હવે મોટાભાગની વસ્તુઓ ઓનલાઈન થઈ ગઈ છે અને આવી સ્થિતિમાં લોકોમાં ઓનલાઈન સ્કેમ થવાનો ભય ખૂબ જ ઝડપથી ફેલાઈ રહ્યો છે. સ્કેમર્સ નવા નવા આઈડીયા લઈને આવી રહ્યા છે અને લોકો પર એવા સ્કેમ કરી રહ્યા છે જેની કોઈએ કલ્પના પણ નહીં કરી હોય. આ જ કારણ છે કે સ્કેમની અજીબોગરીબ વાતો સાંભળીને લોકો આશ્ચર્યચકિત થઈ જાય છે. આવો જ એક ખૂલાસો હર્ષા ભોગલાએ કર્યો છે. જેમાં સ્કેમર લોકોના વોટ્સ અપ હેક કરી રહ્યા છે.

વોટ્સઅપ હેક વિશે થયો ખૂલાસો

ટેક્નોલોજીની દુનિયામાં વોટ્સએપ એક એવું સોફ્ટવેર છે જે એન્ડ ટુ એન્ડ એન્ક્રિપ્ટેડ છે અને તેથી જ દુનિયા તેની સુરક્ષાને લઈને તેના પર વિશ્વાસ કરે છે. આ એપની મદદથી કોઈની પણ પરમિશન વગર કોઈની અંગત માહિતી હેક કરી શકાતી નથી.પરંતુ પ્રખ્યાત ક્રિકેટ કોમેન્ટેટર હર્ષા ભોગલેએ માર્કેટમાં ચાલી રહેલા એક નવા વોટ્સએપ કૌભાંડનો ખુલાસો કર્યો છે. લોકો આ વિશે જાણીને ખૂબ જ આશ્ચર્યચકિત છે કારણકે આ પ્રકારનું સ્કેમ તેમણે ક્યારેય વિચાર્યું નહોતું.

 આ રીતે થાય છે વોટ્સઅપ હેક

આ વીડિયો શેર કરતી વખતે ભોગલેએ કહ્યું કે ગયા મહીને મારા એક સંબંધીને તેના એક મિત્રનો મેસેજ આવ્યો કે તેણે તેના નંબર પર ભૂલથી કોડ મોકલી દીધો છે, જે બાદ મારા સંબંધીએ તેના પર વિશ્વાસ કરીને તેને તે કોડ આપ્યો અને સ્કેમરે તેનું વોટ્સએપ એકાઉન્ટ લોગ આઉટ કરી નાખ્યું અને હવે સ્કેમર તેના નંબરનો ઉપયોગ કરીને તેના રિલેટીવ પાસેથી પૈસા માંગી રહ્યો છે. આશ્ચર્યની વાત એ છે કે હેકરે જે ગ્રુપની તે એડમિનિસ્ટ્રેટર હતા તેના સેટિંગ અને બેકઅપ ઈમેલ આઈડી પણ બદલી નાખ્યા હતા, જેથી તે ફરીથી લોગઈન ન થઈ શકે.

આ વીડિયો X પર શેર કરવામાં આવ્યો છે, કરોડો લોકો તેને જોઈ ચૂક્યા છે અને કોમેન્ટ કરીને પોતાનો પ્રતિભાવ આપી રહ્યા છે. એક યુઝરે લખ્યું કે આજકાલ ઘણા ખતરનાક સ્કેમર્સ આવી ગયા છે જે આપણી નાની ભૂલને મોટી ભૂલમાં ફેરવી રહ્યા છે.