મંગળવારે મુંબઈમાં 'ઈન્ડિયાઝ ગોટ લેટેલેન્ટ' વિવાદ પછી કોમેડિયન સમય રૈના પહેલી વાર જાહેરમાં દેખાયો હતો. સમય રૈના ત્યાં જોવા મળ્યો જ્યાં વેબ સિરીઝ 'હૈ જુનૂન' પ્રદર્શિત થઈ રહી હતી. આનાથી એવી અટકળો શરૂ થઈ કે તે વેબ સિરીઝના સ્ક્રીનિંગ માટે આવ્યો હોઈ શકે. જોકે, જ્યારે તેને આ વિશે પૂછવામાં આવ્યું ત્યારે તેણે કહ્યું કે તે જીમમાં વર્કઆઉટ કરવા આવ્યો હતો. તેણે વાદળી ટી-શર્ટ પહેરી હતી અને તેના ગળામાં હેડફોન હતા. તેણે ચાહકો સાથે ઘણા ફોટોગ્રાફ્સ

પડાવ્યા અને સ્મિત સાથે બધાનું સ્વાગત કર્યું હતું. કાર્યક્રમ દરમિયાન, એક ફોટોગ્રાફરે સમયને પૂછ્યું કે તેનો શો (ઇન્ડિયાઝ ગોટ લેટેન્ટ) ક્યારે પાછો આવી રહ્યો છે? આ સાંભળીને, સમય હસ્યો અને કહ્યું, "અરે" અને કંઈક કહેવા જતો હતો ત્યારે તેના મિત્રએ તેને ત્યાંથી ખેંચી લીધો. જતા સમયે પણ તેણે ફોટોગ્રાફર તરફ જોયું અને સ્મિત કર્યું. તે જ સમયે, જ્યારે બીજા ફોટોગ્રાફરે તેને વેબ સિરીઝ 'હાઈ જુનૂન' વિશે પૂછ્યું, ત્યારે તેના મિત્રએ ફરીથી તેને ત્યાંથી દૂર

કરવાનો પ્રયાસ કર્યો, પરંતુ સમયે મજાકમાં કહ્યું, 'મેં આ સિરીઝ જોઈ નથી. હું વર્કઆઉટ કરવા જીમમાં ગયો હતો, આ મારો મિત્ર છે, હું તેની સાથે આવ્યો છું. મને ખબર નથી કે તમે શાના વિશે વાત કરી રહ્યા છો.' જતી વખતે, જ્યારે સમયયે વેબ સિરીઝનું નામ પૂછ્યું અને સાંભળ્યું કે તે 'હૈ જુનૂન' છે, ત્યારે તેણે રમૂજી ચહેરો બનાવ્યો અને આગળ વધ્યો. આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે. કમબેક ટૂરની જાહેરાત કોમેડિયન

સમય રૈના આ દિવસોમાં પોતાનુું કરિયર ફરીથી બનાવવામાં વ્યસ્ત છે. શો ઈન્ડિયાઝ ગોટ લેટેન્ટ પરના વિવાદે તેની કારકિર્દી પર બ્રેક લગાવી દીધી હતી, પરંતુ હવે તેમણે કમબેકની જાહેરાત કરી છે. તાજેતરમાં, સમયે તેના નવી ટૂર જાહેરાત કરી અને તે એક જાહેર કાર્યક્રમમાં પણ જોવા મળ્યો. જોકે, ત્યાં શોની વાપસી પર તેણે એવી રીતે પ્રતિક્રિયા આપી કે લોકો વધુ મૂંઝવણમાં મુકાઈ ગયા. સમય રૈનાએ મંગળવારે પોતાના ઇન્સ્ટાગ્રામ પર પોતાના 'કમબેક ટૂર'ની જાહેરાત કરી હતી. તેણે

કહ્યું કે તે યુરોપ, યુકે, ઓસ્ટ્રેલિયા અને ન્યુઝીલેન્ડમાં પરફોર્મ કરશે. આ ટૂર 5 જૂને જર્મનીના કોલોનથી શરૂ થશે અને 20 જુલાઈએ સિડનીમાં સમાપ્ત થશે. પ્રવાસ અંગે, તેમણે લખ્યું હતું કે, "મારા જીવનનો સૌથી મુશ્કેલ સમય હવે સૌથી રમૂજી કોમેડી બનશે. ટૂર પર મળીશું.' બીજી પોસ્ટમાં, તેમણે એમ પણ લખ્યું, 'તમારા બધાના પ્રેમ માટે ખૂબ ખૂબ આભાર. આ જ એકમાત્ર બાબત છે જેણે મને આગળ વધવામાં મદદ કરી છે. જલદી મળીશું.' ઇન્ડિયાઝ ગોટ લેટેન્ટ વિવાદ શું

હતો? સમય રૈના અને અન્ય કન્ટેન્ટ સર્જકો પર ઇન્ડિયાઝ ગોટ લેટેન્ટ શોમાં અશ્લીલતા ફેલાવવાનો આરોપ મૂકવામાં આવ્યો હતો. તેમાં યુટ્યુબર્સ અપૂર્વ મુખિજા, આશિષ ચંચલાની, રણવીર અલ્લાહબાદિયા અને બીજા ઘણા લોકો શામેલ હતા. આરોપ એ હતો કે શોમાં ખુલ્લેઆમ અશ્લીલ વાતો કહેવામાં આવી હતી જે જાહેર પ્લેટફોર્મ પર ન થવી જોઈતી હતી. રણવીરના એ નિવેદનથી સોશિયલ મીડિયા પર ભારે ગુસ્સો ફેલાયો હતો. મામલો એટલો વણસી ગયો કે સમય રૈનાને ગુવાહાટી ક્રાઈમ બ્રાન્ચ સમક્ષ હાજર થવું પડ્યું હતું.