ઈન્ડિયન પ્રીમિયર લીગ (IPL) 2025ની ચેમ્પિયન બનેલી રોયલ ચેલેન્જર્સ બેંગલુરુ (RCB) ટીમ વેચાઈ શકે છે. બ્લૂમબર્ગના જણાવ્યા અનુસાર, મેકડોવેલની વ્હિસ્કી બનાવતી કંપની યુનાઇટેડ સ્પિરિટ્સ લિમિટેડ (USL) તેને 2 બિલિયન ડોલર એટલે કે લગભગ 17 હજાર કરોડ રૂપિયામાં વેચવાનું વિચારી રહી છે. પહેલા USL વિજય માલ્યાની કંપની હતી. જ્યારે માલ્યા નાદાર થઈ ગયા, ત્યારે તેને બ્રિટિશ દારૂ કંપની ડિયાજિયોએ ખરીદી લીધી. ડિયાજિયો RCBના માલિક બન્યા. RCB કેમ વેચાઈ રહ્યું છે? આ IPLના ઇતિહાસનો સૌથી મોટો સોદો હશે જો ડિયાજિયો RCB વેચવાનો નિર્ણય લે છે, તો તે IPLના

ઇતિહાસમાં સૌથી મોટો સોદો હશે. જ્યારે IPLમાં બે નવી ટીમ (લખનઉ સુપર જાયન્ટ્સ અને ગુજરાત ટાઇટન્સ) ઉમેરવામાં આવી, ત્યારે લખનઉને RPSG ગ્રૂપે 7,090 કરોડ રૂપિયામાં અને ગુજરાતને CVC કેપિટલે 5,625 કરોડ રૂપિયામાં ખરીદ્યું. આ અત્યાર સુધીના સૌથી મોટી ફ્રેન્ચાઇઝ ખરીદી સોદા માનવામાં આવે છે. RCBનું વેલ્યુએશન $2 બિલિયન અથવા લગભગ રૂ. 17,000 કરોડ છે, જે લખનઉ સુપર જાયન્ટ્સ અને ગુજરાત ટાઇટન્સની ખરીદી કરતા ઘણું વધારે છે. બ્રિટિશ કંપનીએ વિજય માલ્યા પાસેથી RCB ખરીદ્યું હતું પહેલા આ ટીમના માલિક દારૂના ઉદ્યોગપતિ વિજય માલ્યા હતા, પરંતુ 2016માં જ્યારે

માલ્યા મુશ્કેલીમાં મુકાયા, ત્યારે ડિયાજિયોએ તેમની દારૂ કંપની સાથે મળીને RCB ખરીદી લીધી. 2008માં વિજય માલ્યાએ RCBને $11.6 મિલિયનમાં ખરીદ્યું હતું. તે સમયે આ રકમ આશરે 476 કરોડ રૂપિયા હતી. તે સમયે તે IPLની બીજી સૌથી મોંઘી ટીમ હતી. માલ્યા તેમની કંપની USL થી RCBના માલિક હતા. 2014માં, ડિયાજિયોએ USLમાં બહુમતી હિસ્સો ખરીદ્યો અને 2016 સુધીમાં, માલ્યાના બહાર નીકળ્યા પછી, ડિયાજિયોએ RCBની સંપૂર્ણ માલિકી મેળવી લીધી. હાલમાં, RCB USLની પેટાકંપની રોયલ ચેલેન્જર્સ સ્પોર્ટ્સ પ્રાઇવેટ લિમિટેડ (RCSPL)થી સંચાલિત છે. હવે, ત્રણ મહત્વપૂર્ણ પ્રશ્નોના જવાબો... સવાલ 1: શું

RCBનો સંપૂર્ણ હિસ્સો વેચાઈ રહ્યો છે? જવાબ: બ્રિટિશ દારૂ કંપની ડિયાજિયો તેના હિસ્સાનો એક ભાગ વેચશે કે આખી ટીમ, તે હજુ સુધી નક્કી નથી. તે હાલમાં સલાહકારો સાથે વાત કરી રહી છે. જો ડિયાજિયો RCBને જાળવી રાખે છે, તો તેને કડક જાહેરાત નિયમોનો સામનો કરવો પડશે. ઉપરાંત, RCBનું સંચાલન કરવાથી ખર્ચ અને બ્રાન્ડિંગ પડકારોમાં વધારો થશે. સવાલ 2: RCB કોણ ખરીદી શકે છે? જવાબ: હજુ સુધી કોઈ નામ જાહેર કરવામાં આવ્યું નથી, પરંતુ $2 બિલિયનના વેલ્યૂએશન સાથે, મોટા ઉદ્યોગપતિઓ, રોકાણકારો અથવા વૈશ્વિક રમતગમત કંપનીઓ રસ દાખવી

શકે છે. 2015માં, JSW ગ્રૂપે RCB ખરીદવાનો પ્રયાસ કર્યો, પરંતુ સોદો થયો નહીં. સવાલ 3: શું RCBના વેચાણથી ચાહકો પર અસર પડશે? જવાબ: ના, બિલકુલ નહીં. મેદાન પર RCBનું પ્રદર્શન અને ચાહકો, ખાસ કરીને વિરાટ કોહલીના ચાહકો, એ જ રહેશે. તે ફક્ત માલિકીની વાત છે. નવો માલિક મોટો ઉદ્યોગપતિ કે રોકાણકાર હોઈ શકે છે, પરંતુ ટીમનો ઉત્સાહ અને બ્રાન્ડ વેલ્યુ એ જ રહેશે. આ પણ વાંચો... 'હું જેટલીને કહીને ગયો હતો... ભાગેડુ નથી': મને ચોર કહેવું પણ ખોટું, 6200 કરોડને બદલે બેંકોએ 14,000 કરોડ વસૂલ્યા: વિજય

માલ્યા 2 માર્ચ 2016ના રોજ હું જીનિવામાં FIA મિટિંગ માટે લંડન જઈ રહ્યો હતો. મેં અરુણ જેટલીને કહ્યું હતું કે હું જઈ રહ્યો છું અને સમાધાન વિશે વાત કરીશ. પાસપોર્ટ રદ થવાને કારણે હું લંડનમાં ફસાઈ ગયો. હું ભાગેડુ નથી, આ કોઈ ભાગી જવાની યોજના નહોતી. મને ચોર કહેવું ખોટું છે. આવું ઉદ્યોગપતિ વિજય માલ્યાનું કહેવું છે. એક એવું નામ, જે એક સમયે ભારતમાં ગૌરવ અને સફળતાનું પર્યાય હતું. આજે એ 6,200 કરોડ રૂપિયાના બેંક લોન છેતરપિંડી અને મની લોન્ડરિંગના વિવાદોથી ઘેરાયેલા છે. સંપૂર્ણ સમાચાર વાંચો...