે તૈયાર) લખેલું હતું. ચીનમાં, દર 10,000 કર્મચારીઓ માટે 470 રોબોટ છે. રોબોટિક્સ સેન્ટરના ચીફ ટેક્નોલોજી ઓફિસર તાંગ

જિયાને જણાવ્યું હતું કે રેસ દરમિયાન ટિઆંગોંગ અલ્ટ્રાને તેના લાંબા પગ અને અલ્ગોરિધમ દ્વારા મદદ મળી હતી. આ કારણે તે માણસોની જેમ મેરેથોન દોડી શક્યો. તાંગે કહ્યું- હું બડાઈ મારવા માંગતો નથી, પણ મને લાગે છે કે પશ્ચિમમાં બીજી કોઈ રોબોટિક્સ કંપની ટિઆંગોંગની રમતગમતની સિદ્ધિઓની બરાબરી કરી શકે નહીં. રેસ દરમિયાન રોબોટની બેટરી ફક્ત ત્રણ વાર બદલવામાં આવી હતી. ચીને છેલ્લાં કેટલાંક વર્ષોમાં રોબોટિક્સમાં ઝડપી પ્રગતિ કરી છે, તેમજ જર્મની અને જાપાનને પાછળ છોડી દીધા છે. 2023 સુધીમાં,

ચીનમાં દર 10,000 કામદારોએ 470 રોબોટ હતા, જે જર્મનીના 429 અને જાપાનના 419 કરતાં વધારે છે. હવે રોબોટ ઘનતામાં ફક્ત દક્ષિણ કોરિયા અને સિંગાપોર જ ચીનથી આગળ છે. 2032 સુધીમાં હ્યુમનોઇડ રોબોટ માર્કેટ $66 બિલિયનનું થશે 2023 માં વૈશ્વિક હ્યુમનોઇડ રોબોટ બજારનું કદ $2.43 બિલિયન (રૂ. 19 હજાર કરોડ) હતું, જે 2032 સુધીમાં $66 બિલિયન (રૂ. 5 લાખ 63 હજાર કરોડ) સુધી પહોંચવાનો અંદાજ છે. હ્યુમનોઇડ રોબોટ એક પ્રકારનો રોબોટ છે જેનો આકાર માનવ શરીર જેવો હોય છે. હાલમાં

હ્યુમનોઇડ રોબોટ્સ વિકાસના પ્રારંભિક તબક્કામાં છે. ૨૦૨૩માં ભારતનું હ્યુમનોઇડ રોબોટ બજાર 42 મિલિયન ડોલર (લગભગ 358 કરોડ રૂપિયા) હતું, જે 2030 સુધીમાં 149.4 મિલિયન ડોલર (લગભગ 1200 કરોડ રૂપિયા) સુધી પહોંચવાની ધારણા છે. ઔદ્યોગિક નોકરીઓમાં 2.5 લાખ રોબોટ હશે ગોલ્ડમેન સૅક્સનો અંદાજ છે કે 2035 સુધીમાં હ્યુમનોઇડ રોબોટ માર્કેટ $38 બિલિયન (રૂ. 3 લાખ 24 હજાર કરોડ)નું થઈ જશે. પાંચ વર્ષમાં, ઔદ્યોગિક ઉપયોગ માટે 2.5 લાખ હ્યુમનોઇડ રોબોટ મોકલવામાં આવશે. 2035 સુધીમાં, ગ્રાહકો દ્વારા 1 મિલિયન રોબોટ ખરીદવામાં આવશે.