હાઇ પ્રોફાઇલ રેણુકાસ્વામી હત્યા કેસમાં કન્નડ એક્ટર દર્શન થૂગુદીપા, પવિત્રા ગૌડા અને અન્યોને મળેલા જામીન સામે દાખલ કરવામાં આવેલી અરજી પર સુપ્રીમ કોર્ટ આજે સુનાવણી કરશે. કર્ણાટક હાઈકોર્ટના નિર્ણયને કર્ણાટક સરકારે આ વર્ષે માર્ચમાં સુપ્રીમ કોર્ટમાં પડકાર્યો હતો. કર્ણાટક સરકાર વતી, એડવોકેટ અનિલ સી. નિશાનીએ તાત્કાલિક સુનાવણી માટે કોર્ટમાં અપીલ કરી હતી. જસ્ટિસ જે.બી. પારડીવાલા અને જસ્ટિસ આર. મહાદેવનની બેન્ચે કેસની સુનાવણી માટે 2 એપ્રિલ સુધીનો

સમય આપ્યો હતો. એક્ટર દર્શનને રેણુકાસ્વામી હત્યા કેસમાં ગયા વર્ષે 13 ડિસેમ્બરે હાઈકોર્ટમાંથી જામીન મળ્યા હતા, ત્યારબાદ તે જેલમાંથી મુક્ત થયો હતો. જાણો સમગ્ર મામલો વાસ્તવમાં, કન્નડ એક્ટર દર્શન થૂગુદીપા પર ચાહક રેણુકાસ્વામીની હત્યાનો આરોપ છે. રેણુકાસ્વામીનો મૃતદેહ 9 જૂનના રોજ બેંગલુરુના કામક્ષિપાલ્ય વિસ્તારમાં એક એપાર્ટમેન્ટ નજીકથી મળી આવ્યો હતો. જ્યારે પોલીસે ક્રાઈમ સીનની આસપાસના વિસ્તારની તપાસ કરી ત્યારે તેઓએ સીસીટીવી ફૂટેજમાં દર્શન અને પવિત્રાને ક્રાઈમ સીન

છોડીને જતાં જોયાં. રાત્રે 11 વાગ્યાથી સવારના 3 વાગ્યા સુધી બંનેના મોબાઈલ નંબર એક જ વિસ્તારમાં એક્ટિવ હતા. આ પછી 11 જૂને દર્શન અને અભિનેત્રી પવિત્રાની ધરપકડ કરવામાં આવી હતી. પોલીસે આ કેસમાં અત્યાર સુધીમાં દર્શન અને પવિત્રા સહિત 19 લોકોની ધરપકડ કરી છે. રેણુકાસ્વામી પવિત્રાને વાંધાજનક મેસેજ મોકલતો હતો પોલીસ તપાસ અનુસાર, 33 વર્ષીય મૃતક રેણુકાસ્વામી એક્ટર દર્શનનો ફેન હતો. જાન્યુઆરી 2024માં, કન્નડ એક્ટ્રેસ પવિત્રા ગૌડાએ

દર્શન સાથે તેની 10મી વર્ષગાંઠની ઉજવણી કરી. દર્શન પહેલેથી જ પરિણીત હોવાથી આનાથી તેમના સંબંધો વિવાદમાં આવ્યા. રેણુકાસ્વામી આ સમાચારથી ખૂબ ગુસ્સે થયો. તે પવિત્રાને દર્શનથી દૂર રહેવા માટે સતત મેસેજ કરી રહ્યો હતો. શરૂઆતમાં પવિત્રાએ તેના સંદેશાઓની અવગણના કરી, પરંતુ પાછળથી રેણુકાસ્વામીએ વાંધાજનક સંદેશાઓ મોકલવા અને તેને ધમકી આપવાનું શરૂ કર્યું હોવાની વાત સામે આવી. આ પછી પવિત્રાએ દર્શનને રેણુકાસ્વામીની હત્યા કરવા માટે ઉશ્કેર્યો. તેમજ

તેને બરાબરની સજા કરવા માટે પણ કહ્યું. દર્શને પોતાના સહયોગીઓની મદદથી રેણુકાસ્વામીનું અપહરણ કરાવ્યું. બધા તેને ગોડાઉનમાં લઈ ગયા. જ્યાં હત્યા કરતા પહેલાં તેને ત્રાસ આપવામાં આવ્યો હતો. પોલીસના જણાવ્યા અનુસાર, દર્શન અને તેના સાથીઓએ રેણુકાસ્વામીને ગોડાઉનમાં ખૂબ માર માર્યો હતો, જેના કારણે તેમનું મોત થયું હતું. હત્યા બાદ દર્શનના મિત્રોનાં કપડાં લોહીથી ખરડાઈ ગયાં હતાં. તે નજીકના રિલાયન્સ સ્ટોરમાં ગયા અને ત્યાં નવા કપડાં ખરીદીને

ત્યાં જ બદલાવી લીધાં. રેણુકાસ્વામીનો એક કાન ગાયબ હતો રેણુકાસ્વામીના પોસ્ટમોર્ટમ રિપોર્ટ પરથી પોલીસને જાણવા મળ્યું કે તેમને નિર્દયતાથી મારવામાં આવ્યો હતો.ટોર્ચર કરવા માટે ઇલેક્ટ્રિક શોક પણ આપવામાં આવ્યા હતા. શરીર પર ઈજાનાં ઘણાં નિશાન હતાં અને એક કાન પણ ગાયબ હતો. આ તમામ પુરાવા સાબિતી આપે છે કે રેણુકાસ્વામીને ખરાબ રીતે મારવામાં આવ્યો હતો, જેના પછી તેનું મૃત્યુ થયું હતું. બાદમાં આરોપીઓએ લાશનો નિકાલ કર્યો હતો.