આજે, સોમવાર, 26 મે, અઠવાડિયાના પહેલા ટ્રેડિંગ દિવસે શેરબજારમાં તેજી જોવા મળી રહી છે. સેન્સેક્સ લગભગ 650 પોઈન્ટ વધીને 82,350ના સ્તરે ટ્રેડ કરી રહ્યો છે. નિફ્ટી પણ લગભગ 200 પોઈન્ટની તેજી છે, તે 25,050ના સ્તરે છે. સેન્સેક્સના 30 શેરોમાંથી 29 શેરમાં તેજી છે અને એક નીચે છે. મહિન્દ્રા, પાવર ગ્રીડ,

ટાટા મોટર્સ સહિત કુલ 6 શેર 2% સુધી વધ્યા છે. ઝોમેટોના શેર લગભગ 3.5% ઘટ્યા છે. નિફ્ટીના 50 શેરોમાંથી 48માં તેજી અને 2માં ઘટાડો છે. NSEના તમામ સેક્ટોરલ ઈન્ડેક્સમાં તેજી જોવા મળી રહી છે. ઓટો, મેટલ, બેંકિંગ અને રિયલ્ટી શેરોમાં 1% સુધીનો વધારો જોવા મળી રહ્યો છે. એશિયન બજારોમાં મિશ્ર

કારોબાર, અમેરિકામાં ઘટાડો 23 મેના રોજ વિદેશી રોકાણકારોએ 1,795 કરોડ રૂપિયાના શેર ખરીદ્યા 'ધ લીલા' હોટેલ્સનો IPO આજે ખુલશે ભારતીય લક્ઝરી હોટેલ ચેઇન 'ધ લીલા' ની પેરેન્ટ કંપની, સ્ક્લોસ બેંગ્લોર લિમિટેડનો IPO આજે એટલે કે 26 મે ના રોજ સબ્સ્ક્રિપ્શન માટે ખુલ્યો છે. રિટેલ રોકાણકારો 28 મે 2025 સુધી આ માટે બોલી લગાવી શકાય છે. કંપની આ ઇશ્યૂ દ્વારા રૂ. 3,500 એકત્ર કરવા માંગે છે. આ IPOમાં, કંપની રૂ. 2,500 કરોડના 5.75 કરોડ નવા શેર જારી કરશે. 1,000 કરોડ રૂપિયાના 2.30 કરોડ શેર વેચાણ માટે ઓફર કરવામાં આવશે. શુક્રવારે બજાર 769 પોઈન્ટ વધ્યું હતું ગયા અઠવાડિયાના છેલ્લા ટ્રેડિંગ દિવસે

એટલે કે શુક્રવાર, 23 મે ના રોજ, સેન્સેક્સ 769 પોઈન્ટના વધારા સાથે 81,721 પર બંધ થયો. નિફ્ટી પણ 243 પોઈન્ટ વધીને 24,853 પર બંધ થયો. સેન્સેક્સના 30 શેરોમાંથી 28 શેરો વધ્યા જ્યારે બે શેરોમાં ઘટાડો થયો. ઝોમેટો, પાવર ગ્રીડ, આઇટીસી અને બજાજ ફિનસર્વના શેર 3.5% સુધી વધ્યા. નેસ્લે ઇન્ડિયા સહિત કુલ

14 શેર 1.8% સુધી વધ્યા. સન ફાર્મા અને એરટેલના શેર ૧1.8% સુધી ઘટ્યા. નિફ્ટીના 50 શેરોમાંથી 46 શેરો વધ્યા અને 4 શેરો ઘટ્યા. NSE ના FMCG ઇન્ડેક્સમાં 1.63%, પ્રાઇવેટ બેંકમાં 1.08%, IT ઇન્ડેક્સમાં 0.95%, મેટલમાં 0.76% અને રિયલ્ટીમાં 0.64%નો વધારો થયો હતો. ફાર્મા અને આરોગ્ય સંભાળમાં થોડો ઘટાડો રહ્યો હતો.