સમય રૈનાના શો 'ઇન્ડિયાઝ ગોટ લેટેલેન્ટટ પર વિવાદ ચાલુ છે. તાજેતરમાં મહારાષ્ટ્ર સાયબર સેલે ફરી એકવાર શોના તમામ પેનલિસ્ટ અને હોસ્ટ સમય રૈનાને પૂછપરછ માટે બોલાવ્યા છે. મહારાષ્ટ્ર સાયબર સેલે શોની સામગ્રીને અશ્લીલ, અપમાનજનક અને સમાજ માટે ખરાબ ગણાવી છે. શો વિરુદ્ધ સાયબર સેલમાં ફરિયાદ દાખલ કરવામાં આવી હતી. ફરિયાદમાં કહેવામાં આવ્યું છે કે શોમાં એવા શબ્દોનો ઉપયોગ કરવામાં આવ્યો હતો જે જાતિ, ધર્મ, લિંગ જેવા સંવેદનશીલ મુદ્દાઓ પર આધારિત હતા. શોની સામગ્રી યુવાનોને ખોટો સંદેશ આપી રહી હતી અને પરિવાર સાથે જોવા માટે યોગ્ય નહોતી. સાયબર સેલનો દાવો:

જાણી-જોઈને આવું કન્ટેન્ટ બનાવવામાં આવ્યું ઉપરાંત, શોમાં માતાપિતા અને મહિલાઓ વિશે અશ્લીલ વાતો કહેવામાં આવી હતી. ફરિયાદમાં કહેવામાં આવ્યું છે કે શોમાં આવી સામગ્રી જાણી જોઈને રાખવામાં આવી હતી. નોંધનીય છે કે, શોમાં ભાગ લેનારા 50 થી વધુ ગેસ્ટને સમન્સ જારી કરવામાં આવ્યા છે જેમાં ઇન્ડિયાઝ ગોટ લેટેન્ટ શોના હોસ્ટ સમય રૈના, પેનલિસ્ટ રણવીર અલ્હાબાદિયા અને અપૂર્વા માખીજાનો સમાવેશ થાય છે. આ બધા લોકોના નિવેદનો વાંધાજનક જણાયા હતા. આશિષ ચંચલાની અને અપૂર્વા માખીજાએ સાયબર સેલમાં પોતાનાં નિવેદનો નોંધાવ્યાં છે. દરમિયાન, સમય રૈના અને રણવીર અલ્લાહબાદિયાને બે વાર પૂછપરછ માટે

બોલાવવામાં આવ્યા હતા અને તેમનું સત્તાવાર નિવેદન નોંધવામાં આવ્યું હતું. અશ્લીલ કન્ટેન્ટનો ઉપયોગ કરવા બદલ કડક કાર્યવાહી કરવામાં આવશે શોના હોસ્ટ અને ગેસ્ટ ઉપરાંત, શોના કન્ટેન્ટ એડિટર અને પ્રોડ્યુસર્સને પણ તેમના નિવેદનો રેકોર્ડ કરવા માટે બોલાવવામાં આવ્યા છે. મહારાષ્ટ્ર સાયબર સેલ કહે છે કે, તે ડિજિટલ સ્પેસની સુરક્ષા જાળવવા માટે કડક પગલાં લેશે. અશ્લીલ સામગ્રીનો ઉપયોગ કરીને ઓનલાઈન પ્લેટફોર્મનો દુરુપયોગ કરનાર કોઈપણ વ્યક્તિ કે સંસ્થા સામે કડક કાર્યવાહી કરવામાં આવશે. થોડા સમય પહેલા સમય રૈનાએ ભૂલ સ્વીકારી હતી થોડા દિવસો પહેલા, સ્ટેન્ડ-અપ કોમેડિયન અને યુટ્યુબર સમય રૈનાએ ઇન્ડિયાઝ ગોટ લેટેન્ટ

શો સાથે સંબંધિત મામલા પર મહારાષ્ટ્ર સાયબર સેલને આપેલા નિવેદનમાં પોતાની ભૂલ સ્વીકારી હતી. રૈનાએ કહ્યું હતું- 'શો દરમિયાન જે કંઈ થયું તેના માટે હું માફી માગુ છું.' ભવિષ્યમાં આવી ઘટના ફરી ન બને તે માટે હું વધારાની સાવધાની રાખીશ.' કોમેડિયનએ કહ્યું - મારા માનસિક સ્વાસ્થ્ય પર ખરાબ અસર પડી. સૂત્રોના જણાવ્યા અનુસાર, 'કોમેડિયને કહ્યું હતું કે, શો દરમિયાન જે કંઈ થયું, તે ફ્લોમાં થયું. આવું બોલવાનો તેમનો કોઈ ઈરાદો નહોતો.' વધુમાં, કોમેડિયને કહ્યું કે તેમના શોની આસપાસના સમગ્ર વિવાદે તેમના માનસિક સ્વાસ્થ્ય પર અસર કરી છે. શોમાં માતા-પિતા અને

મહિલાઓ પર અભદ્ર ટિપ્પણીઓનો મામલો સ્ટેન્ડ-અપ કોમેડિયન સમય રૈનાના શો 'ઇન્ડિયાઝ ગોટ લેટેન્ટ' પર વિવાદ થયો હતો. સમયે 8 ફેબ્રુઆરીએ તેની યુટ્યુબ ચેનલ પર શોનો એક એપિસોડ અપલોડ કર્યો હતો. જેમાં યુટ્યુબર રણવીર અલ્હાબાદિયાએ માતાપિતા અને સ્ત્રીઓ વિશે અભદ્ર વાતો કહી હતી. ન્યુ ગુજરાત તે બાબતોનો ઉલ્લેખ કરી શકતું નથી. શોના તમામ મહેમાનો સામે કેસ દાખલ કરવામાં આવ્યો હતો એપિસોડ બહાર આવતાંની સાથે જ શો અને તેની સાથે સંકળાયેલા લોકોની ભારે ટીકા થવા લાગી. રણવીર વિરુદ્ધ મહારાષ્ટ્ર અને આસામ સહિત ઘણી જગ્યાએ FIR નોંધાઈ હતી. સમય ઉપરાંત, શોના 30 એવા

ગેસ્ટ સામે પણ કેસ દાખલ કરવામાં આવ્યો હતો જેમણે પહેલા એપિસોડથી અત્યાર સુધી શોમાં ભાગ લીધો હોય. આ શોને સરેરાશ પ્રતિ એપિસોડ 20 મિલિયનથી વધુ વ્યૂ મળ્યા હતા સમય રૈનાના આ શોના દરેક એપિસોડને યુટ્યુબ પર સરેરાશ 20 મિલિયન (2 કરોડ) થી વધુ વ્યૂઝ મળતા હતા. સમય અને બલરાજ ઘાઈ સિવાય આ શોના દરેક એપિસોડમાં જજ બદલાતા રહેતા હતા. દરેક એપિસોડમાં, એક નવા સ્પર્ધકને પરફોર્મ કરવાની તક મળે છે. સ્પર્ધકોને તેમની પ્રતિભા દર્શાવવા માટે 90 સેકન્ડનો સમય આપવામાં આવે છે. હવે આ શોના બધા વીડિયો દૂર કરી દેવામાં આવ્યા છે.