યશ રાજ ફિલ્મ્સે મોસ્ટ અવેટેડ ફિલ્મ 'સૈયારા'નું ટીઝર રિલીઝ કર્યું છે. આ ફિલ્મથી અહાન પાંડે પોતાનું ડેબ્યૂ કરવા જઈ રહ્યો છે. અહાન એક્ટ્રેસ અનન્યા પાંડેનો પિતરાઈ ભાઈ અને એક્ટર ચંકી પાંડેનો ભત્રીજો છે. આ ટીઝર ભાવનાત્મક છે અને સાચા પ્રેમની ઝલક આપે છે. અહાન સાથે અનિતા પદ્દા જોવા મળશે. આ ફિલ્મના ડિરેક્ટર મોહિત સૂરી છે. આ ફિલ્મ 18 જુલાઈ,2025 ના રોજ રિલીઝ થશે નોંધનીય છે કે, ફિલ્મ 'સૈયારા'નું શીર્ષક પણ ખૂબ જ રસપ્રદ છે. YRF એ 'સૈયારા' શીર્ષક પાછળનો અર્થ પણ સમજાવ્યો. શાબ્દિક રીતે કહીએ તો, સૈયારા એ ભટકતો અવકાશી પદાર્થ છે, પરંતુ કવિતામાં આ શબ્દનો ઉપયોગ તેજસ્વી,

સ્વપ્ન જેવી અને અપ્રાપ્ય વસ્તુનો ઉલ્લેખ કરવા માટે થાય છે. એક એવો તારો જે હંમેશા ચમકતો રહે છે, રસ્તો બતાવે છે, પણ ક્યારેય સંપૂર્ણપણે નજીક આવતો નથી. 'સૈયારા' 18 જુલાઈ, 2025 ના રોજ વિશ્વભરના સિનેમાઘરોમાં રિલીઝ થશે. અહાન પાંડેએ પોતાનું સ્કૂલિંગ ઓબેરોય ઇન્ટરનેશનલ સ્કૂલ, મુંબઈમાંથી કર્યું અને પછી મુંબઈ યુનિવર્સિટીમાંથી ગ્રેજ્યુએશન કર્યું. તેને બાળપણથી જ ફિલ્મોનો શોખ હતો. તેણે 'ફ્રીકી અલી', 'રોક ઓન 2' અને 'ધ રેલ્વે મેન' જેવી ફિલ્મોમાં આસિસ્ટન્ટ ડિરેક્ટર તરીકે પણ કામ કર્યું છે. તે જ સમયે, અનિત પડ્ડાએ વેબ સિરીઝ 'બિગ ગર્લ્સ ડોન્ટ ક્રાય' માં પોતાનો જોરદાર અભિનય બતાવ્યો. જ્યાં તેણે રૂહી આહુજાની ભૂમિકા

ભજવી હતી. અનિત પડડાએ કાજોલ, વિશાલ જેઠવા અને પ્રિયમણિ અભિનિત ફિલ્મ 'સલામ વેંકી'થી તેની એક્ટિંગ કરિયરની શરૂઆત કરી હતી.2022 માં રિલીઝ થયેલી આ ફિલ્મમાં અનીથે નંદિનીની ભૂમિકા ભજવી હતી. ઇન્સ્ટાગ્રામ પર તેના 40 હજાર ફોલોઅર્સ છે. આ વર્ષે ઇન્ડસ્ટ્રીમાં દિગ્દર્શક તરીકે 20 વર્ષ પૂર્ણ કરી રહેલા મોહિત સુરીએ અગાઉ 'આશિકી 2' અને 'એક વિલન' જેવી સુપરહિટ રોમેન્ટિક ફિલ્મો આપી છે. ટી-સિરીઝ માટે સહાયક દિગ્દર્શક તરીકે કામ કર્યા પછી, તેમજ વિક્રમ ભટ્ટ સાથેની ફિલ્મો 'કસૂર' (2001), 'આવારા પાગલ દીવાના' (2002) અને 'ફૂટપાથ' (2003) માં સહાયક તરીકે કામ કર્યા પછી, તેમણે 2005 માં 'ઝેહર' સાથે દિગ્દર્શક તરીકેની શરૂઆત કરી હતી.