દિવંગત પંજાબી સિંગર શુભદીપ સિંહ સિદ્ધુ ઉર્ફે સિદ્ધુ મૂસેવાલા પર આધારિત એક ડૉક્યુમેન્ટરીનું 11 જૂનના રોજ મુંબઈના જુહૂમાં પ્રસ્તાવિત સ્ક્રીનિંગ અંગે વિવાદ વકર્યો છ. સિદ્ધુ મૂસેવાલાના પિતા બલકૌર સિંહે આજે પંજાબની માનસા કોર્ટમાં અરજી દાખલ કરીને ડૉક્યુમેન્ટરીના પ્રસારણ પર પ્રતિબંધ મૂકવાની માંગ કરી છે. બલકૌર સિંહે આરોપ લગાવ્યો છે કે, 'ઇન્વેસ્ટિગેટિવ ડૉક્યુમેન્ટરી ઓન સિદ્ધુ મૂસેવાલા (સિદ્ધુ મૂસેવાલા પર ખોજી ડૉક્યુમેન્ટરી)' નામની ફિલ્મમાં અનધિકૃત, સંવેદનશીલ અને અપ્રકાશિત સામગ્રી દેખાડવામાં આવી છે, જેમાં હત્યા સંબંધિત

ચાલી રહેલી ફોજદારી તપાસ સંબંધિત વ્યક્તિગત જુબાની અને ટિપ્પણીઓ શામેલ છે. તેમણે દાવો કર્યો હતો કે, આ ડૉક્યુમેન્ટરીનું પ્રસારણ જાહેર અશાંતિ ભડકાવી શકે છે, તપાસ પ્રક્રિયામાં હસ્તક્ષેપ કરી શકે છે અને પરિવારના કાનૂની અધિકારો, ગોપનીયતા અને મૃતકના ગૌરવનું ઉલ્લંઘન કરે છે. ડૉક્યુમેન્ટરી બનાવતી ટીમે સમય માંગ્યો બલકૌર સિંહ દ્વારા પ્રસારણકર્તાને કાનૂની નોટિસ મોકલવામાં આવી છે. તેમણે મહારાષ્ટ્ર પોલીસમાં ફરિયાદ નોંધાવી છે અને સ્ક્રીનિંગ રોકવા માટે રિમાઇન્ડર પણ મોકલ્યું છે. જ્યારે ડૉક્યુમેન્ટરી તૈયાર કરનારી ટીમે

મોકલવામાં આવેલી નોટિસનો જવાબ આપવા માટે 10 દિવસનો સમય માંગ્યો છે. પરિવારના નજીકના સૂત્રોના જણાવ્યા અનુસાર, બલકૌર સિંહે રવિવારે બધી કાનૂની ઔપચારિકતાઓ પૂર્ણ કરી હતી અને અરજીની સુનાવણી પછી ટૂંક સમયમાં નિર્ણય લેવામાં આવશે. મૂસેવાલાની માંગ- પ્રીમિયર મુલતવી રાખો અથવા રદ કરો પ્રસારણકર્તાની કાનૂની ટીમે નોટિસનો જવાબ આપવા માટે 10 દિવસનો સમય માંગ્યો છે. બલકૌર સિંહે માંગ કરી છે કે, જવાબ ન મળે ત્યાં સુધી ડૉક્યુમેન્ટરીનું પ્રીમિયર મુલતવી રાખવામાં આવે અથવા રદ કરવામાં આવે.