New Gujarat Samachar

ભારતમાં મળતી કેરી માત્ર ફળ જ નહી પરંતુ ભાવના અને ઇતિહાસનું પ્રતિક છે. દરેક પ્રકારની કેરીઓ પાછળ એક કહાની અને એક વિશેષતા છે. ચૌસાની વીરગાથા હોય કે અલ્ફોન્સોની વિદેશી વિરાસત આ નામ માત્ર સ્વાદ જ નહી પરંતુ સમૃદ્ધ સંસ્કૃતિનો અનુભવ કરાવે છે. કેરી વિટામિન એ અને સીથી ભરપુર હોય છે. ત્યારે આ વિવિધ નામ કેવી રીતે કેરીઓની ઓળખ બન્યા અને કેવી રીતે પોતાનું સ્થાન જમાવ્યુ તે વિશે કરીએ એક નજર.

કેરીમાં વિટામિન A અને C ભરપૂર માત્રામાં

કેરી માત્ર એક ફળ નથી પણ ભારતીય સંસ્કૃતિ, પરંપરા અને સ્વાદનો અભિન્ન ભાગ છે. ઉનાળો શરૂ થતાં જ કેરીઓ ખીલવા લાગે છે. બધાને કેરી ખાવાનું ગમે છે. કેરી તેના સ્વાદને કારણે સૌથી વધુ પ્રિય ફળ છે. ભારતના દરેક ખૂણામાં, કેરીની કોઈને કોઈ ખાસ જાત જોવા મળે છે. જેના નામ તેમના ઇતિહાસ, ભૂગોળ અથવા સ્થાનિક લાક્ષણિકતાઓ સાથે સંકળાયેલા છે. દરેક કેરીનો સ્વાદ, રંગ અને આકાર સંપૂર્ણપણે અલગ હોય છે. મોટે ભાગે લંગડા, ચૌંસા, સફેડા અને દશેરી કેરી ખાવામાં આવે છે. પણ શું તમે તેમના નામ પાછળની વાર્તા જાણવાનો પ્રયાસ કર્યો છે?

ચૌંસા કેરીની શું છે કહાની ?

ચૌંસા કેરી ઉત્તર પ્રદેશમાં, ખાસ કરીને બાગપત અને સહારનપુર ક્ષેત્રમાં ખૂબ પ્રખ્યાત છે. 1539માં ચૌસા બિહાર ખાતે હુમાયુ પર શેર શાહ સૂરીના વિજયની યાદમાં તેનું નામ રાખવામાં આવ્યું હતું. શેર શાહ આ કેરીના સૌથી મોટા ચાહક હતા અને તેમણે પોતાની જીતને યાદ રાખવા માટે તેનું નામ 'ચૌસા' રાખ્યું. તે સ્વાદમાં ખૂબ જ મીઠી અને રસદાર હોય છે.

આલ્ફોન્સો કેરીની ઓળખ

આલ્ફોન્સો કેરી, જેને હાપુસ તરીકે પણ ઓળખવામાં આવે છે. આ કેરી મહારાષ્ટ્રના કોંકણ પ્રદેશના રત્નાગિરિ અને દેવગઢમાં ઉગાડવામાં આવે છે. તેનું નામ 16મી સદીમાં ભારતની મુલાકાતે આવેલા પોર્ટુગીઝ જનરલ અને સંશોધક અલ્ફોન્સો ડી અલ્બુકર્કના નામ પરથી રાખવામાં આવ્યું હતું. પોર્ટુગીઝોએ ભારતમાં કેરી કલમ બનાવવાની તકનીક રજૂ કરી હતી. જેના કારણે ઉચ્ચ ગુણવત્તાનો વિકાસ થયો અને આલ્ફોન્સો તેમાંથી એક છે. આ કેરી સ્વાદમાં અજોડ, સુગંધિત અને માખણ જેવી નરમ છે.

તોતાપુરી કેરીનો ઇતિહાસ

તોતાપુરી કેરી દક્ષિણ ભારત એટલે કે આંધ્રપ્રદેશ, કર્ણાટક અને તમિલનાડુમાં જોવા મળે છે. તેના નામનું કારણ તેની અણીદાર ચાંચ જેવો આકાર છે. જે પોપટની ચાંચ જેવો દેખાય છે. આ કેરી અન્ય જાતો કરતાં થોડી ઓછી મીઠી છે. પરંતુ તેની સુગંધ અને લાંબો આકાર તેને ખાસ બનાવે છે.

દશેરી કેરીની વિશેષતા

દશેરી કેરી ઉત્તર પ્રદેશના મલીહાબાદ ગામ સાથે સંબંધિત હોવાનું માનવામાં આવે છે. એવું કહેવાય છે કે તેની પહેલી કલમ દશેરી ગામના એક બગીચામાં કરવામાં આવી હતી અને ત્યાંથી તેનું નામ પડ્યું. આ કેરી તેના મીઠા પલ્પ, પાતળા છાલ અને અદ્ભુત સુગંધ માટે જાણીતી છે. દશેરી કેરીની ખાસ વાત એ છે કે તે ઝાડ પર પાકવાને બદલે તોડીને પાકે છે.

સિંદૂર કેરીની મિઠાશ

આ કેરીનું નામ તેના ઘેરા લાલ રંગથી પ્રેરિત છે, જે સિંદૂર જેવો દેખાય છે. આ કેરી ઉત્તર ભારતમાં ખૂબ જ લોકપ્રિય છે અને તેના દેખાવને કારણે, લગ્ન અને તહેવારો દરમિયાન તેની ખૂબ માંગ હોય છે.

બોમ્બે મેંગો કેવી રીતે પડ્યુ આ નામ?

બંબૈયા કેરી મુંબઈ અને તેની આસપાસના વિસ્તારોમાં જોવા મળે છે. આ નામ સ્થાનિક ભાષા પરથી આવ્યું છે અને તેમાં ઘણી જાતો છે જે કદ, સ્વાદ અને રંગમાં ભિન્ન હોય છે. આ કેરી પ્રમાણમાં સસ્તી છે અને તેનો વ્યાપકપણે ઉપયોગ થાય છે. સારું, જો તમે આ ખાસ પ્રકારની કેરીનો સ્વાદ ચાખ્યો હોય, તો અમને જણાવો કે તમને કઈ ખાસ છે?

Mangoes Name History: દશેરી, તોતાપરી કેવી રીતે પડ્યા નામ?, જાણો રસપ્રદ કહાની

Leave a Reply Cancel reply

Astrology
Daily Horoscope: ચૈત્ર વદ બારસને શુક્રવાર,ચંદ્ર શુક્રની યુતિ પર જાણો રાશિફળ

Business
ઈન્વેસ્ટમેન્ટ પોઈન્ટ- ભારતીય શેરબજારમાં ઘટાડો:નિફટી ફ્યુચર 23808 પોઈન્ટ પર અતિ મહત્વની સપાટી રહેશે

Fashion
Winterમાં કાશ્મીરના આ 5 સુન્દર સ્થળો પર કરો પ્રવાસ, અનુભવશો ધરતી પરના સ્વર્ગનો મનોરંજન

Fitness
World TB Day 2025 : ભારતમાં આ દિગ્ગજોના ટીબીથી થયા મોત,જાણીલો થીમ

Lifestyle
Lifestyle: હાથ અને પગમાં આવતી ધ્રુજારીની ન કરો અવગણના, થશે નુકસાન

Mahakumbh
Mahakumbh 2025: 130 બોટવાળા નાવિક પરિવારે 45 દિવસમાં કરી 30 કરોડની કમાણી

Political
Honeytrap માં ભારતના જાણીતા 48 નેતાઓ ફસાયા, વિધાનસભામાં હડકંપ મચી ગયો

Subscribe

Mangoes Name History: દશેરી, તોતાપરી કેવી રીતે પડ્યા નામ?, જાણો રસપ્રદ કહાની

Leave a Reply Cancel reply

Related Post